<div class="article-content">
<p><strong>-ជនសង្ស័យម្នាក់ ជានិស្សិតនៅសាលាច្បាប់ </strong></p>
<p><strong>-សាច់ញាតិជនសង្ស័យ កំពុងរត់ការដោះលែង <br /></strong></p>
<p><strong>ភ្នំពេញ</strong> : ជនសង្ស័យ២នាក់ ត្រូវបានប្រជាពលរដ្ឋ និង សមត្ថកិច្ច ដេញចាប់បាន ក្រោយពេល ឆក់ទូរស័ព្ទ iPhone5 ពីនារីវ័យក្មេងម្នាក់ នៅចំណុចផ្លូវលេខ៤៣២ កែងផ្លូវលេខ៩៥ សង្កាត់បឹងត្របែក ខណ្ឌចំការមន កាលពីវេលា៦ល្ងាច ថ្ងៃទី២១ ខែកុម្ភ: ឆ្នាំ២០១៤ ។</p>
<p>សមត្ថកិច្ច បានឲ្យដឹងថា ជនជាប់សង្ស័យទាំង២នាក់នេះ មានទី១ឈ្មោះ សេង សភ័ក្រ អាយុ ២២ឆ្នាំ ស្នាក់នៅភូមិសន្សំកុសល សង្កាត់បឹងទំពុន ខណ្ឌមានជ័យ ជានិស្សិតសាលាច្បាប់ និងម្នាក់ទៀត ឈ្មោះ សំ កុសល ភេទប្រុស អាយុ ១៩ឆ្នាំ ស្នាក់នៅផ្ទះជួល ភូមិសន្សំកុសល សង្កាត់បឹងទំពុន ខណ្ឌមានជ័យ ។ ជនសង្ស័យជិះម៉ូតូ ស្កុបពី ពណ៌ផ្ទៃមេឃ ពាក់ស្លាកលេខ ភ្នំពេញ 1BN-6270 ។</p>
<p>ចំណែកឯនារី ម្ចាស់ទូរស័ព្ទ ឈ្មោះ អៀ សាលីណា អាយុ២៣ឆ្នាំ មានទីលំនៅ សង្កាត់ទន្លេបាសាក់ ខណ្ឌចំការមន ។</p>
<p>តាមប្រភពព័ត៌មានការចាប់ខ្លួន ខាងលើនេះ បានឲ្យដឹងថា ដំបូងឡើយ នារីរងគ្រោះ បានជិះម៉ូតូស្កុបពី តាមបណ្តោយផ្លូវលេខ៦៣ មកដល់ផ្លូវលេខ៤៣២ ត្រង់តូបលក់កាសែត ក៏ឈប់ម៉ូតូដើម្បីទិញកាតទូរស័ព្ទ ខណ:នារីរងគ្រោះ ដកទូរស័ព្វ ម៉ាក iPhone5 ហើយកំពុងចុចបញ្ចូលទឹកប្រាក់នោះ ស្រាប់តែមានជនសង្ស័យ ២នាក់ ជិះម៉ូតូស្កុបពីមកអែប ហើយជនសង្ស័យម្នាក់ ឈ្មោះ សំកុសល លោតចុះពីលើម៉ូតូ ស្ទុះទៅឆក់</p>
<p>ទូរស័ព្ទ ពីនារីរងគ្រោះ ហើយជិះរត់ មកដល់ចំណុចកើតហេតុ ជនសង្ស័យក៏ដួលម៉ូតូ ស្របនារីរងគ្រោះស្រែកចោរ តាមពីក្រោយផងនោះ ផ្អើលដល់ប្រជាពលរដ្ឋ និងសមត្ថកិច្ចចាប់ជាប់តែម្តង។</p>
<p>ដោយមានវត្ថុតាង និងសាក្សី ជនសង្ស័យ ត្រូវបញ្ជូនទៅ កាន់អធិការដ្ឋាន នគរបាល ខណ្ឌចំការមន ដើម្បីចាត់ការ តាមនិតិវិធីច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-037/S5338.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-037/S5340.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-037/S5339.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/81420--iphone-5-.html"><span style="color: #0000ff;">ដើមអំពិល</span></a></p>
</div>