<p><strong>ភ្នំពេញៈ</strong> កញ្ញា ឈិត សុជាតា ជាតារាស្រីដែលមាន ទាំងប្រជាប្រិយភាព និងជាថៅកែស្រីក្នុង ក្រុមហ៊ុន ទេសចរណ៍រូបនេះ បានប្រកាសក្តែងៗ លក់រថយន្តជា សាធារណៈបន្ទាន់ ដោយនាង បានដាក់ពីម៉ាកស៊េរីរថយន្តនិងតម្លៃ ធ្វើឲ្យទស្សនិកជនគិតថា តារាស្រីរូបនេះទំនងជា មាន បញ្ហា ផ្នែកសេដ្ឋកិច្ច ហើយបានជាប្រកាស លក់រថយន្តបន្ទាន់បែបនេះ ។</p>
<p>នេះជាលើកទីមួយហើយដែល តារាសម្តែង និងជាពិធីការិនីស្រីល្បីឈ្មោះ ក្នុងវិស័យ សិល្បៈកញ្ញា ឈិត សុជាតាបាន រំលេចសារបង្ហាញ ជាសាធារណៈពីបញ្ហា ផ្ទាល់ខ្លួនរបស់នាង ហាក់ដូចជាមាន ភាពក្រៀមក្រំខុសប្លែក ពីមុនៗដែល កាលពីពេលថ្មីៗនេះ នាងបានប្រកាស ជាសាធារណៈ នៅ លើបណ្តាញ ទំនាក់ទំនងសង្គម Facebook ថា “ឡាន Lexus RX300 សេរីឆ្នាំ2000 លក់បន្ទាន់ក្នុង តំលៃ 13500$ ( 081 62 2222)” តាមរយៈសម្តីទាំងអស់នេះ មិនបានបញ្ជាក់ឲ្យដឹងច្បាស់ ពីមូល ហេតុដែល នាងប្រកាសលក់ រថយន្តនោះទេ ។</p>
<p>នៅក្នុងមួយរយៈ ពេលចុងក្រោយនេះ គេសង្កេតឃើញ អ្នកសិល្បៈភាគច្រើន ហាក់មិន សូវសម្ញែង ភាពហ៊ឺហារ ស៊ីវិល័យ និយមប្រើប្រាស់ និងអួតពីការប្រើប្រាស់ ដូចមុនឡើយ ដោយ ពួកគេហាក់ មាន ភាពស្ងប់ស្ងាត់ខុសពីមុន ដោយធ្វើឲ្យទស្សនិកជន លើកជាមតិថាទំនងជា ពួកគេរវល់ជាមួយ ការងារឫក៏មកពីមាន បញ្ហាផ្នែកសេដ្ឋកិច្ច ហើយមើលទៅបាន ជាតារាៗទាំង អស់ មានការផ្លាស់ ប្តូរបែបនេះ ។ ស្របពេលដែលមាន ការលើកឡើងបែបនេះ សូម្បីតែតារាស្រី ច្រមុះស្រួចសម្បុរសរ កញ្ញា ឈិត សុជាតា ក៏ដូចជាចាប់ផ្តើមមាន បញ្ហារឿងលុយកាក់ហើយ មើលទៅបានជានាងត្រូវ ប្រកាសលក់រថយន្ត ប្រញាប់បែបនេះ។</p>
<p>Looking TODAY មិនទាន់អាចទាក់ទង កញ្ញា ឈិត សុជាតា ដើម្បីឲ្យនាងបកស្រាយ ពីរឿងនេះនៅ ឡើយទេ នៅថ្ងៃទី១០ ខែកុម្ភៈ ឆ្នាំ២០១៤នេះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0176.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0177.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0178.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0179.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0180.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27436-2014-02-10-05-00-02.html"><span style="color: #0000ff;">ដើមអំពិល</span></a></p>