<p><span style="color: #000000;">ទីភ្នាក់ងារអវកាសអាមេរិក (NASA) នឹងធ្វើសន្និសីទកាសែត ដើម្បីប្រកាសអំពីរបកគំហើញថ្មី</span><br /><span style="color: #000000;">អំពីប្រព័ន្ធព្រះអាទិត្យ ពីកម្មវិធីសិក្សាស្រាវជ្រាវ Discovery។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2017/1/5/nasa-05-01-2017--10-41-11.jpg"><span style="color: #000000;"><img src="/FileManager/Articles/mce/2017/1/5/nasa-05-01-2017--10-41-11.jpg" alt="" /></span></a></span></p>
<p style="text-align: center;"><span style="color: #000000;">NASA ត្រូវបានគេរំពឹងថានឹងបង្ហើបអំពីអាថ៌កំបាំងអំពីប្រព័ន្ធព្រះអាទិត្យ ក្នុងសន្និសីទ<br />កាសែត</span><span style="color: #000000;">នេះ</span></p>
<p><br /><span style="color: #000000;">សន្និសីទកាសែតពីចម្ងាយរបស់ NASA ត្រូវបានធ្វើឡើងនៅវេលាម៉ោង ៤ល្ងាច ថ្ងៃទី ៤</span><span style="color: #000000;">មករា <br />(GMT) ត្រូវនឹងម៉ោង៤ព្រឹក ថ្ងៃទី ៥មករា (ម៉ោងនៅស្រុកខ្មែរ) នេះបើតាម The Sun។ </span><span style="color: #000000;">ខ្លឹមសារ<br />នៃសន្និសីទនេះ នឹងផ្ដោតទៅលើរបកគំហើញរបស់បេសកកម្ម Discovery ដែលចាប់</span><span style="color: #000000;">កំណើត<br />កាលពីឆ្នាំ ១៩៩២ ដើម្បីលើកទឹកចិត្តអ្នកវិទ្យាសាស្ដ្រ បង្កើតនូវបេសកកម្មតម្លៃទាប ជា</span><span style="color: #000000;">មួយនឹង<br />គោលដៅ “សិក្សាស្រាវជ្រាវបណ្ដាអាថ៌កំបាំងនៃប្រព័ន្ធព្រះអាទិត្យ”។</span></p>
<p><span style="color: #000000;">សន្និសីទនេះ មានការចូលរួមរបស់ Thomas Zurbuchen អនុប្រធានគណកម្មការបេសកកម្ម</span><br /><span style="color: #000000;">វិទ្យាសាស្ដ្ររបស់ NASA នៅ Washington និង Jim Green អគ្គនាយកផ្នែកវិទ្យាសាស្ដ្រភពនៃ</span><br /><span style="color: #000000;">ទីភ្នាក់ងារអវកាសអាមេរិក។</span></p>
<p><span style="color: #000000;">បេសកកម្មចំនួន ១២ ដែលធ្លាប់ត្រូវបានជ្រើសរើសដើម្បីអនុវត្តក្នុងកម្មវិធី Discovery រួមមាន</span><br /><span style="color: #000000;"> យានអវកាស Messenger ទៅកាន់ភពពុធ(Mercury), Dawn ទៅកាន់កូនភពតូចៗ ដូចជា </span><br /><span style="color: #000000;">Vesta និង Ceres រួមនឹងឧបករណ៍ចុះចត InSight Mars ដែលគ្រោងនឹងបាញ់បង្ហោះនៅខែ</span><br /><span style="color: #000000;">ឧសភា ឆ្នាំ ២០១៨៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ The Sun</span><br /><br /></p>