<p><span style="font-size: 12px; color: #000000;">ក្មេងស្រីអាយុ ៩ ឆ្នាំម្នាក់ ត្រូវបានអង្គការអាមេរិកមួយ ទទួលស្គាល់ពីភាពក្លាហាន ដោយសារតែការខិតខំប្រឹងប្រែងរបស់នាង បន្ទាប់ពីនាង បានជួយសង្គ្រោះជីវិតម្តាយនាងឱ្យរួចពីគ្រោះថ្នាក់។</span></p>
<p><span style="color: #000000;">កុមារី Melina Lakey ដែលមានអាយុ ៨ ឆ្នាំ នាគ្រានោះ បានជិះរថយន្ដមកពីមើលកុនឆ្ពោះទៅលំនៅឋានវិញ ជាមួយឪពុកម្តាយរបស់នាង កាលពីខែមេសា នៅពេល ដែលរថយន្តម៉ាក SUV របស់ពួកគេ បានជ្រុលង្កូតទៅបុកកែងផ្លូវមួយ បណ្ដាលឱ្យរថយន្ដក្រឡាប់ផ្កាប់ផ្ញារ ៦ ត្រឡប់។ រថយន្ដនោះ បានក្រឡាប់ងផ្ងារជើងឡើងលើ។</span></p>
<p><span style="color: #000000;">កុមារី Melina ត្រូវប៉ារបស់នាងទាញចេញពីឡាន ប៉ុន្តែម្ដាយរបស់នាង អ្នកស្រី Ashley McCollum-Lakey បានជាប់ខ្លួនរើមិនរួច នៅក្នុងកៅអីអ្នកដំណើរ។ នាង Melina បានរត់យ៉ាងលឿន ដើម្បីជួយសង្រ្គោះម្ដាយរបស់នាង។</span><br /><span style="color: #000000;"> អ្នកស្រី McCollum-Lakey បានប្រាប់គេហទំព័រ InsideEdition.com ថា៖ "នាងបានត្រឡប់មក លើកពោងសុវត្ថិភាពចេញ ដើម្បីបង្ហាញខ្ញុំពីមធ្យោបាយរើខ្លួនចេញពីឡាន"។ "នៅពេលនាងបានយកខ្ញុំចេញឡានរួច នាងបានត្រលប់មកជួយឪពុករបស់នាង រកទូរស័ព្ទដៃរបស់ខ្ញុំ ហើយបានទូរសព្ទទៅលេខ “911" ។</span></p>
<p><span style="color: #000000;"><a class="thickbox" title="" href="/FileManager/Commons/2017/9/25/1-25-09-2017--16-01-10.png"><img src="/FileManager/Articles/mce/2017/9/25/1-25-09-2017--16-01-10.png" alt="" /></a><br /></span></p>
<p><span style="color: #000000;">ថ្វីបើ Melina និយាយថា ពេលនោះពិតជាគួរឱ្យភ័យខ្លាចក៏ដោយ ក៏វាមិនបានបញ្ឈប់នាងពីការធ្វើសកម្មភាពនោះដែរ។ អ្នកស្រី McCollum-Lakey បាននិយាយថា កូនស្រីរបស់គាត់ បានជួយសង្គ្រោះជីវិតគាត់។</span><br /> <br /><span style="color: #000000;"> Melina ដែលជាក្រុមកាយរឹទ្ធិរបស់អង្គការ Girl Scout មកពីរដ្ឋ Indiana ត្រូវបានផ្ដល់រង្វាន់កិត្តិយស កាលពីថ្ងៃព្រហស្បតិ៍សម្រាប់ភាពក្លាហានរបស់នាង ដោយអង្គការ Girl Scouts of the USA ។ នាងទទួលបានមេដាយកិត្តិយស ដែលជាពានរង្វាន់សង្គ្រោះជីវិតមនុស្ស។</span></p>
<p><span style="color: #000000;">យោងតាមរបាយការណ៍បានអោយដឹងថា អង្គការ Girl Scouts of Central Indiana ធ្លាប់បានផ្តល់រង្វាន់ សង្រ្គោះជីវិតមួយផ្សេងទៀតរួចមកហើយ នៅក្នុងទសវត្សរ៍ចុងក្រោយនេះ ៕</span></p>
<p><span style="color: #000000;"><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/9/25/mkn-25-09-2017--10-19-16.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ InsideEdition </span></p>