<p>ដើម្បីមិនឱ្យខាតបង់ពេលវេលា កម្លាំងកាយ និងមិនចំណាយប្រាក់ច្រើនដោយមិនសមហេតុ <br />សមផល នៅពេលឡើងផ្សារ អ្នកត្រូវតែរៀបចំវិធីសាស្ដ្រ ឱ្យបានសមស្របទៅតាមជីវភាព<br />របស់ខ្លួន ក្នុងនោះ មានដូចជា ប្រាក់កាស និងពេលវេលាជាដើម។ វិធីសាស្ដ្រខាងក្រោមនឹង<br />ជួយអ្នក ក្នុងការឡើងផ្សារប្រកបដោយភាពវៃឆ្លាត។<br /><br /><br /></p>
<p style="text-align: center;"><a class="thickbox" title="" href="/FileManager/Commons/2014/3/5/shopping3-05-03-2014--21-53-07.jpg"><img src="/FileManager/Articles/mce/2014/3/5/shopping3-05-03-2014--21-53-07.jpg" alt="" /></a></p>
<p><br /><br /><strong>ដើរផ្សារតែមួយលើក ទិញអីវ៉ាន់ប្រើបាន មួយសប្ដាហ៍</strong><br /><br />ដើម្បីជួយមិនឱ្យខាតពេលវេលាច្រើន និងខាតបង់ប្រាក់កាសដោយសារថ្លៃសាំង ថ្លៃម៉ូតូឌុប ស្ដ្រីជាមេផ្ទះទាំងឡាយ គួររៀបគម្រោងឡើងផ្សារម្ដង ទិញអីវ៉ាន់ច្រើនមុខ សម្រាប់រយៈពេល<br />ច្រើនថ្ងៃ។ ការរក្សាទុកអាហារនៅក្នុងទូរទឹកកក ធុងទឹកកក ក៏ជាវិធីសន្សំសំចៃមួយប្រកបដោយ<br />ប្រសិទ្ធិភាព។<br /><br /><strong>បង្កើតតារាងទំនិញ មុននឹងឡើងផ្សារ</strong></p>
<p>នៅមុនពេលឡើងផ្សារម្ដងៗ ល្អបំផុតគឺត្រូវតែសរសេរនៅលើតារាងមួយ នូវអាហារ និងរបស់<br />របរដែល ត្រូវទិញជាចាំបាច់។ ធ្វើបែបនេះ វានឹងជួយឱ្យអ្នក មិនច្រឡំ ឬទិញរបស់ដែលគ្រួសារ<br />មិនត្រូវការ។<br /><br /><strong>ជ្រែរកតម្លៃតម្លៃទាបជាងគេ</strong><br /><br />នៅក្នុងផ្សារមួយ ឬតំបន់មួយ វាប្រាកដជាមិនមែនហាងណាមួយ ក៏លក់របស់របរមានតម្លៃដូច<br />គ្នានោះដែរ ដូច្នេះ ដើម្បីចៀសវាងត្រូវគេកោរ ឬដើម្បីសំចៃប្រាក់ និងជ្រើសរើសមួយដែល លក់ ទំនិញតម្លៃសមរម្យ ស្ដ្រីទាំងឡាយ គួរដើរស៊ើបតម្លៃជាមុនសិន ដើម្បីឱ្យដឹង ហាង ឬតូបណាមួយ<br />ដែលលក់ទំនិញអ្វីមួយថោក រូចកត់សម្គាល់ ថ្ងៃក្រោយ ពេលត្រូវការទិញរបស់ អ្នកអាចទៅទិញ<br />នៅ ហាងដែលអ្នកដឹងថា លក់ក្នុងតម្លៃទាបជាងហាងដទៃ។<br /><br /><strong>ត្រកូនថោក ហូបត្រកួន សាច់គោថោក ហូបសាច់គោ</strong><br /><br />វិធីពិសេសមួយទៀត ដើម្បីសន្សំសំចៃប្រាក់ នោះគឺហូបតាមរដូវកាល ពោលគឺ រដូវស្ពៃចង្កឹះ<br /> ហូបតែស្ពៃចង្កឹះ រដូវខាតណា ហូបតែខាតណា។ល។ ព្រោះថា នៅក្នុងរដូវបន្លែអ្វីមួយ បន្លែនោះ ប្រាកដជាត្រូវបានគេដាំច្រើន ហើយវាក៏នឹងមានតម្លៃទាប។ ជាងនេះ បន្លែផ្លែឈើ ដែលត្រូវដាំ<br />ទៅតាម រដូវកាល