<div>
<p><span style="color: #000000;"><strong>(ម៉ាឌ្រីដ)៖</strong> វាពិតជារឿងមួយដ៏ចម្លែកសម្រាប់កីឡាករខ្សែប្រយុទ្ធ Lionel Messi របស់ក្លឹបអ្នកមានបុណ្យ FC Barcelona ដែលទើបតែឈ្នះពាន ក្នុងនាមជាកីឡាករលេងល្អបំផុតប្រចាំខែមករា ឆ្នាំ២០១៦ នៅក្របខណ្ឌ La Liga លើកដំបូងរបស់ខ្លួននៅ ប្រទេសអេស្ប៉ាញយប់មិញនេះ ។</span></p>
<p><span style="color: #000000;">សារព័ត៌មាន BBC បានផ្សាយឲ្យដឹងថា នេះជាលើកទី១ហើយសម្រាប់កីឡាករប្រធានក្រុមជម្រើសជាតិអាហ្សង់ទីន វ័យ២៨ឆ្នាំ Messi ដែលបានមកលេង នៅទឹកដីអេស្ប៉ាញជិត២០ឆ្នាំមកនេះ ទើបតែស្គាល់ពាន Best Player of the Month ក្រោយពេលពាននេះបានបង្កើតឡើងតាំងពីឆ្នាំ២០១៣ មកម្ល៉េះ មានចំនួន២២ពានមកហើយ ដោយ Messi ស៊ុតបញ្ចូលទីបាន៦គ្រាប់ ពីការចូលលេងបាន៥ប្រកួតប្រចាំខែមករា ឆ្នាំ២០១៦ នេះ ។</span></p>
<p><span style="color: #000000;">ម្ចាស់ពានកីឡាករលេងល្អបំផុត Ballon d’Or របស់ FIFA ៥សម័យកាលមួយនេះ គឺត្រូវបានបោះឆ្នោតជាប់ជាកីឡាករ លេងល្អបំផុតប្រចាំខែមករា ឆ្នាំ២០១៦ នេះ ដោយសារតែគេជួយក្រុមការពារតំណែងជើងឯក Barcelona ឈរនៅកំពូលតារាង La Liga ជាប់ តាមរយៈស៊ុតបញ្ចូលទីបាន១២គ្រាប់ ពីការចូលលេងបាន១៥ប្រកួតរដូវកាលឆ្នាំ ២០១៥-២០១៦ នេះ ៕</span></p>
<p> </p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/12/12/3120E4B400000578-3444064-image-a-10_1455281960549.jpg" alt="" width="730" /></span></p>
<p style="text-align: center;"><span style="color: #000000;">Messi ឡើងទទួលពានយប់មិញ</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/12/12/300DD0EF00000578-3444064-image-a-8_1455281911002.jpg" alt="" width="730" /></span></p>
<p style="text-align: center;"><span style="color: #000000;">Messi ឈ្នះពាន Ballon d'Or លើកទី៥</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/12/15/107E3D2500000514-3444064-Messi_won_the_award_at_the_23rd_time_of_asking_after_scoring_six-a-35_1455290264865.jpg" alt="" width="730" /></span></p>
<p style="text-align: center;"><span style="color: #000000;">Messi អបអរក្រោយស៊ុតបញ្ចូលទី</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/12/12/30F76F8300000578-3444064-image-a-5_1455281892991.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>