<p>ក្មេងពាលម្នាក់ បានរត់យ៉ាងត្រហេបត្រហប ទាំងមុខមាត់មានស្នាមជាំ សំដៅមករកបងធំ របស់គេអោយជួយ ។ <br />ក្មេងពាល៖"បងធំៗ ជួយខ្ញុំផង! អាម្នាក់នោះវៃខ្ញុំ"។ <br />បងធំ៖"អាណា! អាណាម្នាក់ ហ៊ានវៃឯង ។អើចាំអញទៅប្រដៅវាម្តងមើល"។ <br />ក្មេងពាល លឺបងធំនិយាយដូច្នោះ ក៏នាំបងធំ និងបក្សពួក២-៣នាក់ទៀត សំដៅទៅរកអ្នកបង្កររឿង ។លុះដល់កន្លែង កើតហេតុ ក៏ជួបអាម្នាក់នោះ ក្នុងចំណោមមហាជនជាច្រើន ។ <br />បងធំស្រែក៖"មើលប្អូន ! អាណាហ៊ានវៃឯង វាហ៊ានដកពុកមាត់ខ្លាផងឬ?"</p>
<p><a class="thickbox" title="" href="/FileManager/Commons/2014/4/19/scalephp-19-04-2014--10-18-16.jpg"><img src="/FileManager/Articles/mce/2014/4/19/scalephp-19-04-2014--10-18-16.jpg" alt="" /></a><br />ក្មេងពាល៖"នោះបងធំ ! អាម្នាក់នោះវ៉ៃខ្ញុំ!"(ក្មេងពាល ចង្អុលទៅបុរសម្នាក់ ក្នុងចំណោមមនុស្សជាច្រើន )។ <br />បងធំឃើញអាម្នាក់នោះ នៅស្ងៀមមិនមាត់ករ រកកលចង់ត្រឡប់មកវិញ។ <br />ក្មេងពាលឆ្ងល់៖"យ៉ាងម៉េចបងធំ ! ម្តេចមិនប្រដៅវាអោយស្គាល់ដៃបងធំម្តងទៅ?" <br />បងធំរេរាៗ រួចអោនខ្សឹបប្រាប់អាប្អូន៖"អាម្នាក់ហ្នឹង ធ្លាប់វៃអញម្តងដែរ!"។</p>
<p style="text-align: right;">ដោយ៖ វណ្ណៈ<br />ប្រភព៖ khmerjoke</p>