<p><span style="color: #000000;"><strong>(កណ្តាល)៖</strong> មន្រ្តីនគរបាលចរាចរណ៍ខេត្តកណ្តាលម្នាក់ បានរងនូវការរិះគន់ពីប្រជាពលរដ្ឋថា មិនព្រមទទួលយកលុយរៀលក្រដាស២ម៉ឺនរៀល គ្រាន់តែរហែកបិទស្កុតបន្តិចសោះ នៅពេលដែលប្រជាពលរដ្ឋរូបនេះ បានបើករថយន្តលើសល្បឿនហើយត្រូវបាននគរបាល ចាប់ផាកពិន័យចំនួន៤ម៉ឺនរៀល។</span></p>
<p><span style="color: #000000;">បុរសដែលបើករថយន្តលើសល្បឿន ហើយត្រូវបានក្រុមនគរបាលចរាចរណ៍ ខណៈកំពុងត្រួតពិនិត្យគោលដៅតាមផ្លូវជាតិលេខ៣ ចាប់ឃាត់ និងផាកពិន័យ៤ម៉ឺនរៀលនោះ បាននិយាយថា ពេលនោះគាត់បានឲ្យលុយទៅនគរបាលគ្រប់ចំនួន ដោយក្រដាស២ម៉ឺនទាំង២សន្លឹក ប៉ុន្តែក្រដាស២ម៉ឺនមួយសន្លឹករហែកបិទស្កុតបន្តិចសោះ ស្រាប់តែនគរបាលម្នាក់ មិនទទួលយកដោយឆ្លើយតបថា «ខាងរតនាគារខេត្តកណ្តាល មិនយកលុយរហែកទេ»។</span></p>
<p><span style="color: #000000;">ហេតុការណ៍បង្កឲ្យមានការភ្ញាក់ផ្អើលនេះ បានកើតឡើងនៅព្រឹកថ្ងៃទី២៣ ខែមីនា ឆ្នាំ២០១៦ ស្ថិតនៅតាមបណ្តោយផ្លូវជាតិលេខ៣ ភូមិតាកុច ឃុំអន្លុងរមៀត ស្រុកកណ្តាលស្ទឹង ខេត្តកណ្តាល ។ នគរបាលចរាចរណ៍ ដែលទទួលរងនូវការរិះគន់នោះមានឈ្មោះ អ៊ឹម ចណ្ណារ៉ា អត្តលេខ៤០៥៧៥ តែមិនដឹងថា ជានគរបាលបម្រើការងារនៅអធិការដ្ឋាន នគរបាលស្រុកកណ្តាលស្ទឹង ឬស្នងការដ្ឋាននគរបាលខេត្តកណ្តាលនោះទេ។</span></p>
<p><span style="color: #000000;">ចំណែកបុរសនោះមិនទាន់ស្គាល់ឈ្មោះទេ តែបើករថយន្តតូយ៉ូតាកូម៉ា២បាំង ពណ៌ខ្មៅពាក់ស្លាកលេខភ្នំពេញ 2P 3747។ បើយោងតាមច្បាប់រដ្ឋដូចមានចែង ក្នុងមាត្រា៤៣ និង៦៤ នៃច្បាប់ស្តីពីការរៀបចំ និងការប្រព្រឹត្តទៅនៃធនាគារជាតិកម្ពុជា ដែលត្រូវបានប្រកាសឱ្យប្រើដោយព្រះរាជក្រមលេខនស/រកម/០១៩៦/២៧ ចុះថ្ងៃទី២៦ ខែមករា ឆ្នាំ១៩៩៦ «ក្នុងពេលដែលមិនបានដកចេញពីចរាចរទេនោះ ក្រដាសប្រាក់ដែលបោះផ្សាយដោយធនាគារកណ្តាល គឺជារូបិយវត្ថុមានតម្លៃនីត្យានុកូលក្នុងព្រះរាជាណាចក្រកម្ពុជា និងមានតេជានុភាពធ្វើសេរីកាគ្មានព្រំដែន។ ជនណាពុំព្រមទូទាត់រូបិយវត្ថុ ដែលមានតម្លៃនីត្យានុកូល និងមានតេជានុភាពធ្វើសេរីកាលើដែនដី នៃព្រះរាជាណាចក្រកម្ពុជា ជននោះនឹងត្រូវបានផ្តន្ទាទោសពិន័យជាប្រាក់ស្មើនឹង១០០ដង នៃទឹកប្រាក់ដែលពុំព្រមទូទាត់នោះ»។</span></p>
<p><span style="color: #000000;">យ៉ាងណាក៏ដោយអង្គភាព Fresh News មិនទាន់អាចសុំការបំភ្លឺពីមន្រ្តីនគរបាលចរាចរណ៍ដែលរងការរិះគន់នោះទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/s851x315/10649795_480530012149358_5752267040707144128_n.jpg?oh=924d382a3373b9616b2055f950e4fe8c&oe=578FE849" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpl1/t31.0-8/12841240_480528528816173_3360984710355633724_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xaf1/v/t1.0-9/12042713_480528522149507_3288634144588782817_n.jpg?oh=4b07763bc08322dbb0a414fe05217d86&oe=57848D40&__gda__=1468968177_6c09116e974d6c809557e40fde2fd17f" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>