<p><strong>Kuala Lumpur ៖ ក្មេងប្រុសម្នាក់ត្រូវបានគេសន្មត់ថា កេងប្រវ័ញ្ចកំលាំងពលកម្មរហូត<br />ដល់ស្លាប់</strong><strong> បន្ទាប់ពីក្មេងប្រុសម្នាក់នោះត្រូវបានបញ្ជូនទៅកាន់មន្ទីរពេទ្យមួយកន្លែងស្ថិត<br />នៅក្នុងប្រទេសម៉ាឡេស៊ី</strong><strong>ដែលមានឈ្មោះថា Universiti Kebangsaan Malaysia ។</strong></p>
<p>បើតាមភ្នាក់ងារប៉ូលីសរបស់ប្រទេសនេះ បានអោយដឹងថា ពួកគេក៏កំពុងតែព្យាយាមបញ្ជាក់នូវ<br />អត្ថសញ្ញាណរបស់ក្មេងប្រុសនោះ ក៏ដូចជាស្វែងរកនូវអត្តសញ្ញាណរបស់ក្រុមគ្រួសារក្មេងប្រុស<br />នោះ ដើម្បីធ្វើការបញ្ជាក់អះអាង ពីមូលហេតុចម្បងអ្វីដែលបណ្តាលអោយក្មេងប្រុសនោះស្លាប់។</p>
<p><a class="thickbox" title="" href="/FileManager/Commons/2012/8/3/npg14sacku-03-08-2012--09-22-27.jpg"><img src="/FileManager/Articles/mce/2012/8/3/npg14sacku-03-08-2012--09-22-27.jpg" alt="" width="487" height="283" /></a><br /><span style="color: #3366ff;"> មន្រី្តប៉ូលីសរបស់ប្រទេសនេះ បានបង្ហាញរូបថតក្មេងប្រុសដែលបានស្លាប់បាត់បង់ជីវិតរូបនោះ</span></p>
<p>លើសពីនេះទៅទៀត បើយោងតាមសម្តីរបស់ភ្នាក់ងារប៉ូលីសម្នាក់ បានអោយដឹងថា ៖ ក្រុមការ<br />ងារយើងខ្ញុំទើបតែទទួលបានព័ត៌មានមួយនេះ ក្រោយពីក្មេងប្រុសម្នាក់នោះ ត្រូវបានបញ្ជូនទៅ<br />កាន់បន្ទប់សង្គ្រោះបន្ទាន់ កាលពីអំឡុងម៉ោង 8:15 នាទីព្រឹក ដោយបុរសម្នាក់ នឹងនារីពីរនាក់<br />ផ្សេងទៀត តាមរយៈឡានមួយគ្រឿង។</p>
<p>គួរបញ្ជាក់ផងដែរថា ក្មេងប្រុសម្នាក់នោះ បានសន្លប់បាត់បង់ស្មារតីទៅហើយ ស្របពេលដែលគេ<br />បានបញ្ជូនមកដល់មន្ទីរពេទ្យ រីឯអ្នកដែលនាំគេមកកាន់មន្ទីរពេទ្យ ក៏បានបើកឡានចេញទៅវិញ <br />ដោយមិនបានបញ្ជាក់អត្តសញ្ញាណអ្វីនោះទេ ។ លុះក្រោយមក មិនបានប៉ុន្មានផង បើតាមសម្តី<br />របស់លោកវេជ្ជបណ្ឌិតបានអោយដឹងថា ក្មេងប្រុសបានស្លាប់បាត់បង់ជីវិតទៅហើយ ទោះបីក្រុម<br />ការងារខិតខំប្រឹងប្រែងជួយគេអោយអស់ពីសមត្ថភាពក៏ដោយ។</p>
<p><a class="thickbox" title="" href="/FileManager/Commons/2012/8/3/rspca-boy1-03-08-2012--09-25-08.jpg"><img src="/FileManager/Articles/mce/2012/8/3/rspca-boy1-03-08-2012--09-25-08.jpg" alt="" width="487" height="328" /></a><br /> <span style="color: #3366ff;">រូបក្មេងប្រុសដែលរងគ្រោះដោយកម្លាំងពលកម្ម តែមិនមែនជារូបក្មេងប្រុសដែលរៀបរាប់នៅ</span><br /><span style="color: #3366ff;"> ក្នុងអត្ថបទនេះទេ</span></p>
<p>ទន្ទឹមនឹងពេលនេះដែរ បើតាមរបាយការណ៍ក៏បានបន្ថែមអោយដឹងថា ក្មេងប្រុសនោះត្រូវបានគេ<br />រកឃើញស្លាកស្នាម ក៏ដូចជា ស្នាមជាំពេញរាងកាយទាំងអស់ ដែលវាជាសារមួយចង្អុលបង្ហាញ<br />អោយឃើញថា ក្មេងប្រុសនេះគឺជាជនរងគ្រោះ ក្នុងការប្រើប្រាស់កំលាំងពលកម្មហួលហេតុ ក៏<br />ដូចជា បានរកឃើញនូវការរងរបួសយ៉ាងធ្ងន់ធ្ងរ នៅត្រង់ពោះរបស់គេផងដែរ ។ តែមកទល់នឹង<br />ពេលនេះ ប៉ូលីសមិនទាន់បានបញ្ជាក់ច្បាស់នូវឡើយទេ ពីអត្តសញ្ញាណរបស់ក្មេងប្រុសម្នាក់នោះ <br />ដោយករណីមួយនេះ វាកំពុងតែស្ថិតនៅក្នុងការតាមដានស៊ើបអង្កេតនៅឡើយ៕</p>
<p style="text-align: right;">ដោយ ៖ រិទ្ធី<br />ប្រភព ៖ Yourhealth</p>