<p><strong>តាកែវ៖</strong> ក្រោយពីមាន ការស្រាវជ្រាវ តាមជំនាញរបស់ខ្លួន យ៉ាងយកចិត្តទុកដាក់ តាមបញ្ជា <br />របស់លោកស្នងការ នគរបាល ខេត្តតាកែវ ឧត្តមសេនីយ៍ អ៊ុក សំណាង កម្លាំងនគរបាល ស្រុក<br />ត្រាំកក់ និងសមត្ថកិច្ចពាក់ព័ន្ធ បានឈានទៅដល់ ការឃាត់ខ្លួន ជនសង្ស័យដែលបាន វាយ<br />សម្លាប់ ស្រ្តីកូនពីរ ដើម្បីប្លន់យក ទ្រព្យសម្បត្តិ រួមមាន ម៉ូតូ និងគ្រឿងអលង្កា ហើយយកសព<br /> ទៅទម្លាក់ចោល ក្នុងព្រៃ រហូតធ្វើឲ្យសព ត្រូវបានសត្វស៊ី និងដង្កូវចោះ នៅសល់តែគ្រោងឆ្អឹង ។</p>
<p>យោងតាម ប្រភពព័ត៌មាន ពីសមត្ថកិច្ចបាន ឲ្យដឹងថា ការចាប់ខ្លួន ជនសង្ស័យរូបនេះ បានធ្វើឡើង<br />កាលពីវេលាម៉ោង ១២ថ្ងៃត្រង់ ទី១ ខែមករា ឆ្នាំ២០១៣ ពោលការចាប់ខ្លួននេះបានកើតឡើង ក្រោយ<br />សពស្រ្តីរងគ្រោះ ត្រូវបានគេ ប្រទះឃើញ នៅសល់តែគ្រោងឆ្នឹង កាលពីរសៀលថ្ងៃទី២៧ ខែធ្នូ ឆ្នាំ<br />២០១២ វេលាម៉ោង ១៖១០នាទី ។</p>
<p>សូមបញ្ជាក់ថា កាលពីរសៀលថ្ងៃទី២៧ ខែធ្នូ ឆ្នាំ២០១២ ប្រជាពលរដ្ឋ បានប្រទះឃើញ សពមួយ នៅ<br />សល់តែគ្រោងឆ្នឹង ត្រូវគេយកទៅទម្លាក់ចោល ក្នុងតំបន់ព្រៃលើ ក្នុងភូមិបាក់កូក ឃុំលាយបូ ស្រុកត្រាំ<br />កក់ ខេត្តតាកែវ ប៉ុន្តែមុនដំបូង គេមិនដឹងថា សពនោះជាស្រី ឫប្រុសនោះទេ ។</p>
<p>សមត្ថកិច្ចបាន បញ្ជាក់ទៀតថា ក្រោយពីមានករណីនេះ កើតឡើង សមត្ថកិច្ចជំនាញ ស្រុកត្រាំកក់ <br />បានសហការ ជាមួយកម្លាំង សមត្ថកិច្ចជំនាញផ្សេងទៀត ក្រោមការបញ្ជា ពីលោកស្នងការនគរបាល<br /> អ៊ុក សំណាង ទើបសមត្ថកិច្ចបាន ឈានទៅដល់ការចាប់ខ្លួន ជនសង្ស័យនេះតែម្តងទៅ។</p>
<p>បើតាម សមត្ថកិច្ច ក្រោយធ្វើកោសល្យវិច្ច័យ ដែលអូសបន្លាយដល់ ព្រឹកថ្ងៃទី២៨ ខែធ្នូ ឆ្នាំ២០១២ <br />ដោយសារតែ មានព្រៃច្រើននោះ សពត្រូវបានគេស្គាល់ថា ជាភេទស្រី មានឈ្មោះ ជួង ចាន់ធី ហៅ<br /> ជឿន ចាន់ អាយុ២៩ឆ្នាំ មុខរបរជាកម្មករ កាត់ដេរ រស់នៅភូមិដូងកុក សង្កាត់បឹងធំ ខណ្ឌ ពោធិ៍សែន<br />ជ័យ រាជធានីភ្នំពេញ ហើយមានប្តី និងកូនពីរនាក់ នៅក្នុងបន្ទុក ។</p>
<p>បើតាម សមត្ថកិច្ច ស្រ្តីរងគ្រោះ បើទោះមានប្តី និងកូននៅក្នុងគ្រួសារ តែលួចមានទំនាក់ទំនង ជាមួយ<br />ជនសង្ស័យ ខាងលើនេះ។ មន្រ្តីនគរបាល ស្រុកត្រាំកក់ បានបន្តថា តាមសាច់ញាតិ ជនរងគ្រោះ គឺ<br />ស្រ្តីរងគ្រោះ បាត់ខ្លួន កាលពីថ្ងៃទី១ ខែធ្នូ ឆ្នាំ២០១២ តែមិនដឹងថា ទៅណានោះទេ។ ខណៈបាត់ខ្លួន<br />នោះ ស្រ្តីរងគ្រោះ ត្រូវបានជនសង្ស័យ នាំទៅខេត្តតាកែវ ហើយនៅថ្ងៃកើតហេតុ ស្រ្តីរងគ្រោះត្រូវបាន<br /> ជនសង្ស័យ នាំយកទៅក្នុងព្រៃ ដើម្បីប្លន់ម៉ូតូ និងគ្រឿងអលង្កា ហើយឈានទៅដល់ការ វាយសម្លាប់ <br />ជនរងគ្រោះតែម្តង។</p>
<p>បើតាមសមត្ថកិច្ច ជនសង្ស័យដែល ត្រូវចាប់ខ្លួន ខាងលើនេះ មានឈ្មោះ ស៊ុន ថែន អាយុ៣២ឆ្នាំ រស់<br />នៅភូមិប្រជុំ ឃុំស្រែរនោង ស្រុកត្រាំកក់ ខេត្តតាកែវ មុខរបរជា ជាងផ្សាដែក និងធ្វើស្រែ។</p>
