<p class="item-page"><span style="color: #000000;"><strong>ភ្នំពេញ៖</strong>ក្មេងស្ទាវ២ក្រុមមានគ្នា ជិត២០នាក់ ជិះម៉ូតូជិត១០គ្រឿង ប្រដាប់ដោយដាវមុតស្រួច បានជិះម៉ូតូ ដេញកាប់គ្នា យ៉ាងអនាធិបតេយ្យ តាមដងផ្លូវសាធារណ: បង្កការភ្ញាក់ផ្អើល យ៉ាងខ្លាំងដល់ប្រជាពលរដ្ឋ តាមដងផ្លូវតាំងពីម្តុំ វិទ្យាល័យឥន្ទ្រទេវី ទឹកដីខណ្ឌទួលគោក រហូតដល់បូរីអង្គរ ភូមិបន្លា ស្អិតក្នុងសង្កាត់ឃ្មួញ ខណ្ឌសែនសុខ បណ្តាលឲ្យ យុវជនម្នាក់រងរបួសយ៉ាងធ្ងន់ធ្ងរ ត្រូវដឹកបញ្ជូនទៅកាន់មន្ទីរលោកសង្ឃផងដែរ។</span></p>
<p><span style="color: #000000;">លោក ម៉ក់ ហុង អធិការនគរបាល ខណ្ឌសែនសុខ បានឲ្យដឹងថា នៅល្ងាចថ្ងៃទី០១ ខែកញ្ញា ឆ្នាំ២០១៥នេះ ក្មេងស្ទាវម្ខាងមានគ្នា៤ទៅ៥ម៉ូតូរៀងៗខ្លួន បានទាស់ទែងគ្នា នៅម្តុំសាលាឥន្ទ្រទេវី រួចហើយជិះម៉ូតូដេញកាប់គ្នា រហូតដល់សង្កាត់ឃ្មូញ ខណ្ឌសែនសុខ បណ្តាលឲ្យរបួសធ្ងន់ម្នាក់ និងស្រាលម្នាក់ រួចពួកគេ បានបើកម៉ូតូគេចខ្លួនអស់ ពេលដែលកម្លាំងសមត្ថកិច្ច បានចុះទៅជួយអន្តរាគន៏។</span></p>
<p><span style="color: #000000;">ចំពោះករណីនេះ លោក ម៉ក់ ហុង បានបដិសេធថា មិនមែនជាករណីប្លន់នោះឡើយ គឺជាករណីឈ្លោះ ហើយដេញកាប់គ្នា តែប៉ុណ្ណោះ។</span></p>
<p><span style="color: #000000;">សេចក្តីរាយការណ៏ បានឲ្យដឹងថា ក្រុមក្មេងស្ទាវទាំងនេះមានគ្នា ជិត២០នាក់ជិះម៉ូតូជិត១០គ្រឿងមានម៉ាក Nex Dream និង Scopy នឹងប្រដាប់ដោយដាវសាមរ៉ៃ៧ដើម បានធ្វើការកាប់ប្រហារគ្នារងរបួសដៃឆ្វេងទាំង២នាក់ ដែលជាម្ចាស់ ម៉ូតូម៉ាក Nex ពណ៌ស ស្លាកលេខភ្នំពេញ 1CS-7754។</span></p>
<p><span style="color: #000000;">ជនរងគ្រោះទី១ឈ្មោះ សន ដេវិត អាយុ២០ឆ្នាំរបួសដាច់ប្រអប់ដៃខាងឆ្វេងជិតដាច់ និងមានមុខរបរជាងកាត់សក់ ស្នាក់ នៅបឹងប្រយ៉ាប សង្កាត់ភ្នំពេញថ្មី ខណ្ឌសែនសុខ និងទី២ឈ្មោះ សុខ ចិត្ត អាយុ១៩ឆ្នាំ ស្នាក់នៅជាមួយជនរងគ្រោះ ខាងលើដែរ ។</span></p>
<p><span style="color: #000000;">យ៉ាងណាក៏ដោយជនរងគ្រោះទាំងនេះបាននិយាយថា ខ្លួនមិនស្គាល់ក្រុមបង្កឡើយហើយប្រាប់បន្តទៀតថា មុនកើតហេតុគាត់និងមិត្តភ័ក្រ បានមកអង្គុយលេងនៅកន្លែងកើតហេតុនោះមិនបានប៉ុន្មានផង ស្រាប់តែ មានជនសង្ស័យជិត២០នាក់ ជិះម៉ូតូជិត១០គ្រឿង និងដាវសាមរ៉ៃ ៧ដើមបានមកកាប់យកម៉ូតូតែម្តង ក្រោយពីកាប់បណ្តាលឲ្យរងរបួសហើយជនសង្ស័យបានយកម៉ូតូ របស់ខ្លួន ជិះចេញទៅបាត់ដោយសុវត្ថិភាព។</span></p>
<p><span style="color: #000000;">ជាមួយគ្នានេះ លោក ម៉ក់ ហុង បានបញ្ជាក់ថា នៅពេលនេះសមត្ថកិច្ចរបស់លោកបាន និងកំពុងសួរនាំបន្តទៀត ដើម្បីតាមចាប់ភាគីម្ខាងទៀត យកមកផ្តន្ទាទោសតាមនីតិវិធី៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/2/9-2-2015-9-14-05-am-02-09-2015--09-21-06.png"><span style="color: #000000;"><img src="/FileManager/Articles/mce/2015/9/2/9-2-2015-9-14-05-am-02-09-2015--09-21-06.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/2/9-2-2015-9-14-25-am-02-09-2015--09-21-15.png"><span style="color: #000000;"><img src="/FileManager/Articles/mce/2015/9/2/9-2-2015-9-14-25-am-02-09-2015--09-21-15.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>