<p><span style="color: #000000;">ដោយសារតែមានអ្នកប្រើប្រាស់ជាច្រើននាក់ទៀត នៅតែមិនទាន់ចូលរួមកម្មវិធីផ្លាស់ប្តូរយក Note 7 ថ្មីមានសុវត្ថិភាព Samsung បានបញ្ចេញនូវកំណែអាប់ឌេតមួយ កំណត់កម្រិតសាកថ្មចុះមកត្រឹមកម្រិត ៦០% តែប៉ុណ្ណោះ នៅលើបណ្តា Galaxy Note 7 ដែលត្រូវប្រមូលចូលក្រុមហ៊ុនវិញ ដែលកម្មវិធីកំណែអាប់ឌេតនេះ ចាប់ផ្តើមដំបូងគេនៅកូរ៉េខាងត្បូង។ ប៉ុន្តែ ជាក់ស្តែងគេរកឃើញថា Note 7 អាចសាកថ្មបានច្រើនជាងកម្រិត ៦០%។ </span></p>
<p><span style="color: #000000;"><a class="thickbox" title="" href="/FileManager/Commons/2016/9/24/1574752-24-09-2016--12-30-37.jpg"><img src="/FileManager/Articles/mce/2016/9/24/1574752-24-09-2016--12-30-37.jpg" alt="" /></a><br /></span></p>
<p><span style="color: #000000;">បើតាមប្រភពពីគេហទំព័របច្ចេកវិទ្យា The Verge បានឲ្យដឹងថា មានរបាយការណ៍ពីកូរ៉េខាងត្បូងបានបង្ហាញឲ្យឃើញ កំណែអាប់ឌេតកំណត់កម្រិតសាកថ្មនៅលើ Galaxy Note 7 ដែលត្រូវប្រមូលចូលវិញរបស់ Samsung ត្រូវបានកែប្រែបន្ថែមនូវជម្រើសថ្មីមួយចំនួន។ ក្នុងនោះ អ្វីដែលគួរចាប់អារម្មណ៍គឺ ជម្រើស "Limit maximum charge to 60%" ក្នុង "Advanced settings" ដែលអាចបិទបើកបាន។ នៅពេលអ្នកបិទចោលនូវជម្រើសនេះ Galaxy Note 7 អាចសាកថ្មបានដល់ទៅ ៨០%។ កត្តានេះ ប្រហែលជា Samsung ចង់ជួយសម្រួលដល់បណ្តាអ្នកប្រើប្រាស់ ដែលមានតម្រូវការប្រើប្រាស់ច្រើន មានភាពងាយស្រួលបន្តិច។</span></p>
<p><span style="color: #000000;"><a class="thickbox" title="" href="/FileManager/Commons/2016/9/24/1574756-24-09-2016--12-31-02.jpg"><img style="display: block; margin-left: auto; margin-right: auto;" src="/FileManager/Articles/mce/2016/9/24/1574756-24-09-2016--12-31-02.jpg" alt="" /></a><br /></span></p>
<p><span style="color: #000000;">បច្ចុប្បន្ននៅមិនទាន់ច្បាស់ថា រឿងនេះបានអនុវត្តជាមួយនឹងអ្នកប្រើប្រាស់ នៅតាមបណ្តាប្រទេសផ្សេងៗទៀតដែរឬក៏អត់នោះទេ? គួរបញ្ជាក់ផងដែរថា Samsung បានចាប់ផ្តើមដាក់ចេញកំណែអាប់ឌេតកំណត់កម្រិតសាកថ្ម ដល់អ្នកប្រើប្រាស់នៅកូរ៉េខាងត្បូង កាលពីសប្តាហ៍មុន ហើយសម្រាប់បណ្តាប្រទេសផ្សេងៗទៀត គឺមានជាបន្តបន្ទាប់នៅថ្ងៃខាងមុខឆាប់ៗនេះ។ សម្រាប់ប្រទេសកម្ពុជា គឺបានទទួលការអាប់ឌេតនេះ កាលពីថ្ងៃទី២២ ខែកញ្ញា កន្លងទៅនេះរួចហើយ។ </span></p>
<p><span style="color: #000000;">បើទោះបីជាការកំណត់កម្រិតសាកថ្ម បានអាប់ឌេតហើយពិតមែន ប៉ុន្តែសំដីណែនាំពីខាង Samsung នៅតែមាន ដោយឲ្យអ្នកគួរតែយក Galaxy Note 7 ដែលជាម៉ូដែលត្រូវប្រមូលចូលវិញ ទៅប្តូរយកថ្មីកាន់តែឆាប់កាន់តែល្អ។ ក្រៅពីនេះក្រុមហ៊ុន ក៏បានប្រកាសប្រាប់អ្នកប្រើប្រាស់ ពីរបៀបកំណត់សំគាល់ Galaxy Note 7 ម៉ូដែលមានសុវត្ថិភាពគឺ វានឹងមានរូប icon ថ្មពណ៌បៃតង និងមានរូបបួនជ្រុងតូចពណ៌ខ្មៅនៅលើសំបករបស់ស្មាតហ្វូន៕</span></p>
<p><span style="color: #000000;"><a href="http://www.camnews.com.kh/News/Detail/46707/samsung-identified-26-false-statements-about-the-galaxy-note-7-explosion"></a><em><a href="http://www.camnews.com.kh/News/Detail/22811/iphone-7-and-7-plus-were-reported-that-have-strange-noise-when-load-heavy-applications"><span style="color: #0000ff;"><em>- iPhone 7/7 Plus ត្រូវបានគេរាយការណ៍ថា មានលេចចេញនូវសម្លេងចម្លែក ពេលប្រើប្រាស់</em></span></a></em></span><em><br /><span style="color: #0000ff;"><a href="http://www.camnews.com.kh/News/Detail/46707/samsung-identified-26-false-statements-about-the-galaxy-note-7-explosion"><span style="color: #0000ff;">- Samsung កំណត់បញ្ជាក់ឲ្យដឹង នូវការរាយការណ៍ខុសចំនួន ២៦ ករណី ស្តីពី Galaxy Note 7 ផ្ទុះឆេះ</span></a></span></em><br /><span style="color: #000000;"><span style="color: #000000;"><span style="color: #000000;"><a href="http://www.camnews.com.kh/News/Detail/22811/iphone-7-and-7-plus-were-reported-that-have-strange-noise-when-load-heavy-applications"></a></span></span></span></p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ PhoneArena, Vreview</em></p>