<p>គេមិនមានការភ្ញាក់ផ្អើលប៉ុន្មាននៅពេលបណ្ដាតារាស្រីពិភពលោក ដូចជា Celine Dion , Mariah <br />Carey ឬកំពូលតារាចម្រៀងស្រីស្បែកខ្មៅ Aretha Franklin ជាដើម ហាក់បីកំពុងសាបរលាបកេរ<br />ឈ្មោះដ៏ល្បីល្បាញ របស់ខ្លួន ហើយអាជីព និងតំណែងឯករបស់ពួកគេកំពុងទទួលការគំរាមពី<br />បណ្ដាតារាស្រីវ័យក្មេងថ្មីៗ ដូចជា Rihanna ដែលប្រកបដោយភាពទាក់ទាញ។</p>
<p><a class="thickbox" title="" href="/FileManager/Commons/2013/7/16/rihanna-2013-grammy-awards-red-carpet-azzedine-alaia-red-dress-16-07-2013--09-15-24.jpg"><img src="/FileManager/Articles/mce/2013/7/16/rihanna-2013-grammy-awards-red-carpet-azzedine-alaia-red-dress-16-07-2013--09-15-24.jpg" alt="" /></a><br /><br />នៅពេលគេនិយាយដល់ពិភពចម្រៀង R&B នោះឈ្មោះ Beyoncé Knowles ត្រូវគេស្គាល់ថាជា តារា ចម្រៀងស្រីដែលធ្លាប់ទទួលបានជោគជ័យបំផុតក្នុងពិភពលោក ប៉ុន្ដែកាលពី ប៉ុន្មានឆ្នាំមុន Beyoncé<br /> Knowles ត្រូវបាត់បង់តំណែងកំពូលនេះ ហើយវាក៏ធ្លាក់ទៅលើកណ្ដាប់ដៃតារាវ័យ ២៥ឆ្នាំ គឺនាង <br />Rihanna ។<br /> <br />ដោយក្លាយជាអ្នកល្បីឈ្មោះខ្នាតអន្ដរជាតិតាំងពីអាយុ ១៥ឆ្នាំ Rihanna ត្រូវបានគេស្គាល់តាមរយៈ<br />ចម្រៀង Caribbean របស់ R&B ។ ក្រុមអ្នកជំនាញការនិយាយថា Rihanna មានសម្លេងពិរោះ នៅ <br />ពេលនាងច្រៀងជាមួយបទដែលប្រើប្រាស់ឧបករណ៍ភ្លេងបុរាណ(acoustic)។ នេះគឺជាសំដីលើកទឹក<br />ចិត្តមួយដែលមានប្រសិទ្ធិភាព ព្រោះថាក្រោយមក Rihanna ទទួលបានជោគជ័យយ៉ាងត្រចះត្រចង់<br />ពីកម្រងចម្រៀង Music of the Sun (២០០៥), A Girl Like Me (២០០៥), Good Girl Gone Bad <br />(២០០៧), Rated R (២០០៩), Loud (២០១0) និង Talk That Talk (២០១១)។ល។<br /><br />លើសពីនេះ tour សម្ដែងដែលមានឈ្មោះថា 777 របស់ Rihanna ដែលបានធ្វើដំណើរទៅកាន់<br />ប្រទេសចំនួន ៧ ដើម្បីសម្ដែងលើឆាកចំនួន ៧ រយៈពេល ៧ថ្ងៃ ក្នុងបំណងឃោសនាឱ្យកម្រង<br />ចម្រៀងទី ៧របស់នាង ដែលមានចំណងជើងថា Unapologetic បាននាំមកនូវភាពអស្ចារ្យជាច្រើន<br />សម្រាប់ទស្សនិកជននៅជុំវិញពិភពលោក។ Rihanna ត្រូវគេមើលឃើញថា ជាមនុស្សហ៊ានស៊ីហ៊ាន<br />សង ដោយនាងបានធ្វើដំណើរដោយយន្ដហោះ Boeing 777 ក្នុង tour សម្ដែង 777 របស់នាង។ <br />ក្រៅពីនេះ នាងក៏បានផ្ដល់ជំនួយដល់ក្រុមអ្នកគាំទ្រសំខាន់ៗរបស់នាង ក៏ដូចជាអ្នកកាសែតចំនួន<br /> ១៥០នាក់ ដែលតំណាងឱ្យប្រទេសចំនួន ៨២ នៅជុំវិញពិភពលោក ដើម្បីឱ្យពួកគេបានចូលរួមទស្ស<br />នាការសម្ដែងផងដែរ។</p>
<p><a class="thickbox" title="" href="/FileManager/Commons/2013/7/16/rihanna-2013-photoshoot-hd-wallpaper-16-07-2013--09-15-58.jpg"><img src="/FileManager/Articles/mce/2013/7/16/rihanna-2013-photoshoot-hd-wallpaper-16-07-2013--09-15-58.jpg" alt="" width="529" height="297" /></a><br /><br />យោងតាមទំព័រ hollywood.com កំពូលតារាស្រី Rihanna កំពុងស្ថិតនៅក្នុងដំណើរសម្ដែងជុំវិញពិភព<br />លោកឆ្នាំ ២០១៣ របស់នាង មានឈ្មោះថា “2013 Diamonds World Tour”។ ដំណើរសម្ដែងលើកទី<br /> ៤ របស់ Rihanna នឹងតម្រូវឱ្យ នាង ឡើងឆាកជាច្រើននៅ អាមេរិកខាងជើង, អឺរ៉ុប, អូស្ដ្រាលី,<br /> មជ្ឈឹមបូព៌ា និងញ៉ូហ្ស៊ីឡែន។<br /><br />មូលហេតុអ្វី ធ្វើឱ្យ Rihanna បង្កើតបានជាការកក្រើកក្នុងវិស័យតន្ដ្រី ហើយសាងកេរឈ្មោះល្បី<br />ល្បាញ ដោយបទចម្រៀងទាំងឡាយរបស់នាងតែងតែស្ថិតក្នុងលំដាប់កំពូល ដែលមិនមែនតារា<br />ចម្រៀងណាក៏អាចធ្វើបាន? តាមការឱ្យដឹងពីតារាចម្រៀង Jay Z មូលហេតុគឺស្ថិតនៅលើសម្លេង<br />ច្រៀងដ៏មាំមួនប្លែក និងពេញដោយមនោសញ្ចេតនារបស់ Rihanna ។<br /><br />ចំណែក Rihanna ក៏បានទទួលស្គាល់ថា កាលពីដើមឡើយ នាងតែងស្រមៃថា ថ្ងៃណាមួយនឹង<br />ក្លាយជាតារាចម្រៀងមួយរូប ហើយពេលនេះ ក្ដីប្រាថ្នារបស់នាងក្លាយជាការពិត។ ប៉ុន្ដែ Rihanna<br /> អះអាងថា ខ្លួននៅតែចាត់ទុកខ្លួនឯងជាអ្នកគាំទ្ររបស់តារាជើងចាស់ដែលខ្លួនចូលចិត្ត។</p>
<p>បច្ចុប្បន្ន ទ្រព្យសរុបរបស់តារាស្រី វ័យ ២៥ឆ្នាំរូបនេះ ត្រូវបានគេគន់គូរឃើញថា មានចំនួនដល់ទៅ<br />ជាង ២៤៥ លានដុល្លារអាមេរិក នេះបើតាមទំព័រ mediamass ៕</p>
<p> </p>
<p style="text-align: right;">ដោយ ៖ តារា<br />ប្រភព ៖ Hollywoodlife<br /><br /></p>