<p><span style="color: #000000;"><strong>(សៀមរាប)៖</strong> កម្លាំងសមត្ថកិច្ចនគរបាល នៃការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានរឹបអូសឱសថបំប៉នសុខភាព និងគ្រឿងសំអាង ដែលបាននាំចូលពីសហរដ្ឋអាមេរិក តាមព្រលានយន្ដហោះអន្តរជាតិសៀមរាប ហើយមិនបានបង់ពន្ធនោះ គឺមានចំនួនរហូតដល់ ៧០មុខ ស្មើនឹងជាង១លានគ្រាប់។ ប្រតិបត្តិការរឹបអូសនេះ បានធ្វើឡើង កាលពីពេលថ្មីៗនេះ នៅទឹកដីខេត្តសៀមរាប។</span></p>
<p><span style="color: #000000;">លោកវរសេនីយឯក សឿន សេន នាយការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានប្រាប់អង្គភាព Fresh News នៅថ្ងៃទី២៧ ខែមីនា ឆ្នាំ២០១៦ ថា« បើតាមការសន្និដ្ឋានដំបូង សម្រាប់តួលេខ ៥៤កែសនេះ យើងមិននឹកស្មានថា មានចំនួនយ៉ាងច្រើនដល់កម្រិតនេះឡើយ។ ដំបូងយើងអាចគិតថា តែត្រឹម ៤ ទៅ ៥មុខទេ ហើយក្នុងចំនួនទំនិញជាង ១តោននេះ ជាក់ស្ដែងយើងពិនិត្យឃើញ ៧០មុខ ហើយតម្លៃវិញក៏អាចរាប់សិបម៉ឺនដុល្លារដែរ។ បើយោងតាមច្បាប់ នៃការគ្រប់គ្រងឱសថ គឺយើងនឹងបញ្ជូនតាមនីតិវិធីទាំងវត្ថុតាង ទាំងជនសង្ស័យទៅមន្ត្រីរបស់មន្ទីរសុខាភិបាល ខេត្តសៀមរាប ដើម្បីចាត់ការសំណុំរឿងនេះ» ។</span></p>
<p><span style="color: #000000;">លោកស្រី លី វណ្ណៈ ប្រធានការិយាល័យឱសថ នៃមន្ទីរសុខាភិបាលខេត្តសៀមរាប ដែលបានចូលរួមសហការក្នុងការត្រួតពិនិត្យ និងរាប់ផ្ទៀងផ្ទាត់ឱសថបំប៉នសុខភាព គ្រឿងសំអាង និងផលិតផលសុខភាពមួយចំនួនទៀតនោះ បានបញ្ជាក់ប្រាប់អង្គភាព Fresh News នៅថ្ងៃទី២៧ ខែមីនា ឆ្នាំ២០១៦នេះថា ឱសថបំប៉នសុខភាព និងគ្រឿងសំអាងនេះ គឺមានចំនួន ៧០មុខ ស្មើនឹង ១,២០២,៣៦៦ គ្រាប់។</span></p>
<p><span style="color: #000000;">សូមបញ្ជាក់ផងដែរថា ក្នុងប្រតិបត្តិការបង្រ្កាបនេះ កម្លាំងសមត្ថកិច្ចតាមចាប់បាននៅភូមិគោកដូង សង្កាតទឹកវិល ក្រុងសៀមរាប នៅចំណុចខាងមុខស្នងការដ្ឋាននគរបាលខេត្តសៀមរាប។</span></p>
<p><span style="color: #000000;">ស្រ្ដីដែលបាននាំទំនិញទាំងនេះ គឺមានឈ្មោះ ជា ណារី អាយុ ៤២ឆ្នាំ រស់នៅភូមិដក់ពោធិ៍ សង្កាត់ស្លក្រាម ក្រុងសៀមរាប ត្រូវបានសមត្ថកិច្ចឃាត់ខ្លួន ។ ក្រៅពីនោះសមត្ថកិច្ចក៏បានឃាត់ខ្លួន បុរសម្នាក់ដែលជាអ្នកបើកបររថយន្ដដឹកទំនិញនោះផងដែរ រួមទាំងរថយន្ដដឹក ១គ្រឿងទៀត ដែលមានស្លាកលេខ ភ្នំពេញ 2AF-7251 បញ្ជូនទៅស្នងការដ្ឋាននគរបាលខេត្ត ដើម្បីចាត់ការតាមនីតិវិធី៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12063833_1578325555815143_6477005065442895184_n.jpg?oh=3e7bc4e83a5b0c40e2e86e9a23a9fa47&oe=578B3F0E" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpa1/v/t1.0-9/12308614_1578325549148477_202335340418696911_n.jpg?oh=c2fea64f1bca34398d339d0322efc75e&oe=57946765&__gda__=1467950557_4b70c20465b0dae28398c089821e6767" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpl1/v/t1.0-9/12524397_1578325552481810_2653816068884387665_n.jpg?oh=ae1cbfc83f03741a769a67afe709a777&oe=5795D446&__gda__=1467528162_65046ac5fa5565f7d41bc9a4cfb0481f" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12924390_1578325559148476_2131311581829661158_n.jpg?oh=d834813c69a4149e1b339a8d7b7552d6&oe=574CDA28" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>