<p><span style="color: #000000;">ទាហាន ៧នាក់ ដែលមានសញ្ញាចង់រត់ចោលជួរក្នុងការប្រយុទ្ធគ្នាមួយនៅ Fallujah ត្រូវបាន</span><br /><span style="color: #000000;">ក្រុមឧទ្ទាមរដ្ឋអ៊ីស្លាមចាប់ខ្លួន និងជ្រមុជចូលឆ្នាំងទឹកក្ដៅ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/7/is-1239-1467854922-07-07-2016--11-57-56.jpg"><span style="color: #000000;"><img src="/FileManager/Articles/mce/2016/7/7/is-1239-1467854922-07-07-2016--11-57-56.jpg" alt="" /></span></a></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/7/is-1239-1467854922-07-07-2016--11-57-56.jpg"></a>ជ្រុងមួយនឹងគុករបស់ IS នៅ Fallugah ត្រូវគេដុតកំទេច</span><br /><br /></p>
<p><span style="color: #000000;">ទំព័រ Fox News បានចុះផ្សាយថា ការធ្វើទារណកម្មខាងលើ ត្រូវបានធ្វើឡើងកាលពីថ្ងៃទី ៥</span><br /><span style="color: #000000;">កក្កដាកន្លងទៅ។ នៅក្នុងការប្រយុទ្ធគ្នាមួយដើម្បីដណ្ដើមយកសិទ្ធិគ្រប់គ្រងក្រុង Fallujah </span><br /><span style="color: #000000;">ប្រទេសអ៊ីរ៉ាក់ ទាហាន ៧រូបរបស់ក្រុមរដ្ឋអ៊ីស្លាមត្រូវគេយល់ថា មានសញ្ញាចង់រត់ចោលជួរ។ </span><br /><span style="color: #000000;">IS បានចាប់ទាហានទាំង ៧នាក់នេះ ចងដៃចងជើង រួចបោះចូលទៅក្នុងឆ្នាំងធំមួយដែលមាន</span><br /><span style="color: #000000;">ទឹកកំពុងតែពុះ។ ទន្ទឹមនឹងនេះ ទាហាន ១៩នាក់ផ្សេងទៀតក៏ត្រូវគេប្រហារជីវិត ដោយមូល</span><br /><span style="color: #000000;">ហេតុដូចគ្នានេះដែរ។</span></p>
<p><span style="color: #000000;">សូមបញ្ជាក់ថា ក្រុមឧទ្ទាមរដ្ឋអ៊ីស្លាម ត្រូវបានកងទ័ពអ៊ីរ៉ាក់ និងសម្ព័ន្ធមិត្តដឹកនាំដោយអាមេរិក</span><br /><span style="color: #000000;"> វាយកំចាត់ចេញពីក្រុង Fallujah តាំងពីចុងខែមុន ដែលប្រការនេះ បញ្ជាក់ថា IS បានបរាជ័យ</span><br /><span style="color: #000000;">ក្នុងសមរភូមិអ៊ីរ៉ាក់។</span></p>
<p><span style="color: #000000;">គួររំលឹកថា ឆ្នាំ ២០១៤ កងកម្លាំងរដ្ឋអ៊ីស្លាម បានគ្រប់គ្រងទឹកដីប្រមាណជា ១/៣ នៃទឹកដីអ៊ីរ៉ាក់</span><br /><span style="color: #000000;"> រួមទាំងគ្រប់គ្រងបានទាំងទីក្រុង Mosul ដែលជាទីក្រុងធំជាងគេទីពីររបស់ប្រទេសនេះផងដែរ។</span><br /><span style="color: #000000;"> ប៉ុន្តែ ការវាយបករបស់កងទ័ពអ៊ីរ៉ាក់ ដោយមានការជួយគាំទ្រពីអាកាសរបស់សម្ព័ន្ធមិត្ត បានធ្វើ</span><br /><span style="color: #000000;">ឱ្យទឹកដីដែលគ្រប់គ្រងដោយ IS ចុះមកនៅត្រឹម ១៤%។ កាលពីដើមឆ្នាំនេះ មានទាហាន IS </span><br /><span style="color: #000000;">ប្រហែលជា ១០០០នាក់ បានរត់ចោលជួរនៅក្នុងការប្រយុទ្ធមួយដើម្បីដណ្ដើមមកវិញនូវតំបន់ </span><br /><span style="color: #000000;">Ramadi ជាទីរួមខែត្រ Anbar។</span></p>
<p style="text-align: right;"><span style="color: #000000;">ប្រែសម្រួល ៖ បុត្រា </span></p>