<p><span style="color: #000000;"><strong>(ភ្នំពេញ)៖</strong> តារាចម្រៀងលំដាប់កំពូល ប្រចាំផលិតកម្មសាន់ដេ កញ្ញា សុខ ពិសី កាលពីប៉ុន្មានថ្ងៃនេះ បានសម្តែងខ្សែភាពយន្តមួយ របស់ផលិតកម្ម សាន់ដេ ក្នុងឈុតមួយតម្រូវឲ្យគេចាប់នាង ចងដៃជើងផ្អោបជាមួយកៅអី រហូតបណ្តាលឲ្យមានស្លាកស្នាមជាំដៃជាំជើង និងឈឺពេញខ្លួន ស្ទើរងើបដើរពុំរួច។ ប៉ុន្តែជាចម្លើយត្រូវបាន ពិសី ឆ្លើយថា នាងអត់ខ្វល់អ្វីទេ ទោះត្រូវឈឺជាងនេះក៏ពេញចិត្តដែរ ពោលគឺចង់បានតែម្យាងប៉ុណ្ណោះ គឺភាពយន្តមានគុណភាព និងក៏ព្រោះតែនាងស្រឡាញ់ការងារផងដែរ។</span></p>
<p><span style="color: #000000;">ថ្លែងប្រាប់គេហទំព័រ Khmertalking កាលពីពេលថ្មីៗនេះ តារាចម្រៀងសំឡេងស្រទន់ចរឹតរួសរាយ មានប្រជាប្រិយភាព កញ្ញា សុខ ពិសី បានប្រាប់ឲ្យដឹងថា ពិតមែនតែខ្លួននាង ត្រូវឈឺស្ទើរងើបដើរមិនរួចហើយ ដៃជើងមានស្នាមជាំបែបនេះ យ៉ាងណាក្តីក៏នាងមិនរួញរា ក្នុងការសម្តែងដែរ ព្រោះថាសិល្បៈ នាងស្រឡាញ់ខ្លាំង ហើយកាន់តែពិសេសជាងនេះ គឺដើម្បីគុណភាពនៃខ្សែភាពយន្ត ឲ្យកាន់តែមានភាពល្អ ពេលចាក់បញ្ចាំងទទួលបានការគាំទ្រ ពីទស្សនិកជន។</span></p>
<p><span style="color: #000000;">តារាចម្រៀង ដែលស្ថិតក្នុងដួងចិត្តយុវវ័យ មានសម្ដីស្រទន់គួរឲ្យលង់ស្នេហ៍ កញ្ញា សុខ ពិសី បានបន្តថា «ខ្ញុំនិងខិតខំឲ្យអស់ពីសមត្ថិភាព ហើយខ្ញុំទទួលស្គាល់ថា ការថតខ្សែភាយន្ដនេះ គឺលំបាកសម្រាប់ខ្ញុំ ព្រោះឈុតសម្ដែងជាច្រើន ដែលខ្ញុំមិនធ្លាប់សម្ដែងពីមុនមក នឹងត្រូវឈឺខ្លួន អត់ងងុយ និងមានកម្មវិធី concert បន្តគ្មានពេលសំរាកសោះ ប៉ុន្ដែការចំណាយកម្លាំងរបស់ខ្ញុំ អាចជួយលើកស្ទួយវិស័យភាពយន្ដខ្មែរ ឲ្យកាន់តែរីកចម្រើន ខ្ញុំគ្មានពាក្យថារួញរាទេ គឺមានតែការតស៊ូ ហើយខ្ញុំក៏អរគុណបងប្អូនទាំងអស់ សម្រាប់ក្ដីស្រឡាញ់ និងការគាំទ្រ!»។</span></p>
<p><span style="color: #000000;">កញ្ញា សុខ ពិសី បាននិយាយទៀតថា សភាពនៃការជាំដៃ និងជើងរបស់នាងនេះ គឺកើតឡើងក្រោយពេលសម្តែងក្នុងឈុតមួយ ដែលត្រូវឲ្យក្រុមចោរចាប់ជំរិត នាង ចងដៃចងជើងភ្ជាប់ជាមួយនឹងកៅអី ហើយចាប់វាយធ្វើបាបតួសម្តែងប្រុស ដែលសម្ដែងជាឪពុករបស់នាង ដើម្បីជំរិតទារប្រាក់។ ប៉ុន្តែនៅពេលរើបបំរាស់ ក៏មានសភាពជាំយ៉ាងដូច្នេះតែម្តង ធ្វើឲ្យឈឺចាប់ ស្ទើរងើបដើរមិនរួច។</span></p>
<p><span style="color: #000000;">តារាចម្រៀងរូបស្រស់ កញ្ញា សុខ ពិសី បានបន្ថែមទៀតថា ថ្វីត្បិតនាង ត្រូវជាំដៃនិងជើង ហើយឈឺពេញខ្លួនប្រាណបែបនេះ ក៏ពិតមែន នាងនៅតែសប្បាយចិត្ត សម្រាប់ការសម្តែងនេះដដែល។ ម្យ៉ាងវិញទៀត ទោះបីជាពេលក្រោយៗ មានឈុតឆាកសម្តែងត្រូវលំបាកជាងនេះ ក៏នាងពេញចិត្តសម្តែង មិនរាថយឡើយ៕ </span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14051691_1765603480383714_3490481728275262593_n.jpg?oh=04ea40ce51eba523c2baa3c33b36c111&oe=584A5379" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14022154_1765486063728789_5835711990557532824_n.jpg?oh=96dc296fac08d9b7029da9e9c60d7477&oe=5849C990" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14100259_1765180670425995_841061389733505422_n.jpg?oh=4b154db038cc12d642637327e111cdd1&oe=5846A52B" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/14141601_1764944940449568_2847237205031642843_n.jpg?oh=1e8df0758066010d9c58ed65bac1c422&oe=58384B7C&__gda__=1482220028_b0f924ad0ff6afc9523f1426d2fe38e2" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xap1/v/t1.0-9/14067517_1764246757186053_3861036345873913047_n.jpg?oh=efb21a55f6f9cce1be55f2d3233d1bf1&oe=5848432D&__gda__=1482548500_25d4b2c97684516d971431226dcc6955" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14068056_1763961633881232_4160301374302705529_n.jpg?oh=e69f0d0ea393f93189b95e0c0795e181&oe=58419C0B" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlf1/v/t1.0-9/14022346_1763804167230312_6283776633770740307_n.jpg?oh=e05b7c2c6ffede9510dd92807a8f391d&oe=58531624&__gda__=1481169855_5625d0e5f86c116ba8c2842f786b8521" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14063958_1763179520626110_3106036202523726469_n.jpg?oh=4d0778eb51d82ff267190a457900dcf1&oe=58459375" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlf1/v/t1.0-9/14088432_1765143130429749_2684086764415688936_n.jpg?oh=675bb965c6ffd0dd53f836f3e62e27d8&oe=5846C8F3&__gda__=1480593000_590d0a1890e396764bab0bcde3b43829" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14045589_1765143127096416_124677450541013101_n.jpg?oh=c54aa9c7d487c596c226f7f732210aa2&oe=5844F211" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xaf1/v/t1.0-9/14045631_1764646303812765_8188951602752645723_n.jpg?oh=d458bf71eb6c4b0dd08294fdc270bc44&oe=584B2B38&__gda__=1481943695_7ddf343afc46be3a3497056b7f980ac7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>