<p><span style="color: #000000;">ព័ត៌មានអន្តរជាតិ ៖ យោធា សហរដ្ឋអាមេរិក អោយដឹងថា គ្មាននរណាម្នាក់ ត្រូវបានគេមានជំនឿជាក់ អោយដឹងថា មានឱកាសរស់រានមានជីវិតនោះទេ ពីករណីធ្លាក់ឧទ្ធម្ភាគចក្រមួយគ្រឿង របស់សហរដ្ឋ អាមេរិក នៅក្នុងប្រទេស នេប៉ាល់ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/16/40-16-05-2015--10-34-18.jpg"><img src="/FileManager/Articles/mce/2015/5/16/40-16-05-2015--10-34-18.jpg" alt="" /></a><br /></span></p>
<p><span style="color: #000000;">បំណែក ឧទ្ធម្ភាគចក្រ ធ្លាក់ ដែលបានបាត់ខ្លួន សប្តាហ៍នេះ អំឡុង ហោះប្រតិបត្តិការចែកចាយស្បៀង ដល់ជនរងគ្រោះ គ្រោះរញ្ជួយដី ជិតព្រំប្រទល់ដែន ប្រទេសចិន ត្រូវបានរកឃើញ ព្រឹកថ្ងៃ សុក្រ ម្សិល មិញនេះ ។ ទាហានម៉ារីន សហរដ្ឋអាមេរិក ៦ នាក់ និង ពលទាហាន នេប៉ាល់ ២ នាក់ទាំងអស់គ្នាមាន វត្តមានលើឧទ្ធម្ភាគចក្រមួយគ្រឿងនេះ ។ សេចក្តីរាយការណ៍ បញ្ជាក់អោយដឹងថា សាក សព មនុស្ស ៣ នាក់ ត្រូវបានគេប្រទះឃើញហើយ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/16/41-16-05-2015--10-34-29.jpg"><img src="/FileManager/Articles/mce/2015/5/16/41-16-05-2015--10-34-29.jpg" alt="" /></a><br /></span></p>
<p><span style="color: #000000;">គួរបញ្ជាក់ថា គ្រោះរញ្ជួយដី លើកទី ២ កម្លាំង ៧,៣ រ៉ិច ទ័រ នៅ នេប៉ាល់ បាន សម្លាប់ មនុស្សហោច ណាស់ ១១០ នាក់ ខណៈគ្រោះរញ្ជួយដីលើកទី ២ នេះ បានកើតឡើង ប៉ុន្មាន ថ្ងៃបន្ទាប់ ក្រោយពីមាន គ្រោះរញ្ជួយដីលើកទី ១ កម្លាំងខ្លាំងដល់ទៅ ៧,៨ រ៉ិចទ័រ កាលពីថ្ងៃទី ២៥ មេសា កន្លងទៅ សម្លាប់ មនុស្សច្រើនជាង ៨០០០ នាក់ ស្របពេលដែលជនរងគ្រោះ កើន ឡើងដល់ទៅ រាប់ម៉ឺននាក់ ឯណោះ </span></p>
<p><span style="color: #000000;">របាយការណ៍ ពី សារព័ត៌មានក្នុងស្រុក ប្រទេស នេប៉ាល់ Nepal Times អោយដឹងថា បំណែកឧទ្ធម្ភាគ ចក្រធ្លាក់ ត្រូវបានគេរកឃើញ មានរយៈចម្ងាយ ៥៦ គ.ម ពីទីក្រុង Kathmandu បន្ទាប់ពីបាត់ខ្លួនអស់ រយៈពេលជាច្រើនថ្ងៃ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>