<p><span style="color: #000000;"><strong>(ភ្នំពេញ)៖</strong> ពិតជាមិនធម្មតាមែន សម្រាប់អតីតតារាសម្ដែង សារាយ សក្ខណា បើទោះបីជាមានប្ដី មានកូន១ និងត្រូវចាកចេញទៅរស់នៅ សហរដ្ឋអាមេរិក តាមគ្រួសារខាងប្ដីក៏ពិតមែន ប៉ុន្តែនាងជាតារាសម្ដែងម្នាក់ នៅតែត្រូវប៉ាន់ក្នុងទីផ្សារសិល្បៈរបស់បងប្អូន នៅក្នុងប្រទេសកម្ពុជា ដោយទស្សនិកជន នៅតែចងចាំកេរ្តិ៍ឈ្មោះ និងទេពកោសល្យសម្ដែង របស់នាងដដែល ។ ជាក់ស្ដែងគ្រាន់តែនាង ឆ្លៀតពេលមកលេងស្រុកកំណើត ជួបជុំគ្រួសារក្នុងឱកាស បុណ្យចូលឆ្នាំថ្មីប្រពៃណីខ្មែររយៈពេល ជិត១ខែនេះ ត្រូវបានអ្នកដឹកនាំាសម្ដែង ផលិតករនានា ទាក់ទងឲ្យថត និងសម្ដែងឲ្យរញ៉ី ប៉ុន្តែខ្លះក៏ទទួល ខ្លះក៏បដិសេធ ព្រោះតែគ្មានពេលវេលាគ្រប់គ្រាន់ ។ ប៉ុន្តែរយៈពេលដែល សារាយ សក្ខណា មកលេងស្រុកខ្មែរនេះ នាងដណ្ដើមបានឱកាសសម្ដែងជាតួឯក ក្នុងរឿងមួយមានចំណងជើងថា« សង្សាខ្ញុំក្រមុំកូន១» ។</span></p>
<p><span style="color: #000000;">តារាសម្ដែងនៅតែមានទីផ្សារខ្ពស់ អ្នកនាង សារាយ សក្ខណា បានប្រាប់គេហទំព័រ Khmertalking ឲ្យដឹងថា ជាការពិត នាងពិតជាត្រូវបានផលិតករទាក់ទង ឲ្យថតរឿងច្រើនមែន ពេលដែលពួកគាត់ដឹងថា នាងមកលេងស្រុកខ្មែរ ក្នុងរយៈពេលខ្លី ។ ប៉ុន្តែសំណើរនេះ នាងមិនបានបំពេញជូនតាមតម្រូវការ ទាំងអស់នោះទេ ព្រោះតែនាងចង់ទុកពេលវេលាខ្លះ ដើម្បីជួបជុំគ្រួសារ ដើរលេងកម្សាន្ត និងសម្រាកក្នុងផ្ទះ ឲ្យបានច្រើនបន្តិច។ យ៉ាងណាមិញ សារាយ សក្ខណា ក៏បានយល់ព្រមសម្ដែង ឲ្យផលិតកម្មមួយចំនួន ដែលបានលៃលកពេលវេលា ដ៏សមរម្យមួយសម្រាប់នាង ដើម្បីសម្ដែង ហើយមិនប៉ះពាល់ដល់ ពេលវេលាផ្ទាល់ខ្លួន។</span></p>
<p><span style="color: #000000;">សារាយ សក្ខណា និយាយថា« ច៎ាបង..! ខ្ញុំមកលេងស្រុកលើកហ្នឹង! មានអ្នកទាក់ទងច្រើន តែទទួលខ្លះ អត់ខ្លះ ព្រោះហត់ពេកបង..! និយាយទៅខ្ញុំបានថតរឿងមួយ ឲ្យផលិតកម្ម Red Picture គឺរឿង "សង្សារខ្ញុំក្រមុំកូន១" ដោយសារតែរឿងនេះ ខ្ញុំថតតែ១០ថ្ងៃប៉ុណ្ណោះ គឺចប់ហើយបង..! សល់ពេលពីនោះ ខ្ញុំបានដើរលេងលំហែរកាយ ជាមួយគ្រួសារ ។ ជាក់ស្ដែងឆ្នាំនេះ ខ្ញុំបានទៅដើរលេងនៅ ខេត្តសៀមរាប ក្នុងកម្មវិធីអង្គរសង្ក្រាន្ត ឃើញថា គេរៀបចំបានល្អ ហើយសប្បាយណាស់បង..!» ។</span></p>
