<p><span style="color: #000000;">ព័ត៌មានអន្តរជាតិ ៖ ក្រុមអ្នកស៊ើបអង្កេត ប្រទេស បារាំង អោយដឹង ថា យន្តហោះមួយគ្រឿង របស់ ក្រុមហ៊ុនអាកាសចរណ៍ Air France ប៊ិះនឹងជូប ឧបទ្ទេវហេតុ ដោយហោះ ប៊ិះ នឹងបុកជាមួយនឹងភ្នំ ខ្ពស់បំផុតនៅភាគកណ្តាលទ្វីបអាហ្រ្វិក ដើមខែ ឧសភា នេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/27/21-27-05-2015--09-32-57.jpg"><img src="/FileManager/Articles/mce/2015/5/27/21-27-05-2015--09-32-57.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា យន្តហោះ Air France ជើងហោះ ហើរ AF953 អំឡុងពេល ធ្វើដំណើរ ពី ទីក្រុង Malabo ប្រទេស Equatorial Guinea ឆ្ពោះទៅកាន់ទី ក្រុង Douala ប្រទេស Ca- meroon នោះ បានជួបនឹងលក្ខខ័ណ្ឌអាកាសធាតុអាក្រក់ នៅថ្ងៃទី ២ ខែ ឧសភា ។ ដោយធ្វើយ៉ាង ណាជៀសអោយបាននូវគ្រោះអាក្រក់ ព្យុះភ្លៀង យន្តហោះមួយគ្រឿងនេះ បែរជាហោះ ប៊ិះនឹងបុក ភ្នំ Cameroon ដែលមានកំពស់ដល់តៅ ៤,០៤០ ម៉ែត្រទៅវិញ ។ យន្តហោះ ប្រភេទ Boeing 777 មួយ នេះផ្ទុកអ្នកដំណើរសរុប ៣៧ នាក់ អំឡុងហោះ រយៈចម្ងាយខ្លី ប្រមាណ ១០០ គ.ម ពី Malabo ទៅ Douala បម្រុងនឹងសំចតនៅទីនោះ និងយកអ្នកដំណើរ បន្តហោះទៅកាន់ ទី ក្រុង បារីស ប្រទេស បារាំងបន្ថែមទៀត ។ បន្ទាប់ពីផ្តូរជើងហោះហើរ (ផ្លូវអាកាសហោះហើរ) ទៅកាន់ភាគខាងជើង ដើម្បី ជៀសអោយបាន ព្យុះភ្លៀង នៅវេលាម៉ោង ៩ យប់ (ម៉ោងក្នុងស្រុក) ប៉ុន្តែ ផ្លូវរថថ្មី នៃយន្តហោះមួយ គ្រឿងនេះ បែរសំដៅ ទៅរកភ្នំ កំពស់ខ្ពស់ទៅវិញ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/27/20-27-05-2015--09-33-10.jpg"><img src="/FileManager/Articles/mce/2015/5/27/20-27-05-2015--09-33-10.jpg" alt="" /></a><br /></span></p>
<p><span style="color: #000000;">ភ្លាមៗ មានសារព្រមាន ស្វ័យប្រវត្តិអោយដឹងថា ត្រូវ តែហោះឡើង "Pull up", បន្លឺ ឡើង រំពេចនោះ យន្តហោះ សម្រុកហោះឡើងយ៉ាងលឿន ពី រយៈកំពស់ ២,៧៤៣ ម៉ែត្រ ទៅកំពស់ ៣,៩៦២ ម៉ែត្រ ដើម្បីជៀសវាងពីការហោះបុកភ្នំ ។ រយៈពេល ៤៤ នាទី បន្ទាប់ពីហោះចេញពី ទីក្រុង Malabo យន្ត ហោះមួយគ្រឿងនេះ បានចុះចត បានសម្រេច និងដោយ សុវត្ថិភាព ដោយគ្មានអ្នកដំណើរណាម្នាក់ រងរបួសនោះទេ ។ គួរបញ្ជាក់ថា ករណីបែកធ្លាយ ហេតុការណ៍ គ្រោះថ្នាក់ ខាងលើនេះអាចបែកការ ទៅបានបន្ទាប់ពី ក្រុមស៊ើបអង្កេត ប្រទេសបារាំង BEA បើកការស៊ើបអង្កេត ឯករាជ្យ យ៉ាងណាមិញ ជាការអះអាងពីក្រុមហ៊ុន Air France អោយដឹងថា ខ្លួននឹងបើការស៊ើបអង្កេត ផ្ទៃក្នុងពាក់ព័ន្ធនឹង ករ ណីគ្រោះថ្នាក់មួយនេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/27/22-27-05-2015--09-33-19.jpg"><img src="/FileManager/Articles/mce/2015/5/27/22-27-05-2015--09-33-19.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>