<p><span style="color: #000000;"><strong>(កណ្តាល)៖</strong> ច្រាំងទន្លេស្ថិតនៅក្នុងភូមិកោះគ ឃុំរការខ្ពស់ ស្រុកស្អាង ខេត្តកណ្តាល កំពុងតែប្រឈម និងការបាក់ស្រុត ហើយអាចនាំយកផ្ទះប្រជាពលរដ្ឋ ជាង៣០ខ្នង ទៅជាមួយផងដែរ។</span></p>
<p><span style="color: #000000;">បញ្ហានេះត្រូវបានប្រជាពលរដ្ឋអះអាងថា កើតឡើងដោយសារតែ សាឡង់បូមខ្សាច់របស់ក្រុមហ៊ុន ឡេង ជិញ បូមអែបច្រាំងទន្លេនៅពេលយប់។</span></p>
<p><span style="color: #000000;">ប្រជាពលរដ្ឋរស់នៅក្នុងភូមិកោះគរ បាននិយាយថា ច្រាំងនៅក្នុងភូមិរបស់ពួកគាត់ មានការបាក់ស្រុតជាបន្តបន្ទាប់ ធ្វើឲ្យ ផ្ទះនៅមាត់ទន្លេ បានបាក់ស្រុតចូលទៅក្នុងទន្លេ ជាបន្តបន្ទាប់ផងដែរ ប៉ុន្តែបញ្ហានេះ វាកំពុងបន្តគំរាមកំហែងដល់ផ្ទះពលរដ្ឋ ជាង៣០ខ្នងទៀត ដែលអាចបាក់ស្រុតចូលទៅក្នុងទន្លេផងដែរ។</span></p>
<p><span style="color: #000000;">ប្រជាពលរដ្ឋរាយការណ៍ថា គ្រោះបាក់ច្រាំងនេះ កើតឡើង ដោយសារតែសាឡង់បូមខ្សាច់របស់ក្រុមហ៊ុន ឡេង ជ្រិញ ធ្វើសកម្មភាពបូមមិនគោរពតាមការផ្សព្វផ្សាយរបស់ក្រសួងរ៉ែ និងថាមពល ឬអាជ្ញាធរនោះទេ។</span></p>
<p><span style="color: #000000;">ប្រជាពលរដ្ឋបានបន្តថា ដោយពិនិត្យទៅឃើញ ក្រុមហ៊ុនធ្វើសកម្មភាពមិនគោរពច្បាប់នោះ ទើបពួកគាត់បានប្តឹងទៅអាជ្ញាធរ ប៉ុន្តែអាជ្ញាធរ នៅមិនទាន់យកចិត្តទុកដាក់ ឬទៅអើតមើលនោះទេ។</span></p>
<p><span style="color: #000000;">បើតាមប្រជាពលរដ្ឋមូលដ្ឋាន សាឡង់បូមខ្សាច់នៅមិនឆ្ងាយពីច្រាំងទន្លេប៉ុន្មាននោះទេ គឺប្រហែលជា២០ម៉ែត្រជាងប៉ុណ្ណោះ ដោយបានធ្វើសកម្មភាពបូម នៅទីតាំងដដែលៗ ទើបបង្កឲ្យច្រាំងទន្លេបាក់ស្រុតបែបនេះ។</span></p>
<p><span style="color: #000000;">ប្រជាពលរដ្ឋរងគ្រោះទាំងនេះ សូមសំណូមពរដល់ក្រសួងរ៉ែ និងថាមពល ចុះពិនិត្យសាឡង់បូមខ្សាច់របស់ក្រុមហ៊ុន ឡេង ជិញ នេះផង និងបានទាមទារ ឲ្យក្រុមហ៊ុននេះសង់ច្រាំងទន្លេ និងផ្ទះសម្បែងពួកគាត់ ដែលបានខូចខាត ដោយសារការបាក់ច្រាំងទន្លេនេះ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-09-08-09-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-09-08-09-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-09-08-09-05-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-09-08-09-05-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-09-08-09-05-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>