<p><span style="color: #000000;">ព័ត៌មានកំសាន្ត ៖ តារាចម្រៀងស្រីជនជាតិជប៉ុន ដ៍សែនស្រស់ ត្រូវរងនូវរបួសយ៉ាងធ្ងន់ធ្ងរ បន្ទាប់ពីត្រូវក្រុមអ្នកគាំទ្រ ចាក់ខណៈពេលដែលនាងកំពុងរង់ចាំ ការចាប់ផ្តើមការប្រគុំតន្រ្តីនៅក្នុងទីក្រុង Tokyo ។ </span></p>
<p><span style="color: #000000;">តារាស្រីវ័យ ២០ ឆ្នាំ ដែលមានឈ្មោះថា Mayu Tomita ទទួលរងរហួសយ៉ាងដំណម នៅត្រង់ក និង ដើមទ្រូង នឹងត្រូវដេរអស់ជាច្រើនថ្នេរ ។ </span></p>
<p><span style="color: #000000;">ប៉ូលីសបានចាប់ខ្លួនជនដៃដល់ ដែលមានឈ្មោះថា Tomohiro Iwazaki ដែលមានវ័យ ២៧ ឆ្នាំ ។ ហើយតាមរបាយការណ៍បានឲ្យដឹងថា ជនដៃដល់បានសារភាពថា គាត់បានខឹងយ៉ាងខ្លាំងនៅពេលដែលត្រូវនាង Tomita បញ្ចូនកាដូឲ្យទៅគាត់វិញ នូវកាដូដែលគាត់ផ្ញើរទៅឲ្យនាង ។ </span></p>
<p><span style="color: #000000;">តារាចម្រៀងរូបនេះ បានប្តឹងទៅកាន់ប៉ូលីសអំពីជនដៃដល់ ដែលត្រូវជាក្រុមអ្នកគាំទ្រ របស់នាង ដែលបានចាក់នាងនាំឲ្យមានរហួសយ៉ាងធ្ងន់ធ្ងរ កាលពីខែមុន ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/23/3-23-05-2016--12-23-15.png"><img src="/FileManager/Articles/mce/2016/5/23/3-23-05-2016--12-23-15.png" alt="" /></a><br /></span></p>
<p><span style="color: #000000;">ប្រព័ន្ធផ្សព្វផ្សាយរបស់ប្រទេសជប៉ុនបាននិយាយថា តារាចម្រៀងស្រីរូបនេះ ទាក់ទងទៅកាន់ប៉ូលីសបន្ទាប់ពីបានឃើញលោក Iwazaki បានចាប់ផ្តើមធ្វើការបង្ហោះការមមើមមៃ ចំពោះរូបនាងនៅលើគណនី Twitter និងបណ្តាញប្រព័ន្ធផ្សព្វផ្សាយផ្សេងៗទៀត ។ </span></p>
<p><span style="color: #000000;">នៅពេលដែលប៉ូលីសបានចាប់ខ្លួនជនដៃដល់នោះ ជនដៃដល់ម្នាក់នោះបាននិយាយថា គាត់នោះបំរុងនឹង ចាប់ខ្លួនតារាស្រីនោះ ហើយសួរនាងអំពីកាដូដែលគាត់បានផ្ញើរឲ្យនោះ ។ </span></p>
<p><span style="color: #000000;">គាត់បានបន្ថែមទៀតថា ខ្ញុំបានបាត់បង់ស្មារតីរបស់ខ្លួនក្រោយពេលដែលនាង មិនបានផ្តល់ចម្លើយឲ្យខ្ញុំឲ្យបានច្បាស់លាស់ ។ </span></p>
<p><span style="color: #000000;">តារាស្រី Tomita បានក្លាយជាតារាចម្រៀងស្រី និងតួឯក ខណៈពេលដែលនាងកំពុងតែរៀននៅសកលវិទ្យាល័យ ៕</span></p>
<p><br /><a class="thickbox" title="" href="/FileManager/Commons/2016/5/23/3-23-05-2016--13-18-40.png"><img src="/FileManager/Articles/mce/2016/5/23/3-23-05-2016--13-18-40.png" alt="" /></a></p>
<p style="text-align: right;"><span style="color: #000000;"><br />ប្រែសម្រួល ៖ គន្ធា</span></p>
<p style="text-align: right;"><span style="color: #000000;"><br />ប្រភព ៖ bbc</span></p>