<p>ទើបតែមានអាយុ ១៤ឆ្នាំ ប៉ុន្តែ កុមារា Will Deeth រកបានប្រាក់ មួយម៉ឺនដុល្លារក្នុងមួយសប្ដាហ៍<br /> តាមរយៈការលក់របស់របរក្មេងលេងដែលផលិតនៅប្រទេសចិន នៅលើទំព័រ Ebay។</p>
<p style="text-align: center;"><a class="thickbox" title="" href="/FileManager/Commons/2016/7/8/young-08-07-2016--09-20-31.jpg"><img src="/FileManager/Articles/mce/2016/7/8/young-08-07-2016--09-20-31.jpg" alt="" /></a></p>
<p>គេហទំព័រ China Youth Daily បានចុះផ្សាយថា ពុកម្ដាយរបស់ Will Deeth សុទ្ធតែជាអ្នកជំនួញ <br />ដែលនាំចូលផលិតផលពីចិន។ ថ្ងៃមួយ Will Deeth បានសុំទៅតាមពុកម្ដាយរបស់ខ្លួន ដើម្បីទៅ<br />លេងប្រទេសចិន។ ដោយដឹងច្បាស់អំពីនិស័យរបស់កូន ពុកម្ដាយរបស់ Will Deeth ក៏លើកទឹក<br />ចិត្តឱ្យកូនធ្វើជំនួញ។</p>
<p>Will Deeth ប្រាប់ថា ខ្លួនទៅលេងប្រទេសចិន មិនមែនដើម្បីតែធ្វើជំនួញនោះទេ តែក៏ដើម្បីទទួល<br />បានបទពិសោធអំពីប្រការអស្ចារ្យផ្សេងៗផងដែរ។ គ្រួសាររបស់ Will Deeth បានទៅទស្សនា <br />វាំងចាស់ មហាកំផែង និងកន្លែងល្បីៗជាច្រើនផ្សេងទៀតរបស់ប្រទេសចិន។</p>
<p style="text-align: center;"><a class="thickbox" title="" href="/FileManager/Commons/2016/7/8/young1-08-07-2016--09-20-59.jpg"><img src="/FileManager/Articles/mce/2016/7/8/young1-08-07-2016--09-20-59.jpg" alt="" /></a></p>
<p>Will Deeth បានជ្រើសរើសមុខទំនិញជាច្រើន នៅប្រទេសចិន ពិសេសគឺរបស់ក្មេងលេង ដើម្បី<br />នាំចូលទៅកាន់អូស្ដ្រាលី ហើយដាក់លក់នៅលើទំព័រ eBay។ នៅក្នុងការដាក់លក់ដំបូង Will<br /> Deeth ទទួលបានជោគជ័យដ៏គួរជាទីពេញចិត្ត ដោយសារតែវានៅក្នុងរដូវបុណ្យណូអែល។ រយៈ<br />ពេល ១អាទិត្យ Will Deeth រកបានចំណែញមួយម៉ឺនដុល្លារអាមេរិក ខណៈថ្លៃដើមត្រឹមតែ ២៥០០<br />ដុល្លារ។</p>
<p>តាមគម្រោង Will Deeth នឹងទិញផ្ទះមួយខ្នងសម្រាប់ខ្លួនឯង នៅមុនអាយុ ១៨ឆ្នាំ។ ប៉ុន្តែ ដើម្បី<br />ជោគជ័យធំធេងក្នុងពេលអនាគត Will Deeth ក៏បាននឹកឃើញដល់ការពង្រីកការវិនិយោគទៅលើ<br />មុខជំនួញនេះបន្ថែមទៀត។</p>
<p style="text-align: center;"><a class="thickbox" title="" href="/FileManager/Commons/2016/7/8/young2-08-07-2016--09-20-45.jpg"><img src="/FileManager/Articles/mce/2016/7/8/young2-08-07-2016--09-20-45.jpg" alt="" /></a></p>
<p>រឿងរ៉ាវរបស់ Will Deeth បង្ហាញថា ជោគជ័យ មិនមែនកើតឡើងដោយប្រកាន់វ័យនោះទេ ហើយ<br />វាកើតឡើងចំពោះតែអ្នកណាដែលចេះចាប់យកឱកាសល្អប៉ុណ្ណោះ។ តើអ្នកបច្ចុប្បន្ន មានអាយុ<br />ប៉ុន្មាន ហើយអ្នកបានធ្វើអ្វីខ្លះ និងបានទទួលជោគជ័យអ្វីខ្លះ មកដល់ពេលនេះ?</p>
<p style="text-align: right;">ប្រែសម្រួល ៖ បុត្រា</p>