<div>
<p><span style="color: #000000;"><strong>(សេអ៊ូល)៖</strong> ក្រសួងការពារជាតិកូរ៉េខាងត្បូង បានប្រកាសឲ្យដឹងនៅថ្ងៃអង្គារ ទី០៩ ខែកុម្ភៈ ឆ្នាំ ២០១៦ នេះថា កាលពីពីរថ្ងៃមុន កូរ៉េខាងជើង ពិតជាបានបាញ់បង្ហោះ ផ្កាយរណបប្រាកដមែន ដោយរហូតមកដល់ថ្ងៃនេះវាកំពុង គោចរនៅក្នុងគន្លងតារាវិថី ប្រកបដោយជោគជ័យ។ នេះបើតាមការផ្សាយ របស់ទីភ្នាក់ងារព័ត៌មាន ស៊ិនហួ។</span></p>
<p><span style="color: #000000;">សារព័ត៌មានរដ្ឋកូរ៉េខាងជើង បានប្រកាសពីជោគជ័យ របស់ខ្លួនខាងលើនេះ តាំងពីថ្ងៃអាទិត្យសប្តាហ៍មុនមកម្ល៉េះ ដោយផ្កាយរណបខាងលើនេះ មានឈ្មោះថា ក្វាងម្យុងសង-៤ (Kwangmyongsong-4) ជាប្រភេទផ្កាយរណប ដែលប្រើប្រាស់ដើម្បីអង្កេតលក្ខណៈទូទៅនៃផែនដី។ វាត្រូវបានបាញ់បង្ហោះឡើង កាលពីវេលាម៉ោង ៩៖៣០នាទី ព្រឹកហើយ៤៦វិនាទី ក្រោយមកវាបានទៅដល់គន្លងគោចរ។</span></p>
<p><span style="color: #000000;">យ៉ាងណាក៏ដោយ ក្រសួងការពារជាតិកូរ៉េខាងត្បូង បានអះអាងថា ខ្លួនបានតាមដានយ៉ាងដិតដល់បំផុត ចំពោះសកម្មភាពកូរ៉េខាងជើង ហើយផ្កាយរណប ដែលរុញច្រានដោយគ្រាប់រ៉ុក្កែត ក្វាងម្យុងសងនោះ ពិតជាហោះហើរទៅកាន់គន្លងរបស់វា ជាធម្មតាប្រាកដមែន៕</span></p>
<p><a class="thickbox" title="" href="/FileManager/Commons/2016/2/11/14-11-02-2016--10-27-36.jpg"><img src="/FileManager/Articles/mce/2016/2/11/14-11-02-2016--10-27-36.jpg" alt="" /></a></p>
<p style="text-align: center;"><span style="color: #000000;"><img src="https://www.nknews.org/wp-content/uploads/2015/08/north-korea-has-launched-its-rocket-south-korean-media-reports-675x368.jpg" alt="" width="730" /></span></p>
<p style="text-align: center;"><span style="color: #000000;"><img src="http://i2.cdn.turner.com/cnnnext/dam/assets/160206164310-north-korea-rocket-launch-satellite-hancocks-orig-00011106-large-169.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>