<p><span style="color: #000000;"><strong>(ញូដេលី)៖</strong> សាលារៀនជាង ១៣០កន្លែង ស្ថិតនៅទីក្រុង ប៊ែងហ្គាឡឺរូ (Bengaluru) របស់រដ្ឋ កាណាតាកា (Karnataka) ភាគខាងត្បូងប្រទេសឥណ្ឌា ត្រូវបានអាជ្ញាធរ សម្រេចបិទទ្វារ ជាបណ្តោះអាសន្ន បន្ទាប់ពីសត្វខ្លារខិនចំនួន បីក្បាល បានឆ្មក់ចូលទៅក្នុងសាលារៀនមួយកន្លែង ក្នុងទីក្រុងខាងលើនេះ កាលពីបីថ្ងៃមុន។ នេះបើតាមការ ផ្សាយរបស់ទីភ្នាក់ងារព័ត៌មានស៊ិនហួរ នៅថ្ងៃព្រហស្បតិ៍ ទី១១ ខែកុម្ភៈ ឆ្នាំ ២០១៦។</span></p>
<p><span style="color: #000000;">មន្ត្រីក្នុងតំបន់ខាងលើនេះ បានបញ្ជាក់ទៀតថា ភ្នាក់ងារមកពីមន្ទីរគាំពារសត្វព្រៃរដ្ឋ បានចេញប្រតិបត្តិការបង្ក្រាប និងចាប់បានសត្វខ្លារខិលឈ្មោលចំនួន មួយក្បាល កាលពីថ្ងៃអាទិត្យ សប្តាហ៍មុននេះ ក្រោយពីវាបានអុកឡុក សាលារៀន និង បង្កការភិតភ័យដល់ក្មេងៗជាច្រើន។ ដោយឡែកសត្វខ្លារខិលពីរក្បាលផ្សេងទៀត កាលពីថ្ងៃអង្គារ សប្តាហ៍នេះ ត្រូវបានគេប្រទះឃើញ ដើររេរានៅក្បែរសាលារៀនដដែលផងដែរ។</span></p>
<p><span style="color: #000000;">បើតាមសម្តីរបស់មន្ត្រីគាំពារសត្វព្រៃឥណ្ឌា សត្វខ្លារខិនទាំងនោះ បានចេញមកពីព្រៃ ដែលនៅក្បែរសាលារៀន ហើយបានផ្លោះរបងចូលក្នុងសាលារៀនតែម្តង។ មិនមានការបង្ករបួសស្នាមណាមួយ ត្រូវបានគេរាយការណ៍ឲ្យ ដឹងនោះទេ។ សម្រាប់ប្រទេសឥណ្ឌា ចំនួនសត្វខ្លារខិនសរុប មានយ៉ាងហោចណាស់ក៏ ១៤,០០០ ក្បាលដែរ៕</span></p>
<p><a class="thickbox" title="" href="/FileManager/Commons/2016/2/11/21-11-02-2016--15-13-01.jpg"><img src="/FileManager/Articles/mce/2016/2/11/21-11-02-2016--15-13-01.jpg" alt="" /></a></p>
<p><a class="thickbox" title="" href="/FileManager/Commons/2016/2/11/21a-11-02-2016--15-13-10.jpg"><img src="/FileManager/Articles/mce/2016/2/11/21a-11-02-2016--15-13-10.jpg" alt="" /></a></p>
<p><span style="color: #000000;"><object width="483" height="414" data="http://www.youtube.com/v/3InzS6vnFoY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/3InzS6vnFoY&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>