<p><span style="color: #000000;"><strong>(ប៉េកាំង)៖</strong> នាវាដឹកកុងតឺនឺចំនួនពីរគ្រឿង ដែលមកពីតំបន់អឺរ៉ុប បានបុកគ្នានៅក្នុងដែនសមុទ្រ ចិនខាងកើត ហើយក្នុងនោះនាវា មួយគ្រឿង បានទទួលរងការខូចខាតធ្ងន់ធ្ងរ រហូតដល់កើតជា អគ្គីភ័យឆាបឆេះយ៉ាដំណំ និង អ្នកបម្រើការនៅលើនោះ២២នាក់ត្រូវគេ ជួយសង្គ្រោះជាបន្ទាន់។ នេះបើតាមការ ចេញផ្សាយមុននេះបន្តិច ដោយសារព័ត៌មាន Channel News Asia នារសៀលថ្ងៃចន្ទ ទី០៩ ខែឧសភា ឆ្នាំ២០១៦។</span></p>
<p><span style="color: #000000;">ក្រុម Maersk របស់ដាណឺម៉ាក ដែលជាម្ចាស់កម្មសិទ្ធិលើនាវាមួយក្នុងចំណោមនោះបាន និយាយថា នាវារបស់ខ្លួនឈ្មោះ Safmarine Meru បានបុកជាមួយនាវា Northern Jasper របស់អាល្លឺម៉ង់ នៅក្បែរតំបន់ឆ្នេរសមុទ្រចិនភាគខាងកើត ជិតកំពង់ផែ Ningbo បន្ទាប់ ពីបានចាកចេញពីកំពុងផែ Qingdao ឆ្ពោះទៅទិសខាងជើង។</span></p>
<p><span style="color: #000000;">ក្រុមហ៊ុនខាងលើបន្តទៀតថា នាវាមួយក្នុងចំណោមនោះគឺបានដឹកកុងតឺនឺ រហូតដល់ទៅ៤០០ឯណោះ ហើយក្រោយពីការបុកគ្នានាវា មួយគ្រឿង បានឆាបឆេះ តែសំណាងល្អអ្នកបម្រើការ លើនាវានោះទាំង ២២នាក់ ត្រូវបាននាវារបស់ចិន ជួយសង្គ្រោះដោយ សុវត្ថិភាព។ ចំពោះកត្តា ដែលបង្កគ្រោះថ្នាក់ខាងលើនេះ កំពុងតែស្ថិតនៅក្នុងការស៊ើបអង្កេតនៅឡើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/9/31-09-05-2016--15-35-12.jpg"><img src="/FileManager/Articles/mce/2016/5/9/31-09-05-2016--15-35-12.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>