<p><span style="color: #000000;"><strong>ក្រុងអ៊ីនឈួន៖</strong> កីឡាការិនីវាយកូនបាល់ជម្រើសជាតិកម្ពុជា យី សុផានី ដែលត្រៀមប្រកួតលើវិញ្ញាសា Soft Tennis នោះត្រូវបានលុបឈ្មោះ ចេញពីព្រឹត្តិការណ៍កីឡា Asian Games ក្រោយត្រូវបានរកឃើញ សារធាតុហាមឃាត់។ នេះបើតាមគណៈកម្មការរៀបចំ ការប្រកួតរបស់ OCA។</span></p>
<p><span style="color: #000000;">ក្រុមមន្រ្តី OCA បានធ្វើពិនិត្យទឹកនោមកីឡាការិនី យី សុផានី កាលពីថ្ងៃទី១៦ ខែកញ្ញាមុនពេលព្រឹត្តិការណ៍ Asian Games ចាប់ផ្តើមនៅទីក្រុង Incheon ប្រទេសកូរ៉េខាងត្បូង។ គណៈកម្មាធិការដដែលបាននិយាយថា ការធ្វើតេស្តទឹកនោម បានរកឃើញសារធាតុ ហាមឃាត់ប្រភេទ Sibutramine ដែលជាសារធាតុ ប្រភេទជំនួយ កម្លាំងផងដែរនោះ។</span></p>
<p><span style="color: #000000;">សូមបញ្ជាក់ថា នេះជាការបរាជ័យលើ៤ប្រភេទកីឡា ក្នុងចំណោម៧ប្រភេទកីឡា ដែលកម្ពុជា បានបញ្ជូនទៅចូលរួម ប្រកួត Asian Games លើកនេះក្រៅពីកីឡាហែលទឹក វាយកូនបាល់បាន និងបាល់ទះលើឆ្នេរខ្សាច់ ទទួលនូវការខកចិត្តហើយនោះ នៅសល់តែប្រភេទកីឡាតេក្វាន់ដូ ចំបាប់ យូដូ និងអត្តពលកម្មប៉ុណ្ណោះដែល សង្ឃឹមឈ្នះមេដាយចុង ក្រោយគេ៕</span></p>
<p><br /><span style="color: #000000;"><img src="http://image.lookingtoday.com:81/lookingtoday/looking-images/news/2014/September/ID-141/MSP-0997.jpg" alt="" width="600" /></span></p>
<p style="text-align: right;"><br /><span style="color: #000000;">ផ្ដល់សិទ្ធិដោយ៖ ដើមអម្ពិល</span></p>
<h2 class="contentheading"><span><br /></span></h2>