<p><span style="color: #000000;"><strong>(ក្រុងរីយ៉ូ)៖</strong> អត្តពលិកហែលទឹកអាមេរិក កីឡាករ James Feigen ត្រូវបានក្រុមអាជ្ញាធរប្រេស៊ីល ពិន័យជាប្រាក់ចំនួន ១០,៨០០ដុល្លារសហរដ្ឋអាមេរិក មុនចាកចេញពីប្រេស៊ីល ដោយសារតែប្រឌិតរឿងចោរប្លន់ពួកគេនៅទីក្រុង Rio de Janeiro កាលពីចុងសប្តាហ៍ រួមជាមួយនឹងមិត្តរួមជាតិ ៣នាក់ផ្សេងទៀត។</span></p>
<p><span style="color: #000000;">មេធាវីរបស់ម្ចាស់មេដាយមាស កីឡាអូឡាំពិក Rio Olympic Games 2016 បានថ្លែងប្រាប់សារព័ត៌មាន AP ឲ្យដឹង មុននេះថា James Feigen ត្រូវបានអាជ្ញាធរបង្គាប់ឲ្យបង់ប្រាក់ ១០,៨០០ដុល្លារ មុនទទួលបានលិខិតឆ្លងដែន និង ចាកចេញពីប្រទេសប្រេស៊ីលវិញ ដោយសារតែប្រឌិតខុសរឿង ថាពួកគេត្រូវបានចោរប្លន់នៅទីក្រុង Rio ពេលជិះតាក់ ស៊ីត្រឡប់មកពីប្រកួតហែលទឹកវិញនោះ តែតាមការពិតពួកគេបានបង្ករឿងនៅកន្លែងស្ថានីយ៍ចាក់សាំងសោះ។</span></p>
<p><span style="color: #000000;">សេចក្តីរាយការណ៍ពីក្រុមសមត្ថកិច្ចក៏បានឲ្យដឹងដែរថា Feigen ជាអ្នកបង្កឲ្យមានបញ្ហា ដែលរូបគេបានចូលបន្ទប់ទឹក បត់ជើងតូច តែបានធ្វើឲ្យខូចខាតរបស់របរបន្តិចបន្ទួចនៅក្នុងបន្ទប់ទឹកដោយពុំទទួលខុសត្រូវ និងព្យាយាមគេចវេស ដែលបង្ខំឲ្យសន្តិសុខដកកាំភ្លើងភ្ជង់តែម្តង។</span></p>
<p><span style="color: #000000;">សូមបញ្ជាក់ផងដែរថា រហូតមកទល់នឹងពេលនេះ ជនបង្ករឿង៣រូប ក្នុងចំណោមបក្ខពួក៤នាក់ មានដូចជា Ryan Lochte, Gunnar Bentz និង Jack Conger បានធ្វើដំណើរចេញពីទីក្រុង Rio de Janeiro នៃប្រទេសប្រេស៊ីលហើយ នៅរង់ចាំតែ James Feigen ដែលត្រូវពិន័យ ១០,៨០០ដុល្លារ មុនចាកចេញដូចគ្នា៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/20/16-20-08-2016--09-06-30.jpg"><img src="/FileManager/Articles/mce/2016/8/20/16-20-08-2016--09-06-30.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>