<p><span style="color: #000000;"><strong>ភ្នំពេញ៖</strong> ប្រជាពលរដ្ឋជាច្រើននាក់ នៅកន្លែងកើតហេតុ ព្រមទាំងសមត្ថកិច្ចផងនោះ បានរិះគន់យ៉ាងខ្លាំងចំពោះរថយន្ត គ្លិនិច ឃឹម រ៉ានី ដែលបានមកដឹកជនរងគ្រោះ ២នាក់យកទៅមន្ទីរពេទ្យរបស់ខ្លួន តែដល់ពេលឃើញជនរងគ្រោះម្នាក់ ស្លាប់បាត់ទៅហើយនោះ ក៏ដឹកយកមកទម្លាក់ចោល នៅកន្លែងដើមវិញ មិនទទួលខុសត្រូវនោះទេ។</span></p>
<p><span style="color: #000000;">ទិដ្ឋភាពដែលត្រូវបនស្តីបន្ទោស យ៉ាងចាស់ដៃពីសំណាក់ មហាជនខាងលើនេះ បានកើតមាននៅក្នុង គ្រោះថ្នាក់ចរាចរណ៍មួយ រថយន្តបើកបុកម៉ូតូ២គ្រឿង កាលពីវេល ម៉ោង១៖១០នាទីរំលងអាធ្រាត្រ ឈានចូលថ្ងៃទី០៤ ខែតុលា ឆ្នាំ២០១៥ តាមផ្លូវ១៩៨៦ មុខភោជនីយដ្ឋាន 36 ឆ្នាំងទិព្វ សង្កាត់ភ្នំពេញថ្មី ខណ្ឌសែនសុខ ។</span></p>
<p><span style="color: #000000;">តាមប្រភពនៅកន្លែងកើតហេតុបានឱ្យដឹងថា មុនកើតហេតុជនរងគ្រោះមានគ្នាទាំងអស់៦នាក់ ជិះមូ៉តូ៣គ្រឿង បានចេញមកពីហូបបបរសរ នៅភោជនីយដ្ឋានតាយតាយ ដែលនៅមិនឆ្ងាយពីកន្លែង គ្រោះថ្នាក់នេះប៉ុន្មានទេ បន្ទាប់ពីហូបហើយបាននាំគ្នាចេញមកវិញ ក្នុងគោលបំណងត្រឡប់ទៅផ្ទះ តែទើបតែជិះចេញ មិនទាន់បានប៉ុន្មានម៉ែត្រផង ស្រាប់តែមានរថយន្តម៉ាក Mazda ពណ៌ខ្មៅ ស្លាកលេខភ្នុំពេញ៖ 2AB-8801 បើកបរដោយបុរសម្នាក់រួម និងមិត្តភក្តិម្នាក់ទៀត ក្នុងទិសដៅពីកើតទៅលិច លុះបើកមកដល់មុខ Karaoke ឌីយ៉ាម៉ង់ បានបុកម៉ូតូពីក្រោយចំនួនពីរគ្រឿង បណ្តាលឲ្យបុរស៣នាក់ស្លាប់និងម្នាក់ទៀតរងរបួសធ្ងន់ធ្ងរ ពេលនោះ រថយន្តគ្លីនិក ឃឹម រ៉ានី ដែលគ្មានស្លាកសញ្ញាសម្គាល់ត្រឹមត្រូវនោះ បានមកដល់កន្លែងកើតហេតុ ក៏ ដឹកជនរងគ្រោះ២នាក់ ពីព្រោះគិតថា មិនទាន់ស្លាប់ តែជាអកុសល មានជនរងគ្រោះម្នាក់ បានដាច់ខ្យល់ស្លាប់ ស្រាប់តែត្រូវបាន រថយន្តរបស់គ្លីនិក ដដែល ដឹកសាកសពយកមក ទុកចោលនៅកន្លែងកើតហេតុវិញ បង្កឱ្យភ្ញាក់ផ្អើល ថាឡានពេទ្យ ឃឹម រ៉ានី ដឹកសពមកផ្លុងចោល ហើយឡានបើកចេញទៅបាត់ ។</span></p>
<p><span style="color: #000000;">ដោយឡែក រថយន្តបង្កវិញ បន្ទាប់ពីបុកហើយម្ចាស់រថយន្ត បានព្យាយាមបើករត់បាន ចំងាយប្រហែល១០០ម៉ែត្រ ត្រូវបានអ្នកឃើញហេតុការណ៍ដេញ និងឃាត់បាន តែដោយសារកំហឹងរបស់ប្រជាជន ដែលឃើញហេតុការណ៍នេះ ផ្ទាល់ភ្នែកបាននាំគ្នា វាយតៃកុងរថយន្តម្នាក់បណ្តាលឲ្យរងរបួសធ្ងន់ និងវាយរថយន្តខ្ទេចផងដែរ។ អ្នកបើកបរបង្ករួមទាំងរថយន្ត និងម៉ូតូទៅទុកនៅការិយាល័យ ចរាចរណ៌ជើងគោក ស្នងការក្រុងភ្នំពេញ ៕</span></p>
<p><a class="thickbox" title="" href="/FileManager/Commons/2015/10/4/20-04-10-2015--14-24-21.jpg"><img src="/FileManager/Articles/mce/2015/10/4/20-04-10-2015--14-24-21.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>