<p><span style="color: #000000;"><strong>(ភ្នំពេញ)៖</strong> នារីម្នាក់ត្រូវបានប្តីរបស់ខ្លួន សម្លាប់នៅក្នុងបន្ទប់ជួល បង្កឲ្យមានការភ្ញាក់ផ្អើល នៅព្រឹកថ្ងៃទី០១ ខែវិច្ឆិកា ឆ្នាំ២០១៦នេះ ស្ថិតនៅបន្ទប់ផ្ទះជួលលេខ៧ ក្រុមទី៣ភូមិដំណាក់ធំ៤ សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ។</span></p>
<p><span style="color: #000000;">ប្រជាការពារ សង្កាត់ស្ទឹងមានជ័យ លោក ឈី បាននិយាយថា <strong>«មានករណីឃាតកម្ម ប្តីសម្លាប់ប្រពន្ធ ស្ថិតនៅក្នុងបន្ទប់ផ្ទះជួលលេខ៧ ជនរងគ្រោះឈ្មោះ ផាត ស្រីនេត អាយុ២២ឆ្នាំ មុខរត់តុក នៅហាងមនោរម្យ និងមានស្រុកកំណើត ភូមិទទួលកណ្តោល ឃុំជីគោ ខេត្តត្បូងឃ្មុំ»</strong>។</span></p>
<p><span style="color: #000000;">លោក ឈី បានបន្តទៀតថា អំពើឃាតកម្មនេះ បានកើតឡើងតាំងពីថ្ងៃអាទិត្យមកម្ល៉េះ តែទើបមានការភ្ញាក់ផ្អើល នៅព្រឹកមិញ ក្រោយពីម្តាយនារីរងគ្រោះ ដែលរស់នៅភូមិថ្មី មិនឃើញកូនទៅលេងផ្ទះ ក៏មកមើលកូនហើយឃើញទ្វារបន្ទប់បិទជិត ក៏ទម្លុះសោស្រាប់តែឃើញកូនស្រីដេកស្លាប់បាត់ទៅហើយ។</span></p>
<p><span style="color: #000000;">បើតាមប្រជាពលរដ្ឋរស់នៅក្បែរបន្ទប់នារីរងគ្រោះ បានឲ្យដឹងថា ពួកគេទាំង២នាក់ បានឈ្លោះប្រកែកតាំងពីថ្ងៃអាទិត្យមកនោះ ហើយអាចសង្ស័យឈ្លោះគ្នា រឿងប្រចណ្ឌទៀតផង ដោយសារនារីរងគ្រោះធ្វើការនៅក្នុងហាង។</span></p>
<p><span style="color: #000000;">អធិការនគរបាលខណ្ឌមានជ័យ លោក តេង សីុណូ បានបញ្ជាក់ថា នៅពេលនេះ បុរសជាប្តីបានរត់គេចខ្លួនបាត់ហើយ ខណ:កម្លាំងនគរបាលរបស់លោកកំពុងធ្វើការស្រាវជ្រាវនៅឡើយ។</span></p>
<p><span style="color: #000000;">បច្ចុប្បន្នសពជនរងគ្រោះ នៅក្នុងបន្ទប់នៅឡើង រង់ចាំ មន្រ្តីចក្ខុមកពិនិត្យ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-56-38-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-01-21-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-01-21-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-01-21-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-01-21-3.jpg" alt="" width="730" /></span></p>
<p><span style="color: #000000;"><strong>ខាងក្រោមនេះជារូបក្រុមគ្រួសារ នារីរងគ្រោះ</strong></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-29-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-01-10-29-24-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>