<div class="article-content">
<p><strong>បាងកក៖</strong> គេហទំព័រព័ត៌មានបាងកកប៉ុស្តិ៍ របស់ថៃ បានចេញផ្សាយនៅ ថ្ងៃព្រហស្បតិ៍ ទី១៤<br /> ខែវិច្ឆិកា ឆ្នាំ ២០១៣ នេះថា លោកស្រីនាយករដ្ឋមន្ត្រីថៃ យីងឡាក់ ស៊ីណាវ៉ាត់ បានថ្លែងនៅ <br />ក្នុងសភាថៃកាលពីថ្ងៃពុធ ម្សិលមិញនេះថា លោកស្រីមិនដែលបាន អះអាងថាទទួលយកនូវ<br /> សេចក្តីសម្រេចរបស់ តុលាការយុត្តិធម៌ អន្តរជាតិទីក្រុងឡាអេ ក្នុងការប្រគល់ដីក្បែរ ប្រាសាទ<br />ព្រះវិហារ ទៅឲ្យកម្ពុជានោះទេ។</p>
<p>លោកស្រីនាយករដ្ឋមន្ត្រីថៃរូបនេះ បានថ្លែងថាលោកស្រី គ្រាន់តែលើកឡើង អំពីការព្យាយាម<br /> រក្សាឲ្យបាននូវសន្តិភាព និង ទំនាក់ទំនងស្និតស្នាល ជាលក្ខណៈអន្តរជាតិ បើទោះបីជាការ <br />សម្រេចក្តីនោះ ចេញមកបែបណាក៏ដោយ។</p>
<p>លោកស្រីយីងឡាក់ បានលើកឡើងដូច្នេះ នៅក្នុងកិច្ចប្រជុំសភាថា “ខ្ញុំមិនដែលបាននិយាយ ថា<br />ខ្ញុំនឹងទទួលយក សេចក្តីសម្រេចរបស់ តុលាការនោះទេ។ អ្វីដែលខ្ញុំបាន និយាយនោះ គឺខ្ញុំ <br />នឹងរក្សាទំនាក់ទំនងទ្វេភាគី ព្រមទាំងអធិបតេយ្យភាពជាតិយើងឲ្យបាន។ គ្រប់ពាក្យពេជន៍ <br />សុទ្ធតែប្រុងប្រយ័ត្ន និង សំខាន់នៅពេលដែល វាទាក់ទងនឹងផ្នែក ការទូតអន្តរជាតិនោះ។”</p>
<p>ក្រៅពីការបកស្រាយខាងលើនេះ លោកស្រីយីងឡាក់ ក៏បានសន្យាផង ដែរថានឹងស្វែងរក <br />ការយល់ព្រមពីសភា សម្រាប់កិច្ចចរចាណាមួយ ដែលពាក់ព័ន្ធទៅ នឹងមាត្រា ១៩០ នៃរដ្ឋ <br />ធម្មនុញ្ញ។ ការថ្លែងរបស់ នាយករដ្ឋមន្ត្រីថៃនៅពេលនេះ គឺជាការឆ្លើយតប មួយទៅនឹងសំនួរ<br /> របស់មេដឹកនាំបក្សប្រឆាំង គឺលោក អាប់ភីស៊ិត វេចចាជីវ៉ា។<br />គួរបញ្ជាក់ថា កិច្ចប្រជុំសភា រួមគ្នាខាងលើនេះ បានធ្វើឡើងក្រោមមាត្រា ១៧៩ នៃរដ្ឋធម្មនុញ្ញ<br /> ដើម្បីពិភាក្សាអំពីសេចក្តីសម្រេចរបស់ ICJ ដែលមតិមួយចំនួន បានលើកឡើងថា នឹងអាចនាំ<br /> ឲ្យប្រទេសថៃ បាត់បង់ទឹកដីមួយ ចំនួនទៅឲ្យកម្ពុជានោះ។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0323.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>