<p><span style="color: #000000;"><strong>ភ្នំពេញ ៖</strong> ជនសង្ស័យម្នាក់ ជំនាញខាងកាច់កម៉ូតូ យ៉ាងសកម្ម និងធ្លាប់ជាប់ ពន្ធនាគារ កាលពីឆ្នាំ២០១០កន្លងទៅនោះ ត្រូវបានកម្លាំង នគរបាល ការិយាល័យ ព្រហ្មទណ្ឌកំរិតស្រាល នៃស្នងការដ្ឋាននគរបាល រាជ ធានីភ្នំពេញ តាមចាប់ខ្លួនម្តងទៀត កាលពីវេលាម៉ោង២រសៀលថ្ងៃទី១៤ ខែមករា ឆ្នាំ២០១៥ ស្ថិតនៅបន្ទប់ជួល សង្កាត់កាកាប ខណ្ឌពោធិ៍សែនជ័យ។</span></p>
<p><span style="color: #000000;">មន្រ្តីនគរបាល ព្រហ្មទណ្ឌកំរិតស្រាល បានបញ្ជាក់ថា ក្រោយការចាប់ខ្លួន កម្លាំងសមត្ថកិច្ច បានដកហូតម៉ូតូមួយគ្រឿង និងដែកកាច់ចំនួន២ ផងដែរ។ មន្រ្តីនគរបាល បានបន្តទៀតថា កាលពីឆ្នាំ២០១០ កន្លងទៅ ការិយាល័យ ធ្លាប់ចាប់ខ្លួន ម្តងមកហើយ បន្ទាប់មក ត្រូវបានតុលាការ សម្រេចដាក់ ពន្ធនាគារតែម្តង ។ លុះក្រោយមក រយះពេល៥ខែចុងក្រោយ ជនសង្ស័យ បានចេញមកវិញ ក៏មិនបោះបង់គំនិត បានបន្តធ្វើ សកម្មភាពលួចម៉ូតូ ថែមទៀត។</span></p>
<p><span style="color: #000000;">មន្រ្តីនគរបាល បានបន្តទៀតថា ក្រោយទទួលបានព័ត៌មាននៃ ការធ្វើ សកម្មភាព របស់ជនសង្ស័យម្តងទៀត នាយការិយាល័យ ព្រហ្មទណ្ឌកំរិត ស្រាលបានទទួលបទបញ្ជាពីលោកស្នងការ និង ស្នងការរងទទួលផែន ចុះធ្វើការស្រាវជ្រាវ រហូតតាមចាប់តែម្តង។</span></p>
<p><span style="color: #000000;">បច្ចុប្បន្ន ជនសង្ស័យត្រូវបានយកទៅ សួរនាំនៅការិយាល័យ ព្រហ្មទណ្ឌកំរិតស្រាល ដើម្បីកសាង សំណុំរឿងបញ្ជូនទៅ កាន់តុលាការចាត់ការតាមផ្លូវច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/15/1-15-2015-11-14-58-am-15-01-2015--11-20-12.png"><img src="/FileManager/Articles/mce/2015/1/15/1-15-2015-11-14-58-am-15-01-2015--11-20-12.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>