<p><span style="color: #000000;">ព័ត៌មានកីឡា៖ ក្រោយពីព្រឹត្ដិការណ៍មហាអស្ចារ្យ រវាង ប៉ាក់គីអៅ នឹង Floyd បានបញ្ចប់ទៅដោយលទ្ធផលហួសពីការស្មាន ធ្វើឲ្យពិភពលោក ស្ទើរតែក្រឡាប់ចក្រនោះ ពាក្យសម្ដីនៅតែមិនទាន់មានការបញ្ចប់នៅឡើយនោះទេ ដោយហេតុ សេចក្ដីអះអាងរបស់ Floyd ចុងក្រោយបានលើកឡើងថា ប៉ាក់គីអៅ គឺជាគីឡាករ ដែលកំសាក ហើយមិនទួលស្គាល់ការពិតនូវការបរាជ័យ ថាខ្លួនពិតជាអ្នកចាញ់មែន ។ </span></p>
<p><span style="color: #000000;">ពាក្យសម្ដីរបស់ Floyd ទាំងប៉ុន្មានម៉ាត់ខាងលើ បានធ្វើឲ្យ ប៉ាក់គីអៅ ប្រតិកម្មតបទៅវិញទាំងញ័រមាត់ថា គាត់គ្រានតែចង់បង្ហាញដល់មហាជនឲ្យបានដឹង ថាគាត់មានរបួសផ្នែកស្មាខាងស្ដាំ គឺគ្មានបំណង ចង់យកលេះអ្វីនោះទេ ហើយថ្មីៗនេះ គាត់ក៏មិនបានគិតទៅដល់ការប្រកួតសារជាថ្មីដែរ អ្វីដែលគាត់គិតខ្លាំងគឺបញ្ហាសុខភាព ដែលទើបតែចេញពីមន្ទីពេទ្យ។ </span></p>
<p><span style="color: #000000;">Floyd ធ្លាប់បាន និយាយក្នុងសន្និសិតការសែតថា គាត់មានការអន់ចិត្ដនឹងពាក្យសម្ដីរបស់ ប៉ាក់គីអៅ ក្រោយការប្រកួត ដោយប្រាប់អ្នកការសែតថា ការប្រកួតរបស់គាត់មិនបានធ្វើឲ្យល្អនោះទេ ដោយហេតុតែគាត់មានបញ្ហារបួសស្មាមិនអាចប្រើប្រាស់ដៃស្ដាំនោះឡើយ ។ ហេតុដូច្នេះ ពាក្យសម្ដីទាំងនេះ បានធ្វើគាត់យល់ថា ប៉ាក់គីអៅជាមនុស្ស កំសាក មិនព្រមទទួលស្គាល់ការបរាជ័យរបស់ខ្លួន ។</span></p>
<p><span style="color: #000000;">ប៉ាក់គីអៅ បានទទួចបន្ដទៀតថា គាត់មិនមែនជាកីឡាករដែល កំសាកនោះទេ ហើយអ្វីដែលគាត់ចង់លើកឡើងនោះក៏មិនមែនជាលេះនោះដែរ ប៉ុន្ដែអ្វីដែរការពិតនោះគឺគាត់មានបញ្ហារបួសស្មា។ គាត់ទទួលស្គាល់ថា Floyd ជាកីឡាករដែលខ្លាំង អាចគ្រប់គ្រង គ្រប់ស្ថានការណ៍នៃការប្រកួតទាំងក្រៅ និង ក្នុងសង្វៀន។ ហើយអ្វីដែលកាន់តែសំខាន់នោះគឺគាត់ក៏គោរពនិងទទួលស្គាល់នូវអ្វីដែល គណៈកម្មការមេប្រយោគបានសម្រេចចិត្ដ។ ដូច្នេះកុំនិយាយថាគាត់ជាមនុស្សកំសាក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/18/5-5-2015-4-09-38-pm-18-05-2015--10-29-36.png"><span style="color: #000000;"><img src="/FileManager/Articles/mce/2015/5/18/5-5-2015-4-09-38-pm-18-05-2015--10-29-36.png" alt="" /></span></a></span></p>
<p><span style="color: #0000ff;"><a href="/News/Detail/23875/referee-explains-floyd%E2%80%8B-hugging-tactic" target="_blank"><span style="color: #0000ff;">អាន៖</span></a></span><a href="/News/Detail/23875/referee-explains-floyd%E2%80%8B-hugging-tactic" target="_blank"> </a><span style="color: #0000ff;"><a href="/News/Detail/23875/referee-explains-floyd%E2%80%8B-hugging-tactic" target="_blank"><span style="font-size: small; color: #0000ff;">ប្រទះពាក្យសម្ដីផ្ទាល់របស់អាជ្ញាកណ្ដាល នៃការប្រកួតរវាង ប៉ាក់គីអៅ នឹង Floyd</span></a></span></p>
<p><span style="color: #000000;"><a class="thickbox" title="" href="/FileManager/Commons/2015/5/18/5-5-2015-4-09-38-pm-18-05-2015--10-29-36.png"></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ boxingnews24</span></p>