<p><span style="color: #000000;"><strong>(ភ្នំពេញ)៖</strong> តារាសម្តែងប្រុសរូបសង្ហា លោក ចន អេឡិចហ្សូរ៉ា កាលពីរាត្រីថ្ងៃទី១៥ ខែឧសភា ឆ្នាំ២០១៦ នេះ បានរៀបចំពិធីបែបលក្ខណៈមនុស្សធម៌ ដែលមានឈ្មោះថា «ចង្កៀងនៃក្តីសង្ឃឹមគេភ្លេចខ្ញុំហើយ» ជាផ្នែកមួយផ្តោតសំខាន់ លើការស្វែងរកដៃគូម្ចាស់ជំនួយ ក៏ដូចជាសប្បុរសជនព្រមទាំង អង្គការជាតិ និងអន្តរជាតិក្នុងការជួយកុមារកំព្រា នៅប្រទេសកម្ពុជា ពិសេសកុមារៗរស់នៅមណ្ឌលភូមិសុខសាន្តនាខេត្តតាកែវ។</span></p>
<p><span style="color: #000000;">ថ្លែងប្រាប់អ្នកសារព័ត៌មាន នាឱកាសរៀបចំពិធីខាងលើ តារាប្រុសលោក ចន អេឡិចហ្សូរ៉ា បាននិយាយប្រាប់ ពីគោលបំណងនៃពិធីនេះថា «កម្មវិធីនេះរៀបចំឡើង ក្នុងគោលបំណងជីកកកាយនូវអ្វី ដែលគេហាក់បានបំភ្លេច និងមើលរំលងមួយចំនួនដូចជា កុមារកំព្រាជនពិការ និងក្មេងៗផ្ទុកមេរោគអេដស៍ ដែលភាគច្រើនពួកគាត់ អញ្ជើញមកពីមណ្ឌលភូមិសុខសាន្ត ខេត្តតាកែវ។ ម្យ៉ាងទៀតសម្រាប់គម្រោង នៃការរៀបចំកម្មវិធីនេះ គឺនៅមានច្រើនទៀត..!»។</span></p>
<p><span style="color: #000000;">លោក អេឡិចហ្សូរ៉ា បានបន្តថា «អ្វីដែលខ្ញុំបានរៀបចំធ្វើឡើង នៅពេលនេះជាផ្នែកមួយ ដើម្បីផ្សព្វផ្សាយ និងក្រើនរំឭកដល់ ប្រជាពលរដ្ឋ ទូទាំងប្រទេសកម្ពុជា ឲ្យបានដឹងថា សព្វថ្ងៃមានក្មេងជាច្រើន ដែលពួកគាត់ត្រូវការឲ្យយើងជួយ និងចង់បានក្តីស្រឡាញ់ លើទឹកចិត្តដល់ពួកគាត់ ហើយកម្មវិធីដែលបានរៀបធ្វើនៅថ្ងៃនេះ ពុំមែនដើម្បីប្រមូលយកថវិកា ពីមហាជនដែលបានចូលរួមទស្សនា ការច្រៀង-សម្តែងនោះទេ តែក៏ជាការផ្សព្វផ្សាយ ស្វែងរកការចូលរួមសកម្មភាពមនុស្សធម៌ ជួយកុមារៗដែលកំពុងជួបការលំបាក ដោយពួកគាត់អាចចុះទៅជួបផ្ទាល់ខ្លួន តែម្ដង..!»។</span></p>
<p><span style="color: #000000;">តារាសម្តែងលោក ចន អេឡិចហ្សូរ៉ា បានបញ្ជាក់បន្ថែមថា សម្រាប់កម្មវិធីដែលមានឈ្មោះថា «ចង្កៀងនៃក្តីសង្ឃឹមគេភ្លេចខ្ញុំហើយ» គឺបានការផ្តូចផ្តើមគំនិតរៀបចំឡើង ដោយក្រុមប្រណម និងមានការសហការពីសំណាក់ក្រុមហ៊ុន GF, Vitalanga, សិល្បៈខ្មែរអមតៈ និងក្រុមយុវជនបេសកកកម្មសុឆ្ទៈខ្មែរ។ កម្មវិធីកាលពីយប់មិញ ក៏មានការសម្តែងរបាំ និងការច្រៀងពីសំណាក់ក្រុមកូនខ្មែរ Original Song និងតារាចម្រៀងប្រុស មកពីផលិតកម្មសាស្តាលោក សាន សេរីវុឌ្ឍ ផងដែរ៕</span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfl1/v/t1.0-9/13173861_272831546382688_4877028931404722200_n.jpg?oh=6933f632a20f4736b507b12849662948&oe=57D613B6&__gda__=1470645940_871d1e438102695790bb756ecd61c1c2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13116360_272831409716035_5454085109809914910_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13237791_272831393049370_625769615243956387_n.jpg?oh=b7fe6f34604df57bf0876b8d08d38c10&oe=57D59F66" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpl1/v/t1.0-9/13173909_272831389716037_6834110628130722769_n.jpg?oh=94c66ee76d77154e694dcbf547513a2f&oe=57DCA489&__gda__=1474391045_e665726b4df404f58a4a8a0739e038d7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13177547_272831429716033_2994342751229571215_n.jpg?oh=2caacdf056b38eeeece702ce2274943f&oe=57D73194" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13254585_272831436382699_3723461098426033226_n.jpg?oh=deb3cf765495a1aca39999cbaa0c29b1&oe=57A4D0BD" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>