<p><span style="color: #000000;"><strong>(ភ្នំពេញ)៖</strong> រហូតមកដល់បេលនេះ ដំណឹងនៃហេតុការណ៍គ្រោះថ្នាក់ចរាចរ ដែលគេសង្ស័យថា បង្កឡើងដោយតារាចម្រៀង ល្បីឈ្មោះមួយដួង ក្នុងស្រទាប់យុវវ័យ គឺលោក ប៉ុន សុណារិន្ទ ហៅ ខេម កំពុងតែសាយភាយល្បីសុះសាយ ពេញផ្ទៃប្រទេស ជាពិសេសក្នុងបណ្ដាញសង្គម Facebook ខណៈដែលអ្នកតំណាងក្នុងផលិតកម្ម ថោន ក៏បានអះអាងថា រហូតមកដល់ពេលនេះ ខ្លួនមិនអាចទំនាក់ទំនង ទៅកាន់តារាចម្រៀង ខេម បាននៅឡើយទេ ដើម្បីចង់ដឹងពីស្ថានភាព និងសង្គ្រោះមុខរបួសជាដើម ។</span></p>
<p><span style="color: #000000;">លោក មាស សុខរតនៈ អ្នកគ្រប់គ្រងទូទៅ ប្រចាំក្នុងផលិតកម្ម ថោន ដែលជាផលិតកម្ម ផលិតបទចម្រៀងកំពុងពេញនិយម បានប្រាប់ Khmertalking នៅមុននេះបន្តិចថា លោកបានទទួលដំណឹងថា តារាចម្រៀង ខេម និងស្រ្តីម្នាក់ទៀត ជួបគ្រោះថ្នាក់ចរាចរ បើករថយន្តបុកមនុស្សស្លាប់ ប៉ុន្តែរហូតមកដល់ពេលនេះ លោកមិនទាន់អាចទំនាក់ទំនង ទៅកាន់ តារាចម្រៀង ខេម បាននៅឡើយទេ ។</span></p>
<p><span style="color: #000000;">លោក មាស សុខរតនៈ និយាយ« បាទអូន..! បងបានដឹងរឿងនេះហើយ ប៉ុន្តែបងបានទាក់ទងទៅ ខេម ដែរ តែអត់ចូលសោះអូន..! រហូតមកដល់ពេលនេះ បងក៏អត់ទាន់ដឹងថា ខេមយ៉ាងម៉េចទេ បើទូរស័ព្ទអត់ចូលចឹងនោះ..» ។</span></p>
<p><span style="color: #000000;">សូមបញ្ជាក់ថា បុរសម្នាក់បានស្លាប់ ដោយគៀបជាប់នៅក្នុងរថយន្ត ដោយសារតែបើករថយន្តបុក ជាមួយនឹងរថយន្តស៊េរីទំនើប ១គ្រឿងទៀត ម៉ាក RANGE ROVER ដែលត្រូវបានគេស្គាល់ថា ជារបស់តារាចម្រៀងល្បីមួយរូប ដែលគេសង្ស័យថា ជាតារាចម្រៀង ខេម និងជាអ្នកបើកផងដែរ ដោយបើកក្នុងទិសដៅបញ្ច្រាសគ្នា រួចក៏បុកគ្នា ចំពីមុខពេញទំហឹងតែម្តង។ ក្រោយពីបើកបុកស្លាប់ បុរសម្នាក់ហើយ តារាចម្រៀងរូបនោះ បាននាំស្រីស្នេហ៍រត់គេចខ្លួនបាត់។</span></p>
<p><span style="color: #000000;">ហេតុការណ៍នេះបានកើតឡើង នៅម៉ោង១២៖៤០នាទី រំលងអាធ្រាតឈានចូលថ្ងៃទី១៨ ខែឧសភា ឆ្នាំ២០១៦ នៅចំណុចមុខឃ្លាំង ស្ថាននីយប្រេងសូគីម៉ិច តាមបណ្តោយផ្លូវជាតិលេខ៥ ស្ថិតក្នុងសង្កាត់ឫស្សីកែវ ខណ្ឌឬស្សីកែវ។ បុរសជាជនរងគ្រោះមានឈ្មោះ លី ការីម អាយុ៣១ឆ្នាំ ជាបុគ្គលិកធនាគារអម្រិត ស្នាក់នៅក្នុងភូមិ គីឡូម៉ែត្រលេខ៨ សង្កាត់ច្រាំងចំរេះ១ ខណ្ឌឬស្សីកែវ។</span></p>
<p><span style="color: #000000;">ប្រភពព័ត៌មានជុំវិញកន្លែង កើតហេតុបានឲ្យដឹងថា នៅមុនពេលកើតហេតុគេបានឃើញ រថយន្តសេរីទំនើបមួយគ្រឿងម៉ាក Range Rover ពណ៌ស ពាក់ស្លាកលេខ ភ្នំពេញ 2X-9987 បើកតាមបណ្តោយផ្លូវជាតិលេខ៥ ក្នុងល្បឿនលឿនទិសដៅពីជើងទៅត្បូង និងមានរថយន្ត១គ្រឿងទៀត ម៉ាក Celica ពណ៌ខ្មៅ ពាក់ស្លាកលេខ ភ្នំពេញ 2M-5575 បើកក្នុងល្បឿនលឿន ដូចគ្នាទិសដៅបញ្ច្រាសគ្នា ពេលមកដល់ចំណុចកើតហេតុបានបុកគ្នា ចំពីមុខពេញទំហឹង បណ្តាលឱ្យបុរសម្នាក់ដែលជាម្ចាស់ Celica ស្លាប់គៀបជាប់ក្នុងរថយន្ត។</span></p>
<p><span style="color: #000000;">ប្រជាពលរដ្ឋឃើញហេតុការណ៍ បាននិយាយថា អ្នកបើករថយន្ត Range Rover ត្រូវបានគេស្គាល់ថា ជាតារាចម្រៀងមួយរូប អាចជាតារាចម្រៀង ខេម និងរួមដំណើរដោយនារី ស្រស់ស្អាតម្នាក់ទៀត បានចុះមកពីលើរថយន្ត រួចគេចខ្លួនបាត់ រីឯរថយន្តទាំង២គ្រឿង រងការខូចខាតផ្នែកខាង មុខយ៉ាងដំណំ។</span></p>
<p><span style="color: #000000;">ក្រោយមកសមត្ថកិច្ចមូលដ្ឋាន បានទៅដល់កន្លែងកើតហេតុ និងសហការជាមួយជំនាញ ធ្វើការវាស់វែងស្ទូចយករថយន្តទាំង២គ្រឿង ទៅរក្សាទុកនៅការិយាល័យ ចរាចរណ៍ជើងគោក រាជធានីភ្នំពេញ រង់ចាំដោះស្រាយតាមផ្លូវច្បាប់៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2Fvb.199402103564922%2F553731494798646%2F%3Ftype%3D3&show_text=0&width=730" frameborder="0" width="500" height="410"></iframe></span></p>
<p> </p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpa1/v/t1.0-9/8411_1045263985512376_7743600217364023361_n.jpg?oh=d42451db6a9367b99b4436470e6f0e0f&oe=57D4D15D&__gda__=1474472992_b54d2e071514370a5ad662095d1e4777" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/946771_1011519132220195_6566923350205656653_n.jpg?oh=546f65686ae78e9c9dabcfa31ad416f5&oe=57A35BFB" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-45-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-18-07-48-46-8.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>