<div class="article-content">
<p><strong>ភ្នំពេញ៖</strong> អភិបាល រាជធានីភ្នំពេញ លោក ប៉ា សុជាតិវង្ស បានថ្លែងឲ្យដឹងថា ដោយមើលឃើញ ពីកំណើន របស់ អ្នកធ្វើដំណើរ តាមដងផ្លូវកើនឡើង ជាបន្តបន្ទាប់ ហើយបានបណ្តាល ឲ្យកកស្ទះចរាចរណ៍ ជារៀងរាល់ថ្ងៃនោះ សាលារាជធានីភ្នំពេញ បានសិក្សារៀបចំគម្រោង សាងសង់ស្ពានអាកាស ថ្មីចំនួនពីរ កន្លែងទៀត នៅចំណុចភ្លើង ស្តុបផ្សារដីហុយ និងចំណុចស្តុបទួលគោក រួមទាំងផ្លូវក្រោមដីមួយកន្លែង នៅចំណុចភ្លើងស្តុប បេកាសេជាប់ វិមានកាណាឌីយ៉ា ។</p>
<p>លោក ប៉ា សុជាតិវង្ស បានមានប្រសាសន៍នៅក្នុងកិច្ចប្រជុំ នៅសាលារាជធានីភ្នំពេញ កាលពីព្រឹកថ្ងៃទី១ខែកក្កដា ឆ្នាំ២០១៤ថា ការពិនិត្យលើគម្រោងស្ថាបនា ផ្លូវក្រោមដី និងស្ពានអាកាសថ្មីជា មួយមន្រ្តីជំនាញនាពេលនេះ ក្នុង គោលបំណងធ្វើយ៉ាងណា ឲ្យការស្ថាបនាគម្រោងការនៅ ពេលខាងមុខ បានប្រព្រឹត្តទៅ តាមលក្ខណៈស្តង់ដារ និងសមស្របតាមបទដ្ឋានបច្ចេកទេស នៃសំណង់ បន្ទាប់មក សាលារាជធានីភ្នំពេញ នឹងស្នើសុំគោលការណ៍ អនុញ្ញាតពីរាជរដ្ឋាភិបាល ។</p>
<p>លោកថា «បើមានការឯកភាពពី រាជរដ្ឋាភិបាលហើយ នោះ យើងនឹងបើកការដ្ឋានសាងសង់ បន្ទាប់ពីពិធីសម្ពោធ ដាក់ឲ្យប្រើប្រាស់ជាផ្លូវការនូវ ស្ពានអាកាសស្ទឹងមានជ័យ» ។</p>
<p>ក្នុងកិច្ចប្រជុំនេះដែរ លោក ក៏បានលើកឡើងពីគំរោងស្ថាបនាផ្លូវថ្មើជើង តាមមាត់ទន្លេ ចាប់ពី បញ្ជរព័ត៌មាន ទេសចរ មុខព្រះបរមរាជវាំង រហូតដល់សួនបាសាក់ កោះពេជ្រ និងបន្តអនុវត្តជាជំហានៗ តាមមាត់ទន្លេ រហូតដល់ ភូមិសាស្ត្រ ខណ្ឌឬស្សីកែវ និង ខណ្ឌជ្រោយចង្វារ ដើម្បីលើកកំពស់ សោភណ្ឌភាពទីក្រុង និងទាក់ទាញ ភ្ញៀវទេសចរ ៕</p>
<p style="text-align: center;"><img title="" src="http://image.dap-news.com:81/dap-news/dap-images/2014/June/id-078/Lay-440.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-444.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-443.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-442.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-441.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-439.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-438.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-437.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-436.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-435.jpg" alt="Photo by DAP-News" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/89752-2014-07-02-04-35-54.html" target="_blank">ផ្តល់សិទ្ធដោយ ៖ ដើមអម្ពិល</a></p>