<p><span style="color: #000000;"><strong>(ភ្នំពេញ)៖</strong> សិល្បការិនីល្បីឈ្មោះ អ្នកនាង ចន ចាន់លក្ខិណា បានសម្តែងការឈឺចាប់ជំនួសកញ្ញា ខុម ចាន់តារ៉ាទី ហៅស្រីមុំ ដែលត្រូវបានអ្នកនយោបាយ យកខ្លួននាងទៅលេងសើចមិនទទួលខុសត្រូវ ហើយតារាសម្តែងរូបនេះ បានបង្ហាញការគាំទ្រ ឱ្យស្រីមុំ ដាក់ពាក្យប្តឹងដើម្បីទាមទាររកយុត្តិធម៌។</span></p>
<p><span style="color: #000000;">នៅលើបណ្តាញសង្គម Facebook នៅថ្ងៃទី១៤ ខែឱសភា ឆ្នាំ២០១៦នេះ អ្នកនាង ចន ចាន់លក្ខិណា បានលើកឡើងថា ‌‍តាមរយៈការតាមដានរបស់ខ្ញុំ ចំពោះបណ្តាញព័ត៌មាន ក៏ដូចជានៅលើ Facebook ខ្ញុំពិតជាមានការសោកស្តាយយ៉ាងខ្លាំងចំពោះ កញ្ញា ខុម ចន្ទតារាទី ហៅ ស្រីមុំ ដែលត្រូវបានជនមានគំនិតទុច្ចរិត និង គ្មានការទទួលខុសត្រូវ បានយកនាងមកលេងសើច ដើម្បីបំពេញនូវសេចក្តីសប្បាយដោយអសីលធម៌របស់ខ្លួន។</span></p>
<p><span style="color: #000000;">អ្នកនាង ចន ចាន់លក្ខិណា បានបន្ថែមថា <strong>«ក្នុងនាមខ្ញុំជាស្ត្រីដូចគ្នា ខ្ញុំពិតជាមានការឈឺចាប់ណាស់នៅក្នុងករណីនេះ និងសូមគាំទ្រ ចំពោះការសម្រេចចិត្ត របស់ប្អូនស្រី ដែលបានដាក់ពាក្យបណ្តឹងទៅតុលាការ ដើម្បីស្វែងរកយុត្តិធម៌។ ក្នុងនាមបង ជាស្ត្រីម្នាក់ និងសិល្បៈការិនីផ្សេងទៀត សូមគាំទ្រ និងលើកទឹកចិត្តដល់ប្អូនស្រី ឲ្យមានភាពរឹងមាំ បន្តការងារដើម្បីស្វែងរកយុត្តិធម៌ ដែលប្អូនត្រូវបានបំពានដោយជនទុច្ចរិត និងខ្វះការទទួលខុសត្រូវ។ យើងទាំងអស់គ្នា ជាស្ត្រីនៅតែបន្តគាំទ្រ និងយកចិត្តទុកដាក់ចំពោះប្អូនស្រី»</strong>។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/15/02d-15-05-2016--15-52-19.jpg"><img src="/FileManager/Articles/mce/2016/5/15/02d-15-05-2016--15-52-19.jpg" alt="" /></a><br /></span></p>
<p><span style="color: #000000;">សូមបញ្ជាក់ថា កញ្ញា ខុម ចាន់តារ៉ាទី ហៅស្រីមុំ កាលពីខែមុន បានចេញលិខិត ចំហរមួយដោយបានសរសេររៀបរាប់អំពីរឿងរ៉ាវស្នេហា លួចលាក់រវាងនាងជាមួយលោក កឹម សុខា ប្រធានស្តីទីគណបក្សសង្គ្រោះជាតិ និងរឿងដែលនាងលាក់បាំង មិនឆ្លើយការពិតប្រាប់សមត្ថកិច្ច អំពីទំនាក់ទំនងស្នេហាស៊ីជម្រៅជាមួយ លោក កឹម សុខា ប្រធានស្តីទីគណបក្សសង្រ្គោះជាតិ នាពេលកន្លងមក។</span></p>
<p><span style="color: #000000;">មូលហេតុដែលនាងមិនឆ្លើយការពិតប្រាប់សមត្ថកិច្ច នៅនាយកដ្ឋានប្រឆាំងអំពើភេរវកម្ម និងឧក្រិដ្ឋកម្មឆ្លងដែន របស់ក្រសួងមហាផ្ទៃ និងសារព័ត៌មាននានាកន្លងមកនោះ ត្រូវបានស្រីមុំលាតត្រដាងតាមលិខិតចំហរនេះថា ដោយសារតែមានការបង្គាប់ពី លោក កឹម សុខា មន្រ្តីសង្គមស៊ីវិល រួមទាំងអ្នកពាក់ព័ន្ធមួយចំនួនទៀត។</span></p>
<p><span style="color: #000000;">កញ្ញា ខុម ចាន់តារ៉ាទី ដែលអះអាងថា នាងមានការឈឺចាប់បំផុតន៖ ក៏បានដាក់ពាក្យប្តឹង លោក កឹម សុខា ទាមទារសំណងខូចខាតកិត្តិយស ចំនួន៣០ម៉ឺនដុល្លារផងដែរ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13241205_1601422216838810_5726974081120608592_n.jpg?oh=2475d24fb0d2c4b3e5f1540ba88110b0&oe=57E2BD77" alt="" width="730" /></span></p>
<div id="news_detail" class="postcontainer">
<p><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>