<p><span style="color: #000000;"><strong>ស្លឹកគ្រៃគឺជាគ្រឿងទេស ដ៏ពេញនិយមមួយមុខ ដែលប្រជាជនភូមិភាគអាស៊ីភាគច្រើនប្រើច្នៃលាយជាមួយមុខម្ហូប ហើយវាត្រូវបានគេប្រើដើម្បីបន្ថែមក្លិនក្រអូបទៅក្នុងផលិតផងដែរ។ ប៉ុន្ដែមនុស្សមិនសូវដឹង ពីសមត្ថភាពប្រឆាំងនឹងជំងឺមហារីក និងប្រឆាំងនឹងការរលាកឡើយ។ ដូច្នេះ យើងសូមណែនាំលោកអ្នក ពីគុណប្រយោជន៍មួយចំនួន នៃស្លឹកគ្រៃ ដូចខាងក្រោមនេះ៖</strong></span></p>
<p><span style="color: #000000;"><strong><br /><a class="thickbox" title="" href="/FileManager/Commons/2021/4/28/0295701lemongrasswi-28-04-2021--11-04-28.jpg"><img src="/FileManager/Articles/mce/2021/4/28/0295701lemongrasswi-28-04-2021--11-04-28.jpg" alt="" /></a><br /></strong></span></p>
<p><span style="color: #000000;"><strong>ប្រេង </strong><strong>Essential ចម្រាញ់ពីស្លឹកគ្រៃ៖ </strong>យ៉ាងហោចប្រេង Essential ៧ប្រភេទផ្សេងគ្នា ដែលគេរកឃើញថា ចម្រាញ់ពីស្លឹកគ្រៃ ដែលមានគុណប្រយោជន៍បន្ថែមរសជាតិអាហារ ព្រមទាំងត្រូវបានគេយកទៅប្រើបន្ថែមក្លិនឈ្ងុយនៅក្នុងផលិតផលទឹកអប់។ ប្រេងដ៏សំខាន់មួយមុខឈ្មោះថា Citral គឺវាមានក្លិនស្លឹកគ្រៃឈួលខ្លាំង ខណៈពេលប្រេងមួយមុខទៀត ឈ្មោះ Limonene មានក្លិនស្រាលជាង ប៉ុន្ដែវានៅតែមានសារៈសំខាន់សម្រាប់ការប្រើប្រាស់ក្នុងគ្រឿងសម្អាង។ ប្រេងចម្រាញ់ពីស្លឹកគ្រៃមួយចំនួនទៀត មានប្រសិទ្ធភាពបណ្ដេញសត្វល្អិត ។ ប្រេងទាំងនោះមានឈ្មោះដូចជា geraniol, borneol and citronellol ដែលជាគ្រឿងផ្សំដ៏សកម្មប្រើប្រាស់ នៅក្នុងទៀនស្លឹកគ្រៃឈ្មោះដា Citronella។ ប្រភេទប្រេង Essential ចម្រាញ់ពីស្លឹកគ្រៃមួយចំនួន មានប្រសិទ្ធភាសម្លាប់បាក់តេរី ហើយមួយចំនួនទៀត មានគុណសម្បត្ដិប្រឆាំងនឹងអាការៈរោលក្រហាយ ប្រឆាំងនឹងការរលាក និងសារធាតុប្រឆាំងនឹងអុកស៊ីដកម្ម។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/4/28/cooking-with-lemongrass-3217517-10horizontal-97bed58de2804973bbb1f036000074a8-28-04-2021--11-04-47.jpg"><img src="/FileManager/Articles/mce/2021/4/28/cooking-with-lemongrass-3217517-10horizontal-97bed58de2804973bbb1f036000074a8-28-04-2021--11-04-47.jpg" alt="" /></a><br /></span></p>