<p><span style="color: #000000;">លោក ឌៀប សុវណ្ណដារ៉ា ចាងហ្វាងផលិតកម្ម Red Picture ក៏បានថ្លែងប្រាប់ Khmertalking ដែរថា ស្នាដៃទី៣របស់លោក បន្ទាប់ពីរឿង «ទង់ព្រលឹង» គឺរឿង «សង្សារខ្ញុំក្រមុំកូន១» ដែលមានតួឯកស្រី គឺអ្នកនាង សារាយ សក្ខណា និងតួឯកប្រុស គឺតារាកំប្លែងនាយ ពែកមី ជាប្រភេទរឿងកំប្លែង និងមនោសញ្ចេតនា ស្នេហា ។ ចំពោះមូលហេតុ ដែលលោកត្រូវជ្រើសរើស អ្នកនាងសារាយ សក្ខណា ជាតួឯក ព្រោះលោកយល់ថា ទីផ្សារនៃការគាំទ្រ របស់ទស្សនិកជន នៅក្នុងប្រទេសយើង ទៅលើអ្នកនាង សក្ខណា គឺនៅតែមានសន្ទុះខ្លាំងដដែល ហើយគាប់ជូនគាត់មកលេងស្រុកខ្មែរ នៅពេលនេះទៀត គឺឆ្លៀតពេលថតរឿងនេះឲ្យហើយតែម្ដង ពោលគឺថតតែគាត់មុនគេសិនប៉ុណ្ណោះ ចំណែកតួផ្សេងៗទៀត ចាំថតក្រោយក៏បាន។</span></p>
<p><span style="color: #000000;">យ៉ាងណាមិញ រឿងថ្មីនេះ លោក ឌៀប សុវណ្ណដារ៉ា ជឿជាក់ថា នឹងទទួលបានជោគជ័យបន្ថែមទៀត ព្រោះលោកផលិតឡើង តម្រូវតាមទីផ្សារភាពយន្ត ហើយស្នាដៃរបស់ផលិតកម្ម Red Picture នាពេលកន្លងមក ក៏ត្រូវបានគេទទួលស្គាល់ និងគាំទ្រច្រើន លើសពីការរំពឹងទុកផងដែរ៕</span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtf1/v/t1.0-9/13096350_1421100491249590_4356711766675825183_n.jpg?oh=954bfb5182f2706d929ca72989e1fa06&oe=57B29FC0&__gda__=1471377512_739084d6b83da6be202c132c7a9b74d1" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/13133232_1421100487916257_3024281375863915335_n.jpg?oh=e37daaa0690d34142dcedf301c760a97&oe=57B41C69" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-prn2/v/t1.0-9/521704_10151543237915551_224069641_n.jpg?oh=2cc730431b2f86fa262ed4224d1ac0fa&oe=57B8DEB8" alt="" width="730" /></span></p>
<p><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfa1/v/t1.0-9/431473_10151331653480551_535692836_n.jpg?oh=1f80f665bd4b331522b50fc20ace5861&oe=579CC171&__gda__=1471100230_6ca24fa8f251715f686ba19975bed93d" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/1236148_10153124615120551_1675947709_n.jpg?oh=dd68687ea42b4387a2082cdc82841262&oe=5799DD26" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>
<p><br /><br /></p>