<p><strong>ភ្នំពេញៈ</strong> ទស្សនិកជនធ្លាប់តែឃើញស្នាមញញឹម ភាពសប្បាយរីករាយ របស់តារាចម្រៀងល្បីឈ្មោះ ក្នុងផលិតកម្មហង្សមាស កញ្ញា ពេជ្រ សោភា នៅលើឆាកតន្រ្តី តែគ្មានអ្នកណាដឹងទេថា ពេលនេះនាងកំពុង តែពិបាកចិត្តតឹងទ្រូងហារស្តី មិនចេញ ដោយសារតែលោកឪពុកជាទីស្រឡាញ់របស់នាង បានធ្លាក់ខ្លួនឈឺ កំពុងសម្រាកព្យាបាល នៅក្នុងមន្ទីរពេទ្យ។</p>
<p>ជួបជាមួយ LookingTODAY តាមទូរស័ព្ទ នៅថ្ងៃទី៣១ ខែមីនា ឆ្នាំ២០១៤នេះ តារាស្រី ក្រមិចក្រមើមកញ្ញា ពេជ្រ សោភា បានប្រាប់ឲ្យដឹងថា លោកឪពុករបស់នាង បានធ្លាក់ខ្លួន ឈឺកាលពីម្សិលមិញ ហើយពេលនេះគាត់កំពុងតែសម្រាកពិនិត្យ និងព្យាបាលនៅមន្ទីពេទ្យ ឯកជនមួយកន្លែង ក្នុងរាជធានីភ្នំពេញមានឈ្មោះថា “ប្រាម៉ា” ។ សម្រាប់អាការៈជំងឺរបស់គាត់ ពេលនេះបានធូរស្រាលច្រើនហើយ។</p>
<p>តារាចម្រៀង ដែលមានចរិករួសរាយរាក់ទាក់ ពេជ្រ សោភា បានប្រាប់ឲ្យដឹងថា "ឪពុករបស់ខ្ញុំ គាត់មិនបានឈឺអ្វីធ្ងន់ធ្ងរទេ គឺជាជំងឺរបស់មនុស្សចាស់ និងក្រពះធ្លាយ ហើយសម្រាប់ខ្ញុំ និង ក្រុមគ្រួសារដំបូង ហាក់មានការ ភ្ញាក់ផ្អើលណាស់ ក្រោយពីឃើញពុកគាត់ ធ្លាក់ខ្លួនឈឺភ្លាមៗ បែបនេះ ព្រោះថាកន្លងមកពុកខ្ញុំ គាត់មានសុខភាពល្អ មិនដែលឈឺដូចពេលនេះទេ ។ ទោះ ជាយ៉ាងណាខ្ញុំ រួមជាមួយគ្រួសារ និងយកចិត្តទុកដាក់ថែរក្សាគាត់ ឲ្យឆាប់ជា ខ្ញុំនិងបងប្អូនខ្ញុំ ពិតជាស្រឡាញ់ពុកខ្លាំងណាស់" ។<br />ជាការពិតក្តីស្រឡាញ់របស់កូនគ្រប់ៗរូប ពិតជាមានដូចគ្នា ចំពោះឪពុកម្តាយរបស់ខ្លួន គ្មានកូនណាម្នាក់ចង់ឃើញ អ្នកជាទីស្រឡាញ់ ធ្លាក់ខ្លួនឈឺនោះទេ ។</p>
<p>ជាក់ស្តែងដូចជាតារាស្រីល្បីឈ្មោះ កញ្ញា ពេជ្រ សោភា បើទោះជានាងមានការមមាញឹក ជាមួយការងារច្រើន ដល់កម្រិតណាក៏ដោយ ក៏នាងបានឆ្លៀតពេល ទៅថែទាំមើល ការខុសត្រូវ ឪពុកនៅមន្ទីរពេទ្យ បំពេញកាតព្វកិច្ចជាកូនល្អ ។ បន្ទាប់ពីតារាស្រីរូបនេះ បានបង្ហោះរូបថតមួយសន្លឹក នៅលើបណ្តាញ ទំនាក់ទំនងសង្គម Facebook ស្តែងឲ្យឃើញថា ឪពុករបស់នាងធ្លាក់ខ្លួនឈឺ និងមានអ្នកគាំទ្រ ជាច្រើនក៏បានចូល ទៅ Comment ជូនពរ ទៅដល់ឪពុកនាង ឲ្យឆាប់ជាគ្រប់ៗគ្នា ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0405.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0406.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0407.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0408.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-098/S_0409.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/29057-2014-03-31-09-10-29.html" target="_blank">ផ្តល់សិទ្ធដោយ ៖ ដើមអម្ពិល</a></p>