<p><span style="color: #000000;"><strong>(ភ្នំពេញ)៖</strong> នៅថ្ងៃទី២៤ ខែមេសា ឆ្នាំ២០១៦ម្សិលមិញនេះ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១៥លើក ក្នុងនោះយប់៩លើក បណ្តាលឲ្យមនុស្សស្លាប់១៤នាក់ រងរបួសធ្ងន់៣៤នាក់ (ស្រី៨នាក់) និងរបួសស្រាល១៤នាក់ (ស្រី៥នាក់) នេះបើយោងតាមការចុះផ្សាយ របស់គេហទំព័រអគ្គស្នងការនគរបាលជាតិ។</span></p>
<p><span style="color: #000000;">ប្រភពព័ត៌មានដដែលបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍ទាំង១៥លើកនេះ បណ្តាលឲ្យខូចខាតយានយន្ត សរុបចំនួន៩គ្រឿង រួមមានម៉ូតូចំនួន៦គ្រឿង, រថយន្តធុនតូច២គ្រឿង, យានយន្តផ្សេងៗ១គ្រឿង ហើយមូលហេតុដែលបណ្តាលឲ្យ កើតមានករណីគ្រោះថ្នាក់ចរាចរណ៍ រួមមានល្មើសល្បឿន១២លើក (ស្លាប់១៣នាក់), មិនគោរពសិទ្ធិ២លើក (ស្លាប់១នាក់), កត្តាយានយន្ត១លើក។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍១៤នាក់ (យប់១២នាក់)។</span></p>
<p><span style="color: #000000;">ចំពោះលទ្ធផលត្រួតពិនិត្យការអនុវត្ត ច្បាប់ចរាចរណ៍ផ្លូវគោកនៅថ្ងៃម្សិលមិញនេះ សមត្ថកិច្ចបានរកឃើញ មធ្យោបាយល្មើស៤,០៦៦ គ្រឿង , អប់រំ ១,៨៩៨គ្រឿង, ពិន័យ២,១៦៨ គ្រឿង៕</span></p>
<p> </p>
<p><img src="https://scontent-kul1-1.xx.fbcdn.net/hphotos-xta1/v/t1.0-9/13092079_769780376456901_777413574660370470_n.jpg?oh=fc6f514484598371b1b3a1bf92266165&oe=57C0287F" alt="" width="730" /></p>
<p><img src="https://scontent-kul1-1.xx.fbcdn.net/hphotos-xta1/v/t1.0-9/13092061_769780443123561_1271664707322791941_n.jpg?oh=d308fef967cccba00c31ec439de38bfc&oe=57AB83E0" alt="" width="730" /></p>
<p><img src="https://scontent-kul1-1.xx.fbcdn.net/hphotos-xfa1/v/t1.0-9/13012883_769792379789034_7067641145999498076_n.jpg?oh=96e8d1306bc66edcce52d03cf52b97f7&oe=57A2E586" alt="" width="730" /></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>