<p><span style="color: #000000;"><strong>(ភ្នំពេញ)៖</strong> ដើម្បីសម្រួលដល់អ្នកគាំទ្រគ្មានសំបុត្រចូលទស្សនាក្រុមជម្រើសជាតិកម្ពុជា ប្រកួតជើងទី២ ជាមួយក្រុមចិនតៃប៉ិ លើទីលានពហុកីឡដ្ឋានជាតិយប់នេះ ក្រុមការងារទូរទស្សន៍ BTV-News នឹងរៀបចំការចាក់បញ្ចាំងផ្ទាំង LED នៅក្នុងបរិវេណពហុកីដ្ឋានជាតិ ដើម្បីផ្ដល់ឱកាសឲ្យអ្នកគាំទ្រគ្មានសំបុត្របានទស្សនាជុំគ្នា និងបញ្ចៀសការផ្លោះរបងផងដែរ។</span></p>
<p><span style="color: #000000;">ទូរទស្សន៍ឈានមុខខាងផ្សាយកីឡាបាល់ទាត់មួយនេះ បានប្រកាសលើ Page Facebook ផ្ទាល់ខ្លួនល្ងាចមិញថា <strong>«បងប្អូន ដែលមិនមានសំបុត្រទស្សនាការប្រកួតស្អែកនេះ អាចទស្សនាតាមរយៈបណ្ដាញសង្គម Facebook ផ្លូវការរបស់ BTV NEWS គឺ BTV Cambodia ហើយ BTV ក៏មានដាក់ផ្ទាំង LED ជូនបងប្អូនជូនទស្សនានៅបរិវេណពហុកីឡដ្ឋានជាតិផងដែរ»</strong>។</span></p>
<p><span style="color: #000000;">គួរបញ្ជាក់ថា នេះជាការប្រកួតមួយដ៏សំខាន់ ដែលកម្ពុជា ត្រូវការយ៉ាងហោចស្មើគ្នា ០-០ ឬ ១-១ ឬក៏ឈ្នះ ឆាយនីតៃប៉ិ ដើម្បីឡើងវគ្គបន្ដ ប៉ុន្ដែបើសិនស្មើគ្នា ២-២ ដូចកាលពីជើងទី១ ការប្រកួតត្រូវបន្ថែមម៉ោង ១៥នាទី ២ដង ដើម្បីប្រកួតកាត់សេចក្ដី ហើយបើស្មើទៀត គឺត្រូវទាត់បាល់ប៉េណាល់ទី កំណត់ក្រុមឈ្នះតែម្ដង៕</span></p>
<p><a class="thickbox" title="" href="/FileManager/Commons/2016/6/7/11b-07-06-2016--09-55-59.jpg"><img src="/FileManager/Articles/mce/2016/6/7/11b-07-06-2016--09-55-59.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>