<p><span style="color: #000000;"><strong>សារធាតុចិញ្ចឹម៖ </strong>ដោយសារក្លិន និងរសជាតិរបស់វាខ្លាំង អ្នកទំនងជាមិនពិសាស្លឹកគ្រៃច្រើនក្នុងពេលតែមួយនោះទេ ប៉ុន្ដែអ្នកនៅតែសម្រេចបាននូវសារធាតុចិញ្ចឹមពីបរិមាណដ៏តិចតួចនេះ។ ស្លឹកគ្រៃហាន់មួយស្លាបព្រាបាយ មានផ្ទុកនូជាតិដែក ៤មីលីក្រាម។ នេះគឺជាបរិមាណ ៥% នៃបរិមាណដែលត្រូវបានណែនាំឱ្យទទួលទានរាល់ថ្ងៃសម្រាប់បុរស និង ២%សម្រាប់ស្រ្ដី។ ស្លឹកគ្រៃហាន់ក្នុងបរិមាណមួយស្លាបព្រាបាយដូចគ្នានេះ មានបរិមាណ ១% នៃសារធាតុមួយចំនួន ដែលត្រូវបានណែនាំឱ្យទទួលទានជាប្រចាំថ្ងៃដូចជា អាស៊ី Folic ប៉ូតាស្យូម ម៉ាញ៉េស្យូម ជាតិស័ង្កសី និងផូស្វ័រ។ ស្លឹកគ្រៃមានផ្ទុកនូវវីតាមីន C វីតាមីន B6 សារធាតុ riboflavin និង naiacin ប៉ុន្ដែអ្នកគួរតែទទួលទានភេសជ្ជៈធ្វើពីស្លឹកគ្រៃឱ្យបានមួយកែវ ដើម្បីទទួលបានបរិមាណសារធាតុចិញ្ចឹមដ៏សំខាន់ទាំងនេះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/4/28/lemongrass-straw-cambodia-cocktail-siem-reap-28-04-2021--11-05-04.jpg"><img src="/FileManager/Articles/mce/2021/4/28/lemongrass-straw-cambodia-cocktail-siem-reap-28-04-2021--11-05-04.jpg" alt="" /></a><br /></span></p>
<p><span style="color: #000000;"><strong>គុណប្រយោជន៍សុខភាព៖ </strong>ស្លឹកគ្រៃមានផ្ទុកនូវសារធាតុ Flavonoid ដែលដើរតួ ជាសារធាតុប្រឆាំងនឹងអុកស៊ីដកម្ម និងជាភ្នាក់ងារប្រឆាំងនឹងការរលាក។ ក្នុងសមត្ថភាពនៃសារធាតុប្រឆាំងនឹងអុកស៊ីដកម្ម សារធាតុ Flavonoid មានប្រសិទ្ធភាពបង្ការការខូចកោសិកា ដែលអាចដឹកនាំទៅរកការកើតជំងឺយូរអង្វែងដូចជា ជំងឺបេះដូង ឬជំងឺពុកឆ្អឹង។ សារធាតុ Flavonoid មួយប្រភេទនៅក្នុងស្លឹកគ្រៃឈ្មោះថា Lutein មានសមត្ថភាពពន្យឺតការរីករាលដាល និងពន្លឿនការសម្លាប់កោសិកាមហារីកប្រភេទមួយចំនួន នេះបើយោងតាមការសិក្សាស្រាវជ្រាវមួយចុះផ្សាយនៅក្នុងប្រតិប័ត្រព័ត៌មានអឺរ៉ុបឆ្នាំ ២០១២ ស្ដីអំពីវិទ្យាសាស្រ្ដឱសថ។ ម្យ៉ាងទៀត ជាតិ Luteolin មានផ្ទុកនូវសមត្ថភាពដ៏ខ្លាំងក្លាប្រឆាំងនឹងការរលាក ដែលសារធាតុនេះអាចព្យាបាល ការក្រិនស្បែក រលាកសួត ឬរបួសសួតស្រួចស្រាវ៕</span></p>
<p><span style="color: #000000;"><br /><a class="c_tab" href="http://ananacomputer.com/" target="_blank"><img src="/FileManager/Articles/mce/2021/4/28/dell-lattitude-9410-2in1-btx-for-camnews-28-04-2021--11-05-32.jpg" alt="" /></a><br /></span></p>
<p><span style="color: #000000;"> ប្រែសម្រួល៖ សារ៉ាត</span></p>
<p><span style="color: #000000;">ប្រភព: healthyeating.sfgate</span></p>
<p> </p>