<p><span style="color: #000000;"><strong>(ស្វាយរៀង)៖</strong> ម៉ូតូហុងដា C-125 មួយគ្រឿង បានបោលទៅព្រលះជាមួយរថយន្តកុងទឺន័រមួយគ្រឿងដែរ បណ្ដាលឱ្យអ្នកបើកបរ ម៉ូតូពីរនាក់រងរបួសធ្ងន់។ ហេតុការណ៍នេះ បានកើតឡើងកាលពីយប់ ថ្ងៃទី១១ ខែឧសភា ឆ្នាំ២០១៦ នៅលើកំណាត់ផ្លូវជាតិលេខ១ ស្ថិតនៅក្នុងភូមិកំពោតប្រស់ សង្កាត់ច្រកម្ទេស ក្រុងបាវិត ខេត្តស្វាយរៀង។</span></p>
<p><span style="color: #000000;">ជនរងគ្រោះខាងលើមានឈ្មោះ មាស វត្ថា ភេទប្រុស អាយុ២៥ឆ្នាំ មុខរបរកម្មករ និងបានឌុបបុរសម្នាក់ទៀតឈ្មោះ យស់ ចំរើន អាយុ២២ឆ្នាំ មុខរបរកម្មករ អ្នកទាំង២រស់នៅភូមិលៀប ឃុំកណ្ដៀងរាយ ស្រុកស្វាយទាប ខេត្តស្វាយរៀង។ ចំណែកឯអ្នកបើក រថយន្តមិនស្គាល់អត្តសញ្ញាណទេ ព្រោះរត់បាត់ស្រមោលឈឹង។ </span></p>
<p><span style="color: #000000;">សមត្ថកិច្ចមូលដ្ឋានបានឱ្យដឹងថា មុនពេលកើតហេតុគេឃើញមានម៉ូតូម៉ាក HONDA DREAM C-125 ពណ៌ខ្មៅ ពាក់ស្លាកលេខ ស្វាយរៀង 1H-6148 បើកបរក្នុងល្បឿនលឿន លុះមកដល់ចំណុចកើតហេតុខាងលើ ក៏ជ្រុលទៅបុកប៉ះនឹងរថយន្តកុងទឺន័រ មួយគ្រឿងម៉ាក NISSAN DIESEL ពណ៌បៃតង ស្លាកលេខ ភ្នំពេញ 3B-6855 លាន់ដូចរន្ទះ បណ្ដាលឱ្យអ្នកបើកបរម៉ូតូទាំងពីរនាក់ រងរបួសធ្ងន់។ ចំណែកអ្នកបើកបររថយន្ត បានបើករថយន្តគេចចេញពីកន្លែងកើតហេតុក្រោយមកក៏បានឈប់រត់គេចខ្លួនបាត់ស្រមោល សូន្យឈឹង បន្សល់ទុកតែរថយន្ត។</span></p>
<p><span style="color: #000000;">ក្រោយពីបានកើតហេតុភ្លាម ជនរងគ្រោះទាំងពីរ ត្រូវបានបញ្ជូនទៅព្យាបាលនៅមន្ទីរពេទ្យខេត្តស្វាយរៀង រីឯវត្ថុតាងទាំងពីរគ្រឿង ត្រូវបានសមត្ថកិច្ច យកទៅរក្សាទុកនៅប៉ុស្ដិ៍នគរបាលរដ្ឋបាលសង្កាត់ច្រកម្ទេស ដើម្បីចាត់ចែងតាមនីតិវិធីច្បាប់៕</span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xlp1/v/t1.0-9/s851x315/13177081_271227259876450_2415593042114762590_n.jpg?oh=b4894666e2f97929c1e2fde3e8f1034f&oe=57A1FBBC&__gda__=1473923970_aea1b31f6ce673904e7abd32e17200a1" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfl1/v/t1.0-9/13179425_271227263209783_7250304585774573308_n.jpg?oh=fe8f021c3c776eb2e961c477ee1e4dd6&oe=57A15FE4&__gda__=1474320870_9d21b707897ed6316da07fa6ea0078a3" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>