<div class="article-content">
<p><strong>ភ្នំពេញ៖</strong> យ៉ាងហោចណាស់ កម្មករដែលបម្រើ ការងារ នៅរោងចក្រ យូស៊ិន ម្នាក់បានស្លាប់<br />ភ្លាមៗ នៅនឹងកន្លែកើតហេតុ និងពីរនាក់ ផ្សេងទៀត រងរបួសធ្ងន់ ក្រោយពីពួកគេ ទាំងបីនាក់<br /> បានជិះម៉ូតូឌុបគ្នា ទៅបុករថយន្តមួយគ្រឿង មិនស្គាល់ម៉ាក ហើយបានបើករត់បាត់។</p>
<p>គ្រោះថ្នាក់ចរាចរណ៍ខាងលើនេះ បានកើតឡើង កាលពីវេលាម៉ោង ២៖៥០នាទី រំលងអាធ្រាត្រ<br />ចូលថ្ងៃទី១២ ខែមីនា ឆ្នាំ២០១៣ ស្ថិតនៅតាមបណ្តោយ ផ្លូវជាតិលេខ៤ ភូមិអង្គកែវ សង្កាត់ចោម<br />ចៅ ខណ្ឌពោធិ៍សែនជ័យ ។</p>
<p>សាក្សីដែលបានឃើញ គ្រោះថ្នាក់ចរាចរណ៍ខាងលើនេះ បានឲ្យដឹងថា មុនពេលកើតហេតុ ខណៈ<br />ជនរងគ្រោះទាំងបីរនាក់ កំពុងជិះម៉ូតូមួយគ្រឿង ម៉ាកសេ១២៥ ស៊េរី ២០០៩ ពណ៌ខ្មៅ ពាក់ស្លាក<br />លេខ ភ្នំពេញ 1AL-2361 ក្នុងទិសដៅពីកើតទៅលិច លុះដល់ចំណុចកើតហេតុខាងលើនេះ ស្រាប់<br />តែបានបុក រថយន្តមួយគ្រឿង មិនស្គាល់ម៉ាក បណ្តាលឲ្យជនរងគ្រោះដែលជាអ្នកបើកម៉ូតូ ស្លាប់<br />ភ្លាមៗ នៅនឹងកន្លែង កើតហេតុ រីឯពីរនាក់ផ្សេងទៀត ដែលជិះខាងក្រោយ រងរបួសធ្ងន់។ ក្រោយ<br />កើតហេតុ សមត្ថកិច្ច មូលដ្ឋាន និងកម្លាំងនគរបាល ចរាចរណ៍ជើងគោក បានចុះទៅដល់ ចំណុច<br />កើតហេតុ ដើម្បីជួយអន្តរាគមន៍។</p>
<p>បើតាមសមត្ថកិច្ច បានឲ្យដឹងថា គ្រោះថ្នាក់ចរាចរណ៍ ខាងលើនេះ បានបណ្តាល ឲ្យស្លាប់ម្នាក់ និង<br />រងរបួសធ្ងន់ពីរនាក់ ។ ជនរងគ្រោះដែលស្លាប់ នៅនឹងកន្លែងកើតហេតុ មានឈ្មោះ ហ៊ុន ឆែម ភេទ<br />ប្រុស អាយុ២៣ឆ្នាំ មានស្រុកកំណើត នៅភូមិជ្រៃ ឃុំសន្លុង ស្រុកទ្រាំង ខេត្តតាកែវ រីឯជនរងគ្រោះ<br />ដែល រងរបួសធ្ងន់ចំនួនពីរនាក់ ផ្សេងទៀត រួមមានទី១ ឈ្មោះ បាន ចន្ធី ភេទប្រុស អាយុ២០ឆ្នាំ<br />មាន ស្រុកកំណើត នៅភូមិចំពារ ឃុំមនោរម្យ ស្រុកថ្ពង ខេត្តកំពង់ស្ពឺ និងទី២មានឈ្មោះ នាក់ ភក្តី<br /> ភេទ ប្រុស អាយុ២៥ឆ្នាំ មានស្រុកកំណើតនៅតានី ឃុំតានី ស្រុកទូកមាស ខេត្តកំពត ហើយជនរង<br />គ្រោះទាំងបីរនាក់ ស្នាក់នៅជា បណ្តោះអាសន្ន នៅភូមិកំបូល សង្កាត់កំបូល ខណ្ឌពោធិ៍សែនជ័យ<br /> ហើយធ្វើការនៅ រោងចក្រ យូស៊ិន។</p>
<p>សមត្ថកិច្ចមូលដ្ឋានបានឲ្យដឹងទៀតថា ក្រោយកើតហេតុរថយន្តជួយសង្គ្រោះ និងក្រុមជួយសង្គ្រោះ<br /> របស់អង្គភាព៧១១ នៃកងពលតូចលេខ៧០ បានធ្វើដំណើរ មកដល់ចំណុច កើតហេតុភ្លាមៗ ហើយ<br />បានដឹកជនរងគ្រោះ ចំនួន២នាក់ ទៅកាន់មន្ទីរពេទ្យកាល់ម៉ែត រីឯសពជនរងគ្រោះ ម្នាក់ទៀត ដែល<br />ស្លាប់នោះ ត្រូវបានសមត្ថកិច្ច ទាក់ទងទៅក្រុមគ្រួសារ មកទទួលយកទៅធ្វើបុណ្យតាមប្រពៃណី៕</p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0156.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0159.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0160.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>