<p><strong>ភ្នំពេញ៖</strong> អតីតតារាចម្រៀង ធ្លាប់មានឈ្មោះល្បីគួរសម នៅក្នុងដំបូលផលិតកម្ម Big Man កញ្ញា<br /> លាង សុផាឡែន បើទោះបីជាពេលនេះ នាងកំពុងតែមានវត្តមាន ឈរលើផលិតកម្មថ្មី ភ្លេងរីខដ <br />(Phleng Rec ord ) ក៏ពិតមែន ប៉ុន្តែបើគេសង្កេតមើលពីប្រជាប្រិយភាព និងកេរ្តិ៍ឈ្មោះល្បីល្បាញ <br />របស់នាង ហាក់ដូចជា មិនទាន់មានភាពកំរើកឡើងវិញបន្តិចសោះឡើយ។ ខណៈដែលតារាស្រី<br />ស្រករថ្មី នាង គៀត សុវណ្ណាឡាង ហាក់កំពុងតែមានប្រៀបច្រើន ខ្លាំងជាងនាងបន្តិចទៅហើយ<br />នោះ។</p>
<p>ដ្បិតតែតារាចម្រៀងស្រីសម្តីស្រាល នាង លាង សុផាឡែន នៅមិនទាន់មានឱកាស សាងភាព<br />ល្បីល្បាញជាថ្មីឡើងវិញ នៅក្នុងផលិតកម្ម ភ្លេងរីខដ យ៉ាងណាក្តី ក៏ប៉ុន្តែបើក្រឡេកទៅមើលអំពី<br />ជីវិតឯកជន ខាងក្រៅរបស់នាងឯណោះវិញ គឺមានមហាជន ក៏ដូចជាបណ្តាញសារព័ត៌មាន ក្នុង<br />ស្រុកមួយចំនួន បានដាក់ការចាប់អារមុ្មណ៍ និងតាមដានរឿងរ៉ាវរបស់នាង មិនដែលដាច់នោះ<br />ឡើយ។</p>
<p>ជាក់ស្តែងកាលពីពេលថ្មីៗនេះ ក៏មានមហាជនជាច្រើន បានដាក់ការចាប់អារម្មណ៍ខ្លាំង ទៅនឹង<br />រឿងរ៉ាវជីវិតស្នេហាឯកជន ខាងក្រៅ រវាងនាងជាមួយ បុរសវ័យកណ្តាលជាអ្នកជំនួញក្រៅស្រុក<br />ម្នាក់។ ប៉ុន្តែព័ត៌មាននេះ ក៏បានរសាត់ទៅឆ្ងាយវិញភ្លាមៗ បន្ទាប់ពីមានការចេញមុខបដិសេធ ពី<br />សំណាក់កញ្ញា លាង សុផាឡែន ដោយផ្ទាល់។</p>
<p>យ៉ាងណាក្តី ក្រោយពីព័ត៌មាននេះ បានស្ងប់ស្ងាត់បាត់ទៅវិញ មិនទាន់ទាំងបានយូរប៉ុន្មានផង<br />ពេលនេះ ក៏ស្រាប់តែលេចឮការខ្សឹបខ្សៀវថ្មីទៀតមកថា រឿងទំនាក់ទំនងស្នេហារវាង កញ្ញា <br />សុផាឡែន ជាមួយនឹងបុរសជំនួញក្រៅស្រុកនោះ គឺមិនទាន់ចប់នៅឡើយទេ ព្រោះថា ពេល<br />នេះអ្នកទាំងពីរ បាននឹងកំពុងតែទាក់ទងគ្នា យ៉ាងកៀកកិតបំផុត។</p>
<p>ផ្អែកតាមប្រភពព័ត៌មាន ដែលលេចឮចេញពីរង្វង់អ្នកសិល្បៈ ក្បែរតារាស្រីរូបនេះ បានបង្ហើបថា <br />បច្ចុប្បន្ន សុផាឡែន កំពុងតែរស់នៅយ៉ាងសប្បាយចិត្ត បើទោះបីជាពេលនេះ នាងនៅមិនទាន់<br />ស្តារបានមកវិញ នូវកេរ្តិ៍ឈ្មោះល្បី នៅក្នុងផលិតកម្ម ភ្លេងរីខត ក៏ដោយហេតុថា ពេលសព្វថ្ងៃ<br />នេះ នាងហាក់មានយឺអ៊ុនខ្ពស់ផ្នែកខាង ក្រៅច្រើនជាង មិនថាការរកស៊ី ឬមួយរឿងរ៉ាវជីវិតស្នេ-<br />ហានោះទេ។</p>
<p>បើតាមប្រភពដដែលនេះ បាននិយាយទៀតថា បុរសដែលកំពុងតែលង់ស្រឡាញ់មកលើ កញ្ញា<br /> សុផាឡែន ម្នាក់នេះ ជាអ្នកជំនួញក្រៅស្រុក ឧស្សាហ៍ចុះឡើងស្រុកខ្មែរ។ ប៉ុន្តែគេមិនបានបញ្ជាក់<br />ប្រាប់ឱ្យដឹងច្បាស់ទេថា តើបុរសម្នាក់នោះបច្ចុប្បន្នកំពុងរស់នៅប្រទេសណានោះឡើយ ។</p>
<p>ជុំវិញព័ត៌មានខាងលើនេះនៅ រសៀលថ្ងៃទី១៦ ខែតុលា ឆ្នាំ២០១៣នេះ គេហទំព័រ LookingTODAY<br /> មិនទាន់អាចទាក់ទង ដើម្បីសុំការបំភ្លឺពី កញ្ញា លាង សុផាឡែន បាននៅឡើយទេ។ ដូច្នេះ Looking<br />TODAY នឹងធ្វើការទាក់ទង ដើម្បីសុំការបកស្រាយពីស្រីស្រស់ លាង សុផាឡែន នៅពេលក្រោយ។</p>
<p>តារាចម្រៀង ធ្លាប់សាងកេរ្តិ៍ឈ្មោះ នៅផលិតកម្ម Big Man កញ្ញា លាង សុផាឡែន បានចូលខ្លួន<br />ប្រឡូក ជាមួយវិស័យសិល្បៈ កាលពីអំឡុង ឆ្នាំ២០០៤។ ដំបូងឡើយ នាងច្រៀងនៅផលិតកម្ម<br />ផ្សេង ក្រោយមកទៀតនាង បានចូលច្រៀង នៅផលិតកម្ម Big Man ហើយចុងក្រោយនេះ នាង<br />បានហក់មកចូល ផលិតកម្ម ភ្លេងរីខដ ដែលជាសាខា របស់ ផលិតកម្ម រស្មីហង្សមាស៕</p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0240.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0241.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0242.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>