<p><strong>ភ្នំពេញៈ</strong> តារាកំប្លែងពហុជំនាញក្នុងសិល្បៈ លោក រ៉ូលីន ដែលមានឈ្មោះដើមថា ជួប ច័ន្ទកក្កដា<br /> បច្ចុប្បន្នជាតារាកំប្លែង ពេញនិយមមួយដួង ដែលជារៀងរាល់ ចុងសប្ដាហ៍ទស្សនិកជន តែងតែ<br />ឃើញវត្តមាន តារាកំប្លែងរូបនេះ ស្ទើរតែគ្រប់ប៉ុស្តិ៍ទូរទស្សន៍ ដូចជា My Tv ហង្សមាស បាយ័ន <br />TV9 TV3 អប្សរា និងស្ថានីយទូរទស្សន៍ ក្នុងស្រុកមួយចំនួនទៀត ។</p>
<p>រ៉ូលីន ជាតារាដែលរះ ចេញពីប្រព័ន្ធ Internet YouTube ដោយសារតែ រ៉ូលីន ពូកែច្រៀងនិងសម្ដែង<br /> បានល្អបែបជាចរិកស្រី ពិសេសគឺច្រៀងសំឡេងដូច អ្នកស្រី ប៉ែន រ៉ន ដែលធ្វើឲ្យទស្សនិកជនកាន់ <br />តែមានភាពចាប់ អារម្មណ៍លើរូបលោក ។ វីដេអូឃ្លីប ជាច្រើនដែលចូលរួម សម្ដែងជាមួយ ដោយ<br />តារាសិល្បៈល្បីៗ ដូចជា តារាសម្ដែងស្រីសិចស៊ី លំដាប់ប្រទេស អ្នកនាង ស្រីម៉ុច ពិធីករល្បីឈ្មោះ<br /> តាប៊ុយ ដែលកាន់តែរុញច្រានឲ្យ រ៉ូលីន កាន់តែមានភាពលេចធ្លោខ្លាំង ពិសេសវិដេអូទាំងនោះត្រូវ<br />បានថតដោយ ហាងថតរូបដ៏ល្បីគឺ Photosity ជាហាងដែលរ៉ូលីន ធ្វើការជាអ្នកផាត់មុខ រាប់ឆ្នាំមក<br />ហើយ។</p>
<p><span style="line-height: 1.8;">ទំនាកទំនងរវាងម្ចាស់ហាង និងរ៉ូលីន គឺមិនមែនជា លក្ខណៈបុគ្គលិក និង ថៅកែទេ តែជាបងប្អូនធម៌ <br />នឹងគ្នាទៀតផង ដោយទឹកចិត្តអាណិតស្រលាញ់ក៏ជួយយិតយោង រ៉ូលីនរហូតដល់មានថ្ងៃនេះ។ ស្រាប់<br />តែថ្មីនេះមានព្យុះព័ត៌មាន បក់បោកមកលើតារាល្បី រ៉ូលីន ថា ជាតារាភ្លេចកំណើតដើម និង ពូកែប្រកាន់<br />ច្រើនខុសទំនង ។ ប្រភពដែលជិតដិតនឹងហាង Photosity បានប្រាប់ LookingTODAY ថា តាំងពីរ៉ូលីន<br /> ក្លាយជាតារាមានឈ្មោះ បោះសំឡេងល្បីល្បាញមក រ៉ូលីន មិនដែលមកជាន់ហាង Photosity ម្ដងណា<br />ឡើយ ពោលគឺមិនដែល សូម្បីតែនឹកនា ដល់ លោក គន្ធ ដែលជាអ្នកផ្ចុងផ្ដើម ជីវិតសិល្បៈដល់ រ៉ូលីន។<br /> ជាហេតុធ្វើឲ្យលោក គន្ធ មានការអាក់អន់ ស្រពន់ចិត្តមិនតិចទេ ព្រោះ រ៉ូលីន បែរជាងាកមកស្និទ្ធស្នាល <br />ជាមួយនឹងអ្នកដឹកនាំ សម្ដែងដ៏ល្បីឈ្មោះ និងជាអ្នករៀបចំកម្មវិធីដ៏មានឥទ្ធិពល គឺ លោក អ៊ិន ទីតូ ទៅ<br />វិញ។</span></p>
<p><span style="line-height: 1.8;">ប្រភពដដែលបានបន្តទៀតថា ម្ចាស់ហាង Photosity ដ៏ល្បីល្បាយនោះ កំពុងតែរកមើលមនុស្ស ដែល<br />មានលក្ខណ:ពិសេស ដើម្បីមកគ្រោងតំណែងជា Miss Photo City ជំនាន់ទី២ ដើម្បី Promote ហាងជា<br />ថ្មី ។ ប៉ុន្តែលើកនេះ លោកត្រូវមានកុងត្រា ដើម្បីបង្កាបញ្ហាទៅថ្ងៃក្រោយ ព្រោះធ្លាប់មាន បទពិសោធន៍<br />រួចហើយ មិនចង់ឲ្យវាកើត ឡើងមកទៀតទេ។</span></p>
<p><span style="line-height: 1.8;">ប្រភពមួយផ្សេងទៀតបាននិយាយថា រ៉ូលីន ហាក់ព្រួយបារម្មណ៍ ជាមួយនឹងវត្តមាន របស់តារាតាម<br />ហ្វេសប៊ុកថ្មី Peypey Dy ដោយសារតែរយៈ ពេលពីសប្តាហ៍សោះ Page របស់ Peypey DY មានអ្នក<br /> Like ដល់ទៅ៤៥០០០ នាក់ដែលបានវ៉ាដាច់ រ៉ូលីន តែម្ដង។ ក្នុងការប្រគំតន្រ្តីទេសចរណ៍ខារ៉ាបាវរបស់<br />ស្ថានីយ ទូរទស្សន៍ហង្សមាស នៅខេត្តពោធិ៍សាត់ ពេលនោះ Peypey Dy ក៏មានវត្តមាននៅទីនោះដែរ<br /> គ្រាន់តែមិនបានទៅច្រៀងទេ ពោល Peypey dy ទៅលក្ខណ:ជាអ្នកគាំទ្រ តារាចម្រៀងម្នាក់ប៉ុណ្ណោះ ។</span></p>
<p>ប៉ុន្តែ Peypey dy ត្រូវបានគេចោមរោមថតសុំឱប សុំថើប សុំលេខទូរស័ព្ទ សាហាវជាងនាង ពេជ្រ សោ<br />ភា និង នាង ទេព បូព្រឹក្ស ដែលមានវត្តមាន ក្នុងពេលនោះទៀត ធ្វើឲ្យ រ៉ូលីន ធ្លាក់ទឹកមុខជ្រិបៗតែម្ដង។<br /> លោក រ៉ូលីន មិនអាចទាក់ទងបានទេ ដោយសាទូរស័ព្ទលោកខលចូល តែអត់អ្នកលើក ។ ទោះយ៉ាង<br />ណា LookingTODAY រង់ចាំការបកស្រាយពីរ៉ូលីន ដោយក្ដីរីករាយ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-098/S_0400.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-098/S_0401.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល<br /><br /></p>