<p>នៅចំពោះ មុខសមត្ថកិច្ច ជនសង្ស័យបានឆ្លើយសារភាពថា មូលហេតុដែលខ្លួន វាយសម្លាប់ ជនរង<br />គ្រោះ ពីព្រោះខ្លួនបានប្រាប់ ជនរងគ្រោះថា ចង់រស់នៅជាមួយ អស់មួយជីវិត ខណៈខ្លួន ជាពោះម៉ាយ <br />ប៉ុន្តែត្រូវស្រ្តីរងគ្រោះ បដិសេធ ហេតុដូចេ្នះហើយ ក៏សម្លាប់តែម្តងទៅ ហើយប្លន់យក ទ្រព្យសម្បត្តិ រួម<br />មានម៉ូតូ មួយគ្រឿង និងគ្រឿងអលង្កា មួយចំនួនដែលជនរងគ្រោះ ពាក់នៅជាប់នឹងខ្លួន។ ជនសង្ស័យ<br />បានបន្តថា ខ្លួនមានទំនាក់ទំនង ជាមួយជនរងគ្រោះ បើទោះបី ជាជនរងគ្រោះ មានប្តី និងកូនក៏ដោយ<br />នោះ ។</p>
<p>ក្រោយការចាប់ខ្លួន សមត្ថកិច្ចបាន ដកហូត ស្លាកលេខ ម៉ូតូរបស់ ជនរងគ្រោះ និងវត្ថុតាង មួយចំនួន<br />ទៀត។ សមត្ថកិច្ចបានបន្តថា ក្រោយចាប់ខ្លួន ជនសង្ស័យ រូបនេះ ត្រូវបានបញ្ជូន ទៅកាន់ការិយាល័យ<br /> ព្រហ្មទណ្ឌកម្រិតធ្ងន់ នៃស្នងការដ្ឋាន នគរបាល ខេត្ត ដើម្បីបញ្ជូន សំណុំរឿងទៅតុលាការ។ មន្រ្តីនគរ<br />បាលព្រហ្មទណ្ឌ កម្រិតធ្ងន់ បានឲ្យដឹងថា ជនសង្ស័យ រូបនេះ ត្រូវបានសមត្ថកិច្ច បាននិងកំពុង កសាង<br />សំណុំរឿង បញ្ជូនទៅកាន់ តុលាការ ដើម្បីផ្តន្ទាទោស តាមផ្លូវច្បាប់ ។</p>
<p>នេះជាស្នាដៃថ្មីមួយទៀត របស់សមត្ថកិច្ច ពាក់ព័ន្ធ នានា ក្រោមការដឹកនាំ បញ្ជាផ្ទាល់ពីលោក ស្នងការ<br />នគរបាលខេត្ត អ៊ុក សំណាង ក្នុងការតាម ស្វែងរក ចាប់ខ្លួន ជនសង្ស័យ ក្នុងអំពើឃាតកម្ម ខាងលើ<br />នេះ៕</p>
<p><a class="thickbox" title="" href="/FileManager/Commons/2013/1/1/dec-0130-01-01-2013--19-09-45.jpg"><img src="/FileManager/Articles/mce/2013/1/1/dec-0130-01-01-2013--19-09-45.jpg" alt="" /></a></p>
<p><a class="thickbox" title="" href="/FileManager/Commons/2013/1/1/dec-0131-01-01-2013--19-10-15.jpg"><img src="/FileManager/Articles/mce/2013/1/1/dec-0131-01-01-2013--19-10-15.jpg" alt="" /></a></p>
<p><a class="thickbox" title="" href="/FileManager/Commons/2013/1/1/dec-0132-01-01-2013--19-10-47.jpg"><img src="/FileManager/Articles/mce/2013/1/1/dec-0132-01-01-2013--19-10-47.jpg" alt="" /></a></p>
<p><a class="thickbox" title="" href="/FileManager/Commons/2013/1/1/dec-0133-01-01-2013--19-11-22.jpg"><img src="/FileManager/Articles/mce/2013/1/1/dec-0133-01-01-2013--19-11-22.jpg" alt="" /></a></p>
<p><a class="thickbox" title="" href="/FileManager/Commons/2013/1/1/dec-0134-01-01-2013--19-12-04.jpg"><img src="/FileManager/Articles/mce/2013/1/1/dec-0134-01-01-2013--19-12-04.jpg" alt="" /></a></p>
<p style="text-align: right;"> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>