<p><strong style="color: #000000; font-size: 12px;">(</strong><strong style="color: #000000; font-size: 12px;">ម៉ានីល)៖</strong><span style="color: #000000; font-size: 12px;"> មេភេរវករមួយរូបរបស់ក្រុមសកម្មប្រយុទ្ធអ៊ីស្លាម ស្ថិតនៅក្នុងបញ្ជីខ្មៅដែលសហរដ្ឋអាមេរិកចង់ចាប់ខ្លួនបំផុតនោះ បានទទួលរងរបួសធ្ងន់ហើយ នៅក្នុងការវាយប្រហារដោយទម្លាក់គ្រាប់បែកតាមផ្លូវអាកាសរបស់យោធាហ្វីលីពីន។ នេះបើតាមការដកស្រង់ព័ត៌មានពី Channel News Asia នាយប់ថ្ងៃសៅរ៍ ទី២៨ ខែមករា ឆ្នាំ២០១៧។</span></p>
<p><span style="color: #000000;">រដ្ឋមន្ត្រីក្រសួងការពារជាតិហ្វីលីពីន លោក Lorenzana បានលើកឡើងយ៉ាងដូច្នេះថា <strong>«Isnilon Hapilon </strong><strong>គឺជាមេភេរវករដែលទីក្រុងវ៉ាស៊ីនតោនជឿជាក់ ថាបានចូលរួមនៅក្នុងការចាប់ជម្រិត ជនជាតិអាមេរិកបីរូបនៅក្នុងប្រទេសហ្វីលីពីនកាលពីឆ្នាំ២០០១ និងបានប្រកាសផ្តល់រង្វាន់ ៥លានដុល្លារអាមេរិកទៅដល់ជនណាក៏ដោយ ដែលអាចកាត់ក្បាលមេភេរវកររូបនេះបាន</strong><strong>»</strong>។</span></p>
<p><span style="color: #000000;">គួរបញ្ជាក់ថា Isnilon Hapilon មានអាយុ ៥០ឆ្នាំគឺជាមេដឹកនាំជាន់ខ្ពស់នៃពួកឧទ្ទាម អាប៊ូ សាយ៉ាហ្វ នៃភាគខាងត្បូងប្រទេសហ្វីលីពីន ហើយក៏ត្រូវបានក្រុមរដ្ឋអ៊ីស្លាម ISIS ទទួលស្គាល់ថាជាមេដឹកនាំរបស់ពួកគេនៅតំបន់អាស៊ីអាគ្នេយ៍ផងដែរ។ រដ្ឋមន្ត្រីការពារជាតិហ្វីលីពីនបានបញ្ជាក់ថា Isnilon ពិតជារងរបួសធ្ងន់ធ្ងរណាស់ ក្រោយការទម្លាក់គ្រាប់បែកកាលពីថ្ងៃពុធ សប្តាហ៍នេះនៅក្នុងទីក្រុង Butig ចម្ងាយ ៨០០គីឡូម៉ែត្រ ភាគខាងត្បូងរដ្ឋធានីម៉ានីល៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/30/01h-30-01-2017--13-13-22.jpg"><img src="/FileManager/Articles/mce/2017/1/30/01h-30-01-2017--13-13-22.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>