<p>បើតាមប្រភពឯកសារពីក្រុមហ៊ុនវិភាគ Strategy Analytics ដែលបានបង្ហាញកាលពីពេលថ្មីៗនេះ<br />បានឲ្យដឹងថា បរិមាណលក់ទូរស័ព្ទប្រើ Windows Phone នៅក្នុងត្រីមាសទី៣ នេះ បានកើនឡើង<br />ដល់ជាង ២៧៥% បើប្រៀបជាមួយ ត្រីមាសដូចគ្នា កាលពីឆ្នាំមុន។ </p>
<p>Windows Phone បានរក្សាបានតំណែងលេខរៀងទី៣ នៅក្នុងក្រុមប្រព័ន្ធប្រតិបត្តិការ Mobile <br />ដែលពេញនិយមបំផុត ពេលបច្ចុប្បន្ននេះ ក្នុងរយះពេលដ៏យូរគួរសមមួយ។ ជាក់ស្តែង ដើម្បីដើរ<br />ទាន់គូប្រជែងដូចជា Android និង iOS គឺ Windows Phone នៅមានរឿងជាច្រើនទៀត ដែលត្រូវ<br />ធ្វើនៅពេលខាងមុខ។</p>
<p>តាមរបាយការណ៍ពីក្រុមហ៊ុនវិភាគហិរញ្ញវត្ថុ Strategy Analytics បានឲ្យដឹងថា Windows Phone <br />បានកើនឡើងទីផ្សារភាគហ៊ុន របស់ខ្លួន ទ្វេដង នៅក្នុងត្រីមាសទី៣ កន្លងទៅនេះ ហើយទន្ទឹមនឹង<br />នោះ បានក្លាយទៅជាប្រព័ន្ធប្រតិបត្តិការទូរស័ព្ទ ដែលមានការអភិវឌ្ឍន៍ លឿនជាងគេបំផុត នៅលើ<br />ពិភពលោកផងដែរ។</p>
<p><a class="thickbox" title="" href="/FileManager/Commons/2013/11/4/796881-04-11-2013--14-43-28.jpg"><img src="/FileManager/Articles/mce/2013/11/4/796881-04-11-2013--14-43-28.jpg" alt="" /></a></p>
<p>ធ្វើដូចម្តេចដើម្បីឲ្យ Microsoft និងបណ្តាដៃគូសហការ អាចធ្វើបានរឿងនេះ? នោះគឺមកពី ការលក់<br />ស្មាតហ្វូន Windows Phone សរុបទាំងអស់បានចំនួន ១០,២ លានគ្រឿង នៅក្នុងត្រីមាសទី៣ នៅ<br />ឆ្នាំនេះ។ នេះគឺជាលើកទីមួយហើយ ដែលទូរស័ព្ទ Windows Phone អាចលក់បានក្នុងកំរិតចំនួន<br />ដ៏ច្រើនដូច្នេះ នៅក្នុងមួយត្រីមាស ក្នុងពេលដែល កាលពីត្រីមាសទី៣ ឆ្នាំ២០១២ ខ្លួនលក់បានតែ<br />ចំនួន ៣,៧លានគ្រឿង តែប៉ុណ្ណោះ។</p>
<p><a class="thickbox" title="" href="/FileManager/Commons/2013/11/4/796885-04-11-2013--14-43-50.jpg"><img src="/FileManager/Articles/mce/2013/11/4/796885-04-11-2013--14-43-50.jpg" alt="" /></a></p>
<p>បើតាមឯកសារពីបណ្តាញផ្សាយពាណិជ្ជកម្ម AdDuplex គឺ Nokia ដណ្តើមបានជិត 90% នៃទីផ្សារ<br />ភាគហ៊ុន Window Phone នៅលើទីផ្សារ។ ជាក់ស្តែង Nokia លក់ស្មាតហ្វូន Nokia Lumia បានសរុប<br />ទាំងអស់ជាង ៨,៨ លានគ្រឿង កាលពីត្រីមាសទី៣ ទើបតែកន្លងទៅថ្មីៗនេះ ហើយទីផ្សារភាគហ៊ុន<br />របស់ Window Phone ក៏បានកើនឡើងពីចំនួន ២% ទៅ ៤% ផងដែរ៕</p>
<p style="text-align: right;">ប្រែសម្រួល៖ សិលា<br />ប្រភព៖ Vreview</p>