<div class="article-content">
<p><strong>ភ្នំពេញ៖</strong> ក្រុមចោរប្លន់ប្រដាប់អាវុធ ២នាក់ ស្លៀកពាក់ស៊ីវិល បានជិះម៉ូតូស៊េរីទំនើបមួយគ្រឿង<br /> មកធ្វើសកម្មភាព ភ្ជង់យុវជនម្នាក់ កំពុងអង្គុយលើម៉ូតូនៅមុខផ្ទះ យកទៅបាត់ដោយសុវត្ថិភាព<br />កាលពីម៉ោង ៩ និង ១០ នាទីយប់ ថ្ងៃទី១ ខែកញ្ញា ឆ្នាំ ២០១៣ នៅចំណុចមុខផ្ទះលេខ ៥៥ Eo<br /> ផ្លូវលេខ ៣១០ សង្កាត់ទួលស្វាយព្រៃទី១ ខណ្ឌ ចំការមន។</p>
<p>យោងតាមប្រភពព័ត៌មានពីកន្លែងកើតហេតុ បានឲ្យដឹងថា ជនរងគ្រោះមានឈ្មោះ វ៉ាត វីរៈ ភេទ<br />ប្រុស អាយុ ២៤ ឆ្នាំ ស្នាក់នៅចំណុចកើតហេតុ។ មុនពេលកើតហេតុ រូបគេបានអង្គុយលើម៉ូតូសេ<br /> ១២៥ ស៊េរី ២០០៩ ពណ៌ខ្មៅ នៅមុខផ្ទះរបស់ខ្លួន ខណៈនោះស្រាប់តែក្រុមចោរ ២នាក់ប្រដាប់<br />ដោយអាវុធ បានជិះម៉ូតូស៊េរីទំនើប ១គ្រឿងមក ឈប់ក្បែរយុវជនរងគ្រោះ ហើយបានធ្វើសកម្ម<br />ភាពដកយកកាំភ្លើងខ្លីពីចង្កេះភ្ជង់គំរាមជនរងគ្រោះមិន ឲ្យស្រែក រួច ដណ្តើមយកម៉ូតូ ជិះរត់គេច<br />ខ្លួនបាត់ស្រមោល ដោយសុវត្ថិភាព។</p>
<p>ជនរងគ្រោះបាននិយាយរៀបរាប់ថា មុនពេលកើតហេតុ រូបគេបានចុះពីលើផ្ទះបណ្តើរម៉ូតូមកខាង<br />ក្រៅ បម្រុងឌុប មិត្តភក្តិទៅដើរលេង ខណៈរូបគេកំពុងអង្គុយលើម៉ូតូចាំមិត្តភក្តិ ក៏ត្រូវក្រុមចោរប្លន់<br />មកធ្វើសកម្មភាពប្លន់តែម្តង។</p>
<p>ជនរងគ្រោះបន្តថា ក្នុងហេតុការណ៍នេះ ជនសង្ស័យ ក៏បានកេះកៃកាំភ្លើងបាញ់ផងដែរ ប៉ុន្តែបាញ់<br />មិនចេញទើប ពួកគេជិះម៉ូតរត់គេចខ្លួនតែម្តងទៅ។</p>
<p>បន្ទាប់ពីកើតហេតុជនរងគ្រោះ បានទៅដាក់ពាក្យបណ្តឹងនៅប៉ុស្តិ៍នគរបាលសង្កាត់ទួលស្វាយព្រៃ<br />ទី១ ដើម្បីរកការ អន្តរាគមន៍ពីសមត្ថកិច្ចស្វែងរកមុខសញ្ញា តាមចាប់ខ្លួនក្រុមចោរប្លន់ខាងលើ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-181.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-182.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-183.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>