<p><span style="color: #000000;"><strong>(ភ្នំពេញ)៖</strong> តារាចម្រៀងល្បីឈ្មោះ នៅក្នុងផលិតកម្មហង្សមាស អ្នកនាង ពេជ្រ សោភា ថ្មីៗនេះ ត្រូវបានទទួលរង នូវពាក្យសម្តីរិះគន់ និងការជេប្រមាថធ្ងន់ៗ ពីសំណាក់ស្រ្តីម្នាក់ ដែលបានធ្វើឡើង តាមរយៈបណ្តាញសង្គមហ្វេសប៊ុក ផ្ញើសារជេប្រទេចធ្ងន់ៗ មកលើរូបនាង ជុំវិញការចេញបទចម្រៀងថ្មី ចរាចរលក់នៅលើទីផ្សារ។</span></p>
<p><span style="color: #000000;">នៅក្នុងអត្ថន័យខ្លឹមសារ ដែលត្រូវបានម្ចាស់Account ឈ្មោះ Seyean Khmer សរសេរបង្ហោះផ្ញើសារការរិះគន់ លើតារាចម្រៀង ពេជ្រ សោភាថា «អញចង់ប្រាប់ង៉ែង ឥឡូវនេះឆ្កួតជាងមនុស្សស្រាតដើរ តាមផ្លូវទៀត។ អញមិនចង់ទើសទេ ហើញអញចង់ប្រាប់ថា ចេញបទទាំងអស់បើឲ្យអញ ក៏អញមិនយកមកមើលនាំអស់ភ្លើងអញទេ..!»។</span></p>
<p><span style="color: #000000;">អត្ថន័យខ្លឹមសារដដែលនេះ បានសរសេរទៀតថា អញចង់ប្រាប់ង៉ែងថា អញមើលទូរទស្សន៍ចេះតែឃើញង៉ែង រហូតបានអញទើស។ មិនត្រឹមតែប៉ុណ្ណោះ Account ឈ្មោះ Seyean Khmerក៏បានជេរប្រមាណដៀមដាមដល់អ្នកម្តាយរបស់តារាសចម្រៀង ពេជ្រ សោភា ទៀតផង។</span></p>
<p><span style="color: #000000;">យ៉ាងណាមិញ បន្ទាប់ពីរងនូវពាក្យសម្តីរិះគន់ និងជេរប្រមាថលើតារាចម្រៀងស្រី អ្នកនាង ពេជ្រ សោភា ដោយមិនសំចៃមាត់ ពីសំណាក់ម្ចាស់ acount ខាងលើនេះភ្លាមៗ គេក៏សង្កេតឃើញ តារាចម្រៀងរូបនេះ ហាក់មានការក្តៅក្រហាយខ្លាំង នៅក្នុងចិត្ត ព្រោះតែទទួលយកមិនបាននូវពាក្យសម្តី អសុរោះទាំងនេះ រួចនាងក៏បានចេញមុខសរសេរសារតប ទៅវិញថា «ហេតុអ្វីក៏បងទើស បើមិនចូលចិត្តបទចម្រៀង ចូលឆ្នាំរបស់ខ្ញុំ បងរំលងទៅ បងនឹងលែងទើសហើយ នេះជាពិធីល្អបំផុត សម្រាប់បង។ ចង់ប្រាប់បងថា បទ Original Song មានមនុស្សច្រើនណាស់ ចូលចិត្តបទខ្ញុំ មានតែបងទេ អត់ចូលចិត្តបទខ្ញុំ ហើយកុំប៉ះពាល់ម្តាយ របស់ខ្ញុំ អរគុណ !»។</span></p>
<p><span style="color: #000000;">ទោះបីជាយ៉ាងណាក៏ដោយ គេពុំបានដឹងទេថា តើតារាចម្រៀង ពេជ្រ សោភា ជាមួយនឹងស្រ្តីម្ចាស់ Account ឈ្មោះ Seyean Khmer ម្នាក់នេះធ្លាប់មានជម្លោះ ឬបញ្ហាអ្វីនឹងគ្នា កាលពីមុននោះឡើយ ទើបរហូតឈានដល់មានការសរសេរសាររិះគន់ និង ជេប្រមាថធ្ងន់ៗ តាមរយៈណ្តាញសង្គមហ្វេសប៊ុក បែបនេះ៕</span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-27-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-27-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/008/fn-2016-04-01-12-03-28-10.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>