<div class="article-content">
<p><strong>ភ្នំពេញ៖</strong> មានហេតុការណ៍ ភ្ញាក់ផ្អើលមួយបង្ក ដោយជន មិនស្គាល់ អត្តសញ្ញាណម្នាក់ បានដកកាំភ្លើង បាញ់ ឡើង លើ ចំនួនមួយគ្រាប់ ធ្វើឲ្យផ្អើលដល់សមត្ថកិច្ច ខណ្ឌចំការមន កាលពីវេលា ម៉ោង១ និង៣០នាទី រំលង អាធ្រាតឈានចូល ថ្ងៃទី១១ ខែមីនា ឆ្នាំ២០១៤ នៅចំណុចមុខភោជនីដ្ឋាន កុលាប បូកគោ ផ្លូវលេខ ៩៥ ស្ថិតក្នុង សង្កាត់បឹងកេងកងទី៣ ខណ្ឌចំការមន។</p>
<p>តាមការឲ្យដឹងពី សន្តិសុខបានឲ្យដឹងថា មុនពេលកើតហេតុ គេបានឃើញបុរសម្នាក់ ជិះម៉ូតសេ១២៥ មួយ គ្រឿង ពាក់ស្លាកលេខខេមរៈភូមិន្ទ ធ្វើដំណើរតាមបណ្ដោយ ផ្លូវលេខ៩៥ ទិសដៅពីជើង ទៅត្បូង លុះដល់ ចំណុច ខារ៉ាអូខេកូឡាបបូកគោ ស្រាប់តែបុរសម្នាក់នោះឈប់ម៉ូតូហើយបានដកកាំភ្លើងខ្លីមិនស្គាល់ម៉ាក មួយ ដើម ចេញពីចង្កេះរួចបាញ់ចំនួន ១គ្រាប់ឡើងលើមេឃ ជាការលំហែកាយ របស់គេ បន្ទាប់មកជនបង្ក បាន ឡើងជិះម៉ូតូគេចខ្លួនបាត់ស្រមោលឈឹងតែម្តង។</p>
<p>ក្រោយមានការផ្ទុះអាវុធ ខាងលើនេះ ប្រជាពលរដ្ឋរស់នៅជិតនោះភ័យ តក់ស្លុត បានទូរស័ព្ទរាយការណ៍ ប្រាប់សមត្ថកិច្ចមូលដ្ឋានឲ្យចុះមកពិនិត្យ នឹងស្រាវជ្រាវតាមចាប់ជនបង្កនេះយកមកផ្តន្ទាទោសតាមផ្លូវច្បាប់។ ទាក់ទិននឹងការផ្ទុះអាវុធមួយគ្រាប់នេះកម្លាំងកងរាជអាវុធហត្ថខណ្ឌចំការមន បានសន្និដ្ឋានថា ទំនងបង្កឡើងដោយសារជនបង្កបបួលស្រី ទៅដេកជាមួយមិនបាន ខឹងសម្ប៉ា ក៏ដកកាំភ្លើងបាញ់ បន្ធូរអារម្មណ៍តែម្តងទៅ៕</p>
<p style="text-align: center;"><img src="http://image.dap-news.com:81/dap-news/dap-images/2014/March/id-011/Hong-0221.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>