<p><strong>បាត់ដំបងៈ</strong> កម្លាំងនគរបាលស្រុកថ្មគោល បានឃាត់ខ្លួនជនសង្ស័យម្នាក់ តាមពាក្យបណ្តឹង<br />ជនរងគ្រោះ កាលពីវេលាម៉ោង៤និង៤០នាទី រសៀលថ្ងៃ ទី១០ ខែធ្នូឆ្នាំ២០១២ នៅចំណុចផ្ទះ<br />ជនសង្ស័យ នៅភូមិព្រៃទទឹង ឃុំអូរតាគី ស្រុកថ្មគោល ជាប់ចោទពីបទរំលោភក្មេងស្រី អាយុ<br /> ១៥ឆ្នាំ នៅម៉ោង ០០.២៥នាទីរំលងអធ្រាត្រ ចូលថ្ងៃទី១០ ខែធ្នូ ឆ្នាំ២០១២ នៅផ្ទះអ្នកជិតខាង<br /> ក្នុងភូមិខាងលើ រៀបចំកសាងសំណុំ រឿងបញ្ជូនខ្លួនជនសង្ស័យ មក ស្នងការខេត្តដើម្បីចាត់ការ<br />បន្តតាមច្បាប់។</p>
<p>លោក យឹម វិចិត្រ អធិការនគរបាលស្រុកថ្មគោល បានឲ្យដឹងថា ជនសង្ស័យ ដែលសមត្ថកិច្ចឃាត់<br />ខ្លួន មានឈ្មោះ ហៀង គឹមហូរ ភេទប្រុស អាយុ ២៦ឆ្នាំ រស់នៅភូមិព្រៃទទឹង ឃុំអូរតាគី ស្រុកថ្ម<br />គោលចំណែកកម្មេងស្រីរងគ្រោះ មានអាយុ ១៥ឆ្នាំ រស់នៅភូមិព្រៃដាច់ ឃុំអូរតាគី ស្រុកថ្មគោល។</p>
<p>លោក យឹម វិចិត្រ បន្តថា យោងតាមបណ្តឹង របស់ម្តាយ និងជនរងគ្រោះ បានឲ្យដឹងថា មុនពេល<br />កើតហេតុ នៅវេលាម៉ោងប្រហែល ៩យប់ ជន សង្ស័យ បានទូរស័ព្ទហៅជនរងគ្រោះចេញពីផ្ទះ<br /> ដើម្បីឌុបម៉ូតូដើរលេងយប់ ព្រោះថា ស្អែកខ្លួននិងចេញទៅថៃវិញហើយ ក្រោយពីនាងបាន ចេញ<br />ពីផ្ទះហើយ ជនសង្ស័យក៏បានឌុបនាង ដើរលេងរហូតដល់កណ្តាលអធ្រាត្រ រួចក៏នាំគ្នាចូល ទៅ<br />ក្នុងផ្ទះគេក្នុងភូមិដោយម្ចាស់ផ្ទះមិននៅ គេទៅថៃអស់ រួចបានលួងលោមនាង ចាប់ឱបថើប រួចធ្វើ<br />សកម្មភាពយកម្រាមដៃលូកខ្វេះប្រដាប់ភេទនាង និងរំលោភបានសម្រេចម្តង ក្រោយពីធ្វើ សកម្ម<br />ភាពហើយជនសង្ស័យក៏បានឌុបនាង មកទម្លាក់មុខផ្ទះ រួចឲ្យនាងដើរចូលក្នុងផ្ទះម្នាក់ឯង។ ក្រោយ<br />ពីនាងបានចូលទៅក្នុងផ្ទះវិញ ម្តាយនាង បានសួរនាំកូន ឃើញទឹកមុខនាងចម្លែក ម៉េចក៏ដើរលេង<br />យប់ជ្រៅម្ល៉េះ ពេលនោះនាងបានប្រាប់ម្តាយតាមត្រង់ថា នាងទៅដើរលេងជាមួយ ជនសង្ស័យខាង<br />លើ រួចគេបានចាប់រំលោភនាងទៀត។ ពេលម្តាយបានដឹងរឿងហើយ ព្រឹកឡើងក៏បាននាំកូន ទៅ<br />ដាក់ពាក្យបណ្តឹង នៅប៉ុស្តិ៍ឃុំអូរតាគី ក្រោយពីបានទទួលពាក្យបណ្តឹងហើយ នគរបាលប៉ុស្តិ៍បាន<br />រៀបចំសំណុំរឿង បញ្ជូនទៅអធិការស្រុក ដើម្បីសហការចុះធ្វើការ ឃាត់ខ្លួនជនសង្ស័យបាន នៅ<br />វេលាម៉ោង៤និង៤០នាទី ល្ងាចថ្ងៃដដែល នាំយកមកសាកសួរ។</p>
<p>ជនសង្ស័យបានឆ្លើយសារភាពថា ខ្លួនពិតជាបានទូរស័ព្ទបបួលនាង ជិះម៉ូតូដើរលេងយប់ រួចបានលួង<br />លោមនាងរំលោភបាន សម្រេចម្តងពិត ប្រាកដមែន។</p>
<p>បច្ចុប្បន្នកម្លាំងនគរបាលស្រុក កំពុងកសាងសំណុំរឿង បញ្ជូនខ្លួនជនសង្ស័យ ទៅស្នងការខេត្ត នៅ<br />រសៀលថ្ងៃទី១១ ខែធ្នូនេះ ដើម្បីចាត់ការបន្ត តាមច្បាប់៕</p>
<p><a class="thickbox" title="" href="/FileManager/Commons/2012/12/11/that-0167-11-12-2012--15-18-06.jpg"><img src="/FileManager/Articles/mce/2012/12/11/that-0167-11-12-2012--15-18-06.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖<a href="http://www.dap-news.com/2011-06-14-02-39-55/54117-2012-12-11-07-13-37.html"> <span style="color: #0000ff;">ដើមអំពិល</span></a></p>