គឺមានសុវត្ថិភាពជាង ប្រធៀបនឹងបន្លែផ្លែឈើខុសរដូវ ដោយសារថា បន្លែ<br />ផ្លែឈើខុសរដូវ តែងតែមានជាតិគីមីច្រើន។<br /><br /><strong>ទិញទំនិញនៅកន្លែងបោះដុំ</strong><br /><br />បណ្ដាផ្សារ ដែលមានទំនិញបោះដុំ ទំនិញដែលយកមកលក់ផ្ទាល់ពីអ្នកផលិត តែងតែមានតម្លៃ<br />ទាប។ ចំណែកអាហារក្រៀម ទុកបានយូរ និងចាំបាច់សម្រាប់គ្រួសារ ដូចជា ប្រេងឆា មី ម្សៅ<br />ស៊ុប ជាដើម អ្នកគួរទិញពីហាងលក់បោះដុំ ឬផ្សារទំនើប ព្រោះថា នៅទីនេះ ភាគច្រើន មាន<br />ការបញ្ចុះតម្លៃ ពេលទិញចំនួនច្រើន។ នៅពេលអ្នកទិញពីកន្លែងបោះដុំ ឬផ្សារទំនើប អ្នកនឹង<br />ទទួល បានការបញ្ចុះតម្លៃ ប៉ុន្ដែ បើទិញពីហាងតូចៗ នោះអ្នកនឹងបាត់បង់ផលប្រយោជន៍នេះ ដោយសារពួកគេមិនផ្ដល់ជូន ឬលក់រាយ។</p>
<p>ចំណែកបន្លែ ផ្លែឈើ ត្រីសាច់ គួរតែទិញពីផ្សារសាធារណៈ ព្រោះនៅផ្សារទំនើប តែងលក់ក្នុង<br />តម្លៃ ហើយទំនិញខ្លះ ត្រូវទុកយូរថ្ងៃ។ <br /><br /><strong>ឃើញទំនិញបញ្ចុះតម្លៃ គួរតែទិញ</strong><br /><br />ប្រសិនអាចដឹងបាននូវវដ្ដនៃដំណើរការរបស់ផ្សារទំនើបនិមួយៗ ស្ដ្រីមេផ្ទះ អាចនឹងទិញ បាន<br />នូវ ផលិតផលតម្លៃថោក ជាងនៅផ្សារខាងក្រៅ។ ឧទាហរណ៍ដូចជា ផ្សារ ឬ ក តែងលក់បញ្ចុះ<br />តម្លៃ នៅចុងសប្ដាហ៍។ល។ ពិតណាស់ សម្រាប់ទំនិញ ដូចជាបន្លែជាងដើម នឹងមិននៅស្រស់<br />ប៉ុន្មាន ចំណែកទំនិញខ្លះទៀត ក៏ជិតនឹងហួសកាលកំណត់ ប៉ុន្ដែ តម្លៃរបស់វា ពិតជាទាប ហើយ<br />ប្រសិនឆ្លាតវៃ អ្នកក៏អាចនឹងរកបានទំនិញល្អៗក៏ថាបាន។ <br /><br /><strong>ធ្វើជាអតិថិជនពិសេសរបស់ផ្សារ</strong><br /><br />ប្រសិនអ្នក ជាមេផ្ទះដែលឡើងផ្សារទំនើបញឹកញាប់ នោះគួរតែចុះឈ្មោះធ្វើជាសមាជិករបស់<br />ផ្សារ ដើម្បីក្លាយជាអតិថិជនជិតស្និទ្ធ។ ការចុះឈ្មោះមិនស្មុគស្មាញនោះទេ ប៉ុន្ដែអត្ថប្រយោជន៍<br />ដែលទទួលបាន គឺមានច្រើន ព្រោះអតិថិជនប្រភេទនេះ តែងត្រូវបានគេយកចិត្តទុកដាក់ និង ទទួលបានការបញ្ចុះតម្លៃ។<br /><br /><strong>ទិញទំនិញពីកសិករ</strong><br /><br />ជាក់ស្ដែង ទំនិញដូចជា បន្លែ ផ្លែឈើ ត្រីសាច់ជាដើម នៅឯស្រុកស្រែចំការ គឺតែងស្អាតបាត <br />និងទោកជាង ធៀបនឹងនៅក្នុងក្រុង។ ពិសេសជាងនេះ គឺថា អាហារទាំងនេះ អាហារដាំដុះ និង ចិញ្ចឹមលក្ខណៈគ្រួសារ។ ដូច្នេះ ប្រសិនមានអ្នកផ្គត់ផ្គង់បែបនេះ អ្នកនឹងទទួលបានប្រយោជន៍<br />ច្រើន គឺតម្លៃទាប និងមិនប៉ះពាល់ដល់សុខភាព៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ LS<br /><br /